ازاي تشوف الأرقام قبل ما تظهر على الداش بورد
بسم الله الرحمن الرحيم والصلاة والسلام على رسول الله
البـوست ده بوست خفيف وسريع هنتكلم فيه عن ازاي تعمل Tracking للأوردرات اللي بتدخل من الـ Campaigns بتاعتك
لو ركزت شوية في اعلاناتك اللي شغالة وقارنت فرق التوقيت اللي بيجيي فيه الأوردر على الويب سايت ب فرق التوقيت اللي بيجيي فيه الأوردر على الداش بورد
هتلاقي في فرق نص ساعة تقريبا… ساعات اكتر ساعات اقل وانت وحظك…
طيب لو بتكسيل في عدد كامبينز كتيرة ومنتجات اكتر ازاي تقـدر تحكم على الكامبين اذا كانت هتقف او لأ وانت مش عارف هي جابت Purchases ولا لأ
وخليني أقولك ان في الـ Hit And Run اوقات كتير القرارات السريعة بتكون مهمة جدا… لأن على عكس العادي انت بيكون عندك حجم كبير من الـكامبينز انت محتاج تطلع منهم بأقل Cost تقدر عليه
فـ بالتالي انت بتعمل Pump و Punch اكتر ما بتعمل كامبينز
فـ بالتالي انت محتاج تدعم قراراتك دي بـ حاجات فعليه بتحصل في وقتها
وهنا بيجيي قدامك خيار انك تستعمل GA4 وتبدأ تشوف الـ Purchase جاية منين وتحدد على اساسها
قبل ما Google Analytics يبقا GA4 احنا كنا فعلا بنعمل كدا وبناخد من الـ UTM كل حاجة ونقيس الكامبين عليها
لكـن حاليا GA4 مبقاش المصدر الأساسي اللي أقدر اخد عليه القرار في ساعتها
طيب حاليا بقا انا بستعمل ايه ؟
حاليا انا بستخدم Mix Panel
و Mixpanel واحدة من ادوات الـ Analysis المهدور حقها فعلا…
واتأكدت من كدا لما اشتغلت مع عميل سعودي الراجل ده كان Head of Tech في شركة كبيرة واول حاجة قالهالي عايزين نظبط الـ Tracking على Mixpanel عشان اشوف الـ Retention بتاع الـ Customers
وقتها ادركت ان الـ Tool دي ليها استخدامات كتير اوي احنا مش مستفيدين ب ربعها
وفي الـ Case اللي انا هحكيهالكم دي انا استعملت جزء واحد في Mix Panel وهو جزء الـ Events
طيب تعالى نرجع خطوة لـ ورا ونشوف احنا هنتراك الكامبين اصلا ازاي
اي كامبين بتعملها وانت بتخلصها هتلاقي جزء في الـ Ad اسمه Tracking URL
وده خـاص بكـل كامبين عشان لو عندك Third part tool زي Mixpanel – GA4 يقولك الـ Event جي من اي كامبين
جزء الـ Tracking URL ده بيتحط فيه UTM وده اختصار لـ Urchin Tracking Module
هو عبارة عن Link بيتحط فيه Parameters
وكـل Parameters بيحدد حاجة معينة يقدر يقرأها الـ Analytics Tool
خلينا ندي مثال عشان الدنيا تكـون اوضح شوية
حضرتك رحت عملت Campaign وجيت في اخر الكـامبين بتاعتك حطيت الـ UTM ده
utm_source=Meta&utm_medium=Conversion&utm_campaign=productname&utm_content=firstcontent
طيب اللينك ده بقا هيعمل ايه؟
ده هيروح للـ Analytics Tool يقولها خدي بالك فيه حد دخل على البيدج اللي مربوطة بـ UTM Source = Meta
يعني من على الفيس بوك
من كامبين اسمها Product Name
ومن اعلان Conversion
تخـيل ان يروحلك في وقتها كل حاجة عن الكامبين اللي دخلت الشخص ده
وأقولك كمان لو عمل اي Event زي ” Add to cart ” ” Product Content View ” وغيرها
هيظهرلك ان الـكامبين اتعملها الـ Event ده
ولو عايز تفهم الـ UTM بشكل اوضح هتلاقي عندي على البروفايل 2 بوست بيشرحوه بشكل كامل مفصل
“هحطلكم لينكاتهم في الكـومنتات “
نرجع لموضوعنا
كدا احنا عرفنا الـ UTM وعرفنا ان ده اللي هيخلي الـ Analytics Tool تدينا بيانات الكامبين كاملة
ايه بقا الخطوة التانية ؟
الخطوة التانية انك تربط الـ Analytics Tool دي بقا بالموقع بتاعك
وهنا هيظهر قدامك حلين
الحل الأول ان الـ Analytics Tool اللي هتستخدمها يكـون انتجريتد مع الـ Website Builder اللي انت مستخدمه
الحل التاني انك تربط الـ Analytics Tool بـ GTM وتربط GTM بالموقع بتاعك
يعني الحل التاني معقد سيكا بس اللي عايز أقولهولك انه مش صعب
لـو انت مش بتاع داتا وكل اللي عايزه تشوف ارقام الـ Purchases في وقتها على MixPanel فـ الموضوع سهل
هتربط Mixpanel بـ GTM وبعدين تضيف Trigger للـ Purchase وتربطه بـ Mixpanel
ولو دورت على اليوتيوب شوية هتلاقي فيديوهات كتير بتشرح GTM ببساطة جدا وهتعرف ان اللي انا كاتبهولك ده يخلص في نص ساعة
بعد ما تربط Mixpanel بـ GTM
هتروح على Mixpanel وتفتح الـ Events
وتعمل Filter على الـ Purchase Event
وبعدين تضيف Column فيها الـ UTM Campaign – UTM Source – UTM Content
عشان يظهرلك كل البيانات اللي انت محتاجها
عايز اقولك لو تعبت كمـان في الـ Tracking شوية هتقدر تعمل Customer Profile لكـل واحد بيدخل
وتعرف الـ AOV ولو اشترى اكتر من مرة وكل حاجة تقريبا عنه
وبس كدا يا سيدي دلوقتي تقـدر تشوف الكـامبين وقت ما تجيبلك الـ Purchase وتحكم على الكـامبين في الوقت اللي انت عايزه