إزاي تكسـب ملايين من الـ E-Commerce
بسم الله الرحمن الرحيم والصلاة والسلام على رسول الله
في البـوست ده هنتكلم من الأول خالص عن الـ E-Commerce من البداية بحيث يكـون مرجع لأي حد عـايز يبدأ في المجـال
– البداية :
يعني إيه E-Commerce : الـ E-Commerce هي عمليه تجـارة بتتم عن طـريق الإنترنت البايع والشاري مش بيشوفوا بعض واللي بيربط ببعض ( صفحة سوشيال ميديا او موقع الكتروني )
طب إحنا بنروح للـ E-Commerce ليه : بنروح ليه عشـان تكاليفه أقل بـ شوية من الـ Offline وكمـان سهـل اوي انك توصل لـناس جوة وبرة البلد اللي انت قاعد فيها وتوسع تجارتك بالشكـل اللي انت حابه
طب هل ده بيغني عن انك يكون عندك محـل : لأ.. وهنتكلم عليها في بوست تاني
هل اي حد ممكن يبدأ في الـ E-Commerce : اه و لأ
اه ممكن اي حد يبيع اونلاين بس مش اي حد يبقا عنده ( Business )
هل محتاج خبـرة عشان ابدأ : محتـاج تبقا فاهم اللي انت داخل عليه ولو لسـا في البداية متحطش البيض كله في سلة واحدة
هو انا لو عندي صفحة على النت بنزل فيها صور للمحل بتاعي كدا انا عندي E-Commerce : لأ الا لو بتبيع عن طريق الصفحة دي بشـكل ما والعميل مش بيجيلك المحل
هل البيزنس ده بيكسب ملايين : اه و لأ
الـ E-Commerce من الصناعات الصعبة واللي فيها تحديات كل يوم فـ لو فاكر انك هتدخل تعمل من اول يوم فلوس والدنيا هتبقا حلوة ومش هيقابلك مشاكل متكملش البوست ده اصلا.
– الجزء النظري :
ندخل بقا في الجزء النظري ( المهم ) هو انا محتاج افهم ايه في الأساس عشـان ابدأ E-Commerce
وفي الحالة دي هنـدخل في الـ E-Commerce Cycle ونعـرف اصلا احنا عندنا جواها ايه عشان نقدر يبقا عندنا الـ Fundamentals بتاعتها ونقـدر لو عينا حد في اي جزء منها اننا نتابعه ونعرف هو شغال صح ولا غلط.
تعالى أشرحلك الأول هي إيه الـ E-Commerce Cycle وبعدين ندخل في أركانها
الـ E-Commerce Cycle هي مجموعة العمليات المتصلة اللي بتتم جوا الـ E-Commerce Business بتاعك
العمليات أو الأقسام دي بتختلف بإختلاف حجم البيزنس كـل ما البيزنس بيكبـر أكتر كـل ما بتلاقي القسـم بقا اجزاء اكتر لأن حجم الشغل بقا أكبر
بس خلينا نحط الأجزاء الأساسية في الشـغل زي :
– الـ Marketing : وده يعتبـر خط الدفاع الأول وهو اللي مسئول بنسبة كبـيرة عن مبيعات البيزنس بتاعك
– الـ Sales : وده خط الدفاع التاني بعـد الـ Marketing والمسئول عن اتمام البيعه او زيادة حجم البيعه بالنسبة ليك
– الـ Operation : ده جزء العمليات التشغيليه من وقـت تجـهيز المنتـج لـ خروجه للعميل
– الـ Warehouse : جزئية المخازن ودي لـو معندكش إدارة ليها هتلاقي نفسك شغال على منتجات مش عندك في المخازن ومش قادر تحكمها
– الـ Finance : وده من أهم أهم أهم الأجزاء في الشركة بتاعتك وهو اللي متحكم في انه يتابع تحصيلاتك مع شركات الشحن والفلوس اللي انت بتخرجها واللي انت بتدخلها والوضع المالي بتاعك وكل حاجة وفعليا الجزء ده لو مش موجود انت هتتعب جامد جدا جدا
دي الأقسام الأساسية اللي ممكن تبدأ بيها واللي لازم تبقا عارف كل قسم الـ Daily Tasks بتاعته عامله ازاي عشان تقـدر انك تعمل Audit للشغل ده
وزي ما قولتلك ان الأقسام دي مش اساسية وبتختلف بإختلاف نوع وشكل البيزنس وحجمه عامل ازاي
طيب بعيدا عن الـ Daily Tasks اللي بيعمله كل قسم انت محتاج تعـرف ايه تاني جوا كل قسم عشان تـعرف تفهمه
خليني هنا اديلك أمثله وعلى اساسها انت ممكن تطبق في باقي الحاجات في كل قسم من دول في حاجات أساسية هتستخدمها أول بأول
يعني في الـ Marketing انت محتاج تفهم إيه الـ Platforms اللي هتشتغل عليها والأعلانات دي بتشتغل ازاي والـموقع اللي هتعمله هيتعمل ازاي وليه اصلا
هتـاخد Overview بشـكل أكبر عن أي حاجة هتستخدمها
في جزئية الـ Operation مثلا انت هتتعامل مع شركات شحن ف محتاج تعرف شركة الشحن بتستلم منك الأوردر ازاي وبتوصله امتى وايه المشاكل اللي في اغلب شركات الشحن وانت محتاج تاخد بالك منها طب لو انا العميل بطلعله الأوردر اول مرة مش بيرد هل اطلع الأوردر تاني ولا كدا حلوة ومش هيستلم
في جزئية الـ Finance لازم تكون فاهم أساسيات ( تسـعير ) وازاي تسـعر المنتج بتاعك لو أكتر من قطعة وتحسب مصاريفك وأهمها الـ Hidden Costs اللي مش بنبقا واخدين بالنا منها وبتمص دمنا حرفيا
طب كـل ده تمام انا بقا هعرف كـل ده منين :
خليني أقولك ان قدامك طريقين
الطريق الأول : انك تشوف فيديوهات وتقرأ مقالات عن كـل جزئية من الجزئيات دي وانا متأكد انك هتلاقي مايكفي عشان تقـدر تفهمها
الطريق التاني : انك تسأل أهل الخبـرة وهما هيحطولك الـ Map اللي انت المفروض هتمشي عليها
طـب يا قـنديل انا دلوقتي فهمت الـ E-Commerce وعـرفت انا مفـروض أعمل إيه ايه الخطوة الجاية ؟
الخـطوة الجاية انك تغـير الـ Mindset بتاعتك من موظف لـ صاحب بيزنس عشـان صدقني ده هيأخرك كتـير أوي أوي لو بتفتح الـ Business بتاعك ولسـا ماشي بالـ Fair Of Risk
واتكلمنا عن الـموضوع ده في أخر Meeting كـنا فيه مـع الناس في رمضـان فـ مش هتكـلم فيه كتـير لكـن أوعى تنسى انك لازم تبقا فاهم Business عشان تقـدر تكبر شغلك
طب لو مش فاهم الـشغل بتاعي هيكبر ولا ايه الكلام ؟
اه الشـغل فعلا هيكبر وهتلاقي نفسك بتحقق فـلوس وكل حاجة لكـن هتوصل لـ حته كدا هتلاقي نفسك اما مش معاك فلوس او عليك فلوس او مش عارف الخطوة اللي بعد كدا ايه وده هيعطلك كتير
خلينا نعمل Recap كدا على الجـزء اللي فات ده كـله وبعدين نكـمل
احنا اتكلمنا عن معنى الـ E-Commerce وقولنا ان اي حد ممكن يبدأ E-Commerce لكـن لازم على الأقل يكـون عنده أساسيات بالحاجات اللي هو داخل يعملها مش داخل يعملها كدا وهو مش عارف حاجة
اتكلمنا عن الأقسام الأساسية اللي موجودة جوة الشركة بتاعتك وهتتعلم فيها ايه عشان تقدر انك تعبر بيها لـ بر الأمان وتعمل Audit على الناس اللي هتعينهم
الجـزء اللي كـله مستنيه بقا
– الجزء العملي :
خلينا الأول نـعمل Setup لـ كام حاجة جوا دماغك تبقا فاهمهم وحاططهم حلقة في ودنك تتحرك بيهم في كل خطوة
أول حاجة انك لو لسـا بتبدأ فـ هتحدد ( حاجة واحدة ) بس تشتغل فيها مش هتروح تشتغل في 100 منتج وراس المال اللي معاك يتفرق في ال 100 وتلاقي نفسك مش عارف هتكمل ازاي شغل
تاني حاجة انت لازم تبقا محدد إنت عايز ايه من البيزنس اللي انت رايح تفتحه ده عشان تقـدر على أساسه تعمل Breakdown للـ Daily Orders اللي محتاج تعملها عشان تحقق الهدف ده
تعالى أديلك مثال
انت داخل تشتغل على منتج ( س ) فـ لقيت من كمان معاه كام منتج ممكن تشتغل عليه ( متعملش كدا ) خد المنتج بس اللي انت هتقدر تشتغل عليه دلوقتي في البداية واللي مش هيجمد معاك Cash كبير عشان تعرف تتحرك في باقي الفلوس
طـيب هتقعد مع نفسـك تقول انا عايز بقا اطلع ( س ) اوردرات كل يوم عشان اخلص الأستوك اللي عندي ده في شهر
( متعملش كدا ) تعالى نعكس طريقة التفـكير بقا
انا محتاج أعمل ( X ) فلوس أخر الشـهر فـ انا الـ Predict Net profit في المنتج ده هو ( 1/4X ) يبقا انا محتـاج أسلـم 4X عشـان أوصل للـ Prediction اللي انا حاطه فـ عشان تجيب الـ 4X محتاج تصـرف Z أعلانات ومحتاج Y في الأوبريشن والخ..
قلبه دماغك بالعكس ده هيخليك قـادر تحسـب انت محتاج إيه في كـل قسم من الأقسام وفي كـل جزء من الشـغل
طيب الحاجات اللي انت بتحددها دي بتعرفها منين ؟
أولأ لو عندك Historical Data ده بيكون مفيـد جدا لو ده مش موجود فـ الأفضل انك تحدد وقت ( مش طويل ) تعمل فيه Test للـ Cycle بتاعتك كلها وتشوف كل جزء اتكلف فيه فلوس قد ايه وايه الحاجات اللي ممكن تستغنى عنها وتبدأ ترتب دماغك عليها
طيب يا معلم انا هعمـل Test للـ Cycle دي إزاي من غـير ما أعرف الـ Cycle أصلا !
وهنا هيجيي دورك في إنك تبدأ ( ترسم ) قدامك الـ Cycle بتاعتك كاملة وانا من الناس اللي بحب أرسم الـ Cycle كاملة على Miro انت مش بس هترسمها انت هتحدد الـ Time اللي بتاخده كل خطوة عشان تدخل الخطوة اللي بعديها قد ايه وكمان الأشخاص المشتركين في كل خطوة
ده هيعمل إيه ؟
ده هيخلي عندك رؤية كاملة لكل حاجة بتحصل جوا البيزنس بتاعك وعارف ايه المشاكل وبتبدأ تحلها
طب بعد ما أرسم على Miro المفروض بقا أنظم العمليات دي إزاي
محبوب الجـماهير ( Google Sheets )
من الضروري فـ الضروري فـ الضروري انك تنظم الـ Sheets بتاعتك عشان تخدم الشغل وتربطها ببـعضها بحيث انك ميروحش منك أي Data وتعرف المشاكل بتظهر فين وانت اصلا بتكسب ولا بتخسر
( عندي صـديق عـامل Google Sheet كويس اوي في الجزئية دي هنزلهولكم قـريب هيوفر عليكم عناء انكم تلفوا حوالين نفسكم في الـ Cycle ويبقا عندكم Dashboard كاملة فيها كل الحاجات اللي هتساعدك تاخد قرارات الشيت متعوب فيه جدا وهتتفاجئوا بما تشوفوه – عامله بمبلغ صغير جدا عشان يساعد الناس اللي لسا بتبدأ وبيعمل عليه Updates كل فترة كمان )
طيب ظبطنا الـ Cycle بتاعتنا هنبدأ نـدخل بقا في الـمشاكل اليومية بتاعت الـ Operation والـ Marketing وغيرها وكن على يقين ان مفيش مكـان في الدنيا مفيهوش مشاكل انت عامل البيزنس عشان تحل المشاكل اللي بتقابلها كل يوم ( متبقاش مشاكل استهبال تبقا مشاكل حقيقة )