ليه ROAS مش كل حاجه
حكاية رقم كنت بكرهه وبحبه وبكرهه تاني الرقم ده هو ROAS
زمان كنت فاكر ان ROAS = النجاح
طول ما هو فوق ال 2 ولا 3 ولا 5 يبقا كدا تمام بس اكتشفت انه رقم كداب ولو اعتمدت عليه بس هتغرق وانت مش واخد بالك
فاكر اول مره اشتغلت مع براند كانو مبسوطين جدا وقالولي الاعلان بيعمل ROAS 4.8 وكل حاجه ماشية زي الفل
قولتلهم تمام… بس صافي الربح كام؟
CAC كام؟
الكاش فلو عامل ازاي؟
المنتجات بتوصل في معادها؟
في مرتجعات؟
في مصاريف مش محسوبه؟
الوشوش اتبدلت وسكتو 
الرقم مش بيكذب بس بيخدع ROAS
بيقولك صرفت 1000 وجالك 4800 مبيعات
بس مش بيقولك صرفت 1000 وكسبت كام بعد الخصومات والتكاليف والمرتجعات وكل حاجه
تعالا نحسبها كدا
لو بتبيع منتج ب 500 جنيه وتكلفته الحقيقه ب كل حاجه حوالي 370 جنيه وجبت ROAS 2.5 يعني من كل 1000 جنيه اعلان بتبيع ب 2500 بس لو حسبناها بجد
5 منتجات * 370 = 1850 جنيه تكلفه
2500 – 1000 (اعلان) – 1850 = -350 جنيه خساره
وانت فاكر نفسك كسبان
انا اشتغلت مع براند 3 شهور نطارد ROAS وفعلا وصلنا من 1.6 لـ 2.9 بس مفيش ارباح
لان الستوك مش ثابت
الكاش متجمد
والمرتجعات زادت
غيرنا تفكيرنا، بقينا نسأل كسبنا كام بجد؟
في ربح حقيقي؟
بدانا نشتغل ونقسّم العملاء ونفهمهم اكتر
النتيجه….
نفس ROAS بس الربح تضاعف ٣ مرات
ROAS رقم بيتلمع بس مش دايمًا حقيقه
الخلاصه:
لو ROAS = 4 ومفيش ربح → انت بتضحك ع نفسك
لو في مرتجعات وانت مش حاسبها → انت بتخسر حتي وانت شايف اعلان ناجح
افهم الرقم، متتفرحش بيه
اخر مره حسبت صافي ربح اعلانك كانت امتي؟
هل حسبته قبل المرتجعات؟ هل قارنت المبيعات بالمخزون؟ ولا كنت مبسوط ان ال ROAS حلو وخلاص؟
لو وصلت للنهايه انا بشكرك
بس اقعد النهارده مع نفسك او تيمك، وشوف الصافي الحقيقي
انت اللي تحكم الرقم، مش هو اللي يحكمك
تتمسوا بالخير 
شكرا 