September 14, 2025

الشـركة اللي بوظت الـ Affiliate في مصـر بسم الله الرحمن الرحيم والصلاة والسلام على رسول الله في البداية البـوست ده لكـل محبين الـ Affiliate Marketing بـ شكل عام وبشـكل خـاص للـ Media Buyers او النـاس اللي بتدور على Side Job تعمل منها فلـوس وهي قاعدة في البيت ( انا بتكلم في البـوست ده عن السـوق المصـري بس ) تعالى ناخد الموضوع بقا من الأول ونشوف هي المشكلة في إيه اصلا ! المشـكلة بتبتدي من عدم معرفتك ب الـ Affiliate Marketing ولا ايه اللي حصـل فيه طيب، يا صديقي، خليني أقولك كدا ببساطة. Affiliate Marketing يعني التسويق بالعمولة. ده معناه إنك بتسوق لمنتجات أو خدمات لشركة معينة، ولو حد اشترى المنتج ده من خلالك، بتاخد عمولة (نسبة) من البيع ده. تخيل إنك عندك موقع أو صفحة على السوشيال ميديا، وبتتكلم عن منتجات معينة زي لبس، إلكترونيات، أدوات منزلية، أو أي حاجة تانية. الشركة بتديك لينك خاص بيك، لو أي حد دخل على اللينك ده واشترى المنتج، الشركة بتعرف إن البيع ده تم عن طريقك، فبتديك نسبة من الأرباح. يعني مثلاً، لو انت بتسوق لموبايلات، وواحد دخل على اللينك اللي انت شاركته، واشترى الموبايل، بتاخد نسبة من سعر الموبايل ده. وكل ما تجيب مبيعات أكتر، كل ما تاخد فلوس أكتر. الفكرة كلها إنك بتساعد الشركة إنها تبيع منتجاتها، وهي بتكافئك على المجهود ده. والجميل في الموضوع إنك مش محتاج يكون عندك المنتج، ولا تتحمل مسؤولية الشحن أو خدمة العملاء. كل ده على الشركة، وانت دورك تسوق وتجيب مبيعات. لغايت هنا كـلام جميل. ——————————————————————————– ده بالنسـبة لينا كـان الشـكل المعروف لينا في الـ Affiliate Marketing زمان وكـان Souq.com بيشغل النصـيب الأكبر في رزق ناس كتـير اوي في جـزء الـ Affiliate في مصـر هو كـان كل اللي بيعمله انه بيديلك ليـنكات للمنتجات بتاعته تسـوق بيها ولو العميل اشترى في خلال فـترة معينة بينزلك عمولة على المنتجات دي ( ملحوظة : الموضوع ده موجود حتى الأن على منصات تانية من غير م اقول اسامي وشغال ) ————————————————————————————————— بس الـ Affiliate موقفش هنـا ومع التطـور اللي بيحصل كل يوم في المجال ظهر لينا الـ Affiliate Systems في مصـر وبقا في نـاس بتقدر توفرلك منتـجات وتديلك الـ Media بتاعتها وتقولك عليها عمولة X على سبـيل المثال ولما نسلم الأوردر انت هتاخد الـ X ده الموضوع ده كـان مسبب شوية مشاكل انه كان محجم الناس بسقف بيع معين واسعار معينه وكمان عمولات متحكم فيها الـ Affiliate System لكـن الـوضع مفضلش كدا المـوضوع بدأ يتطور واحدة بـ واحدة وبـدأ جـزء العـمولة بس ده يختفي والمنصة بتوفرلك المنتج بسعر جملته وتحـط عليه هامش ربـح عشـان تتكلف هي بمصاريف تأكيد الأوردر والأوبريشن وغيرها وانت لو بيعته ب مليون ج الأفيليت سيستم هياخد الفلوس بتاعته بس طـب لغايت هنا تمام يا قـنديل ايه المشـاكل بقـا اللي حصلت ؟ لغـايت هنا كـانت الـ Affiliate Systems اللي موجودة شغـالة في منـتجات زي الكوتشيات واللبس وغيرها مـع 2020 وظهور الكورونا بدأ يظهر ليـنا ( في مصـر ) الـ Trendy Products بشكـل كبير اوي وطبعـا ده كـان اول حـل للـ Affiliate Systems عشان يكسبوا اكتر لما لقوا Demand على المنتجـات دي من الناس فـ راحت الـ Affiliate Systems كلها للجـزء ده وبقـت تسوق بـ طريقة ( تعالى اعمل فلوس وانت في بيتك – تعالى اعمل فلوس زي الرز – تعالى يلا بيع المنتجات دي وخليك زي الأغنيه دول ) طـبعا كـالعادة في أي مجـال جديد بيكـون فيه إثارة وتشـويق إنضمت قـبائل من جميع انحاء الجمهورية لأنها تشتغل على الـ Affiliate Systems اللي موجودة دي خصـوصا انها مكنتـش شايلة هم حاجة وبتقول : يا عم ما انا هشغل اعلانات وخلاص شكرا وهما هيعملوا كل حاجة طـبعا ده خلق جـيل من الشبـاب اللي شغـالين في الـ Affiliate وهما مش عـارفين اي حاجة غير انهم بيجيبوا منتج يحاولوا يبيعوه بأي فيديوهات واي طريقة عشان يكسبوا فلوس حتى لو : المنتج بايظ المنتج ملوش لازمة الصور والفيديوهات غير المنتج وحاجات تانية كتير ده غير ان الـ Affiliate Systems كـانت بتلعب لعب اكبر من تحت الترابيزة والمنتج اللي يخلص يروحوا يجيبوا غيره من السـوق المصـري ب ربع الكوالتي ويضربوا اسمه ويشتغلوا بيه وبجـد الفتـرة دي انا شفـت مهازل لا حصر لها في المـوضوع ده واتحكالي مهازل اكبر ( مازالت شغالة حتى الأن ) طيب الموضوع ده غير انه خلق جيـل مش فاهم اي حاجة في الماركتينج ولا الميديا باينج وبقا اسمهم ( مسوقين بالعمولة ) هو ضـر أصحاب بيزنس كتـير كانوا متحكمين في الجزئية دي وأهان سمعة النـاس اللي شغـالة في منتجات كويسة عشـان بقا أغلب الناس اللي شغالة وظاهرة قدامهم Low Quality وحاجة سيئة جدا بس لغـايت هنا والـدنيا بايظة الى ان : قرار الحكومة بوقف الإستيراد ! ده نزل على كـل الـ Affiliate Systems اللي شغالة على الـ Trendy Products بس بشكـل اساسي زي الصاعقة كدا اللي هو إيه ! طب هنعمل إيه ! وفي الفـترة دي كـلنا لاحظنا كـمية الناس اللي وقفت اعلانات ومكنتش لاقية منتجات تشتغل عليها وكمية الناس اللي كانت بتدور على فرص شـغل كـ ميديا بايرز في أي مكـان لكـونهم بس كانوا شغالين أفيليت على منصة معينة واللي الشـركة بدأت تقـلل عمـالة ووقفته عن شغله والسوق بدأ يعـمل Filtration بشكـل قوي جـدا جـدا خصوصا كمـان بعد قـرار الحكومة برضوا بـوقف المعاملات الدولية على الكـروت على الـرغم ان دي كلها كانت مشاكل كبيرة وأثرت بشكل مباشر على كل الناس اللي شغالين الا انها عملت Filtration للـي فعلا كان واخدها مجـرد سبوبة بيحاول يكسـب منها اي قـرشين وخلاص حتـى الأن السـوق المصـري بيعاني من صـراعات مختلفة حصـلت بسبب الإنفتاحة في الـ Affiliate Systems والناس اللي شغالة في الـ E-Commerce بشـكل عام وده طبعا عـامل مشاكل كبيرة مع الـ Customer لأنه معتش واثق هو هيشتري من مين ولا الحاجة اللي هتجيله دي هتجيله بايظة ولا شغالة وبقا شرط اساسي للعـميل انه يقولك انا عايز افتح المنتج اول مايجيلي اشوفه شغال ولو مش شغال هرجعه طب ده حصـل ليه ؟ عشان في 90% من الـ Affiliate Systems والـ E-Commerce Stores كـانوا بيبعتوا المنتج للعميل ولو استلم والمنتج بايظ او فيه مشكلة مكنوش بيرجعوه فـ خلق Trust Issues بين الـعميل والـ Online Store طب يا قـنديل الـ Affiliate Systems اللي مكملة دلوقتي مكملة ازاي ؟ في نـاس كتـير جدا منهم شغـالين على الملابس والأحذية ومنتجات Hand made وده موفر ليهم جزء كبيـر اوي من مشـاكل المنتج بايظ وغيرها والمكـمل في الأخر برضوا هو اللي مش واخدها سبوبة وعايز يعمل

مراحل تطور فريق العمل الناجح بسم الله الرحمن الرحيم والصلاة والسلام على رسول الله، خلينا نتكلم الأول هو يعني ايه Team ؟ الـ Team هو : small number of people who collaborate to achieve a shared goal الفكرة هنا إن بناء فريق عمل قوي مش مجرد تجميع ناس تشتغل مع بعض، لأ، ده بيمثل التعاون الحقيقي وتحقيق الأهداف المشتركة. وعشان كده، مهم جدًا نفهم إزاي نبني فريق يحقق كل اللي إحنا عايزينه بكفاءة وفعالية. وفي حـاجة مهمة اوي محتاجين نعرفها قـبل الكلام عن الفريق خلينا نفرق بين الفريق والمجموعة. الفريق هو مجموعة صغيرة من الناس اللي بيشتغلوا مع بعض لتحقيق هدف معين، أما المجموعة هي تجمع من الناس ممكن يكون ليهم أهداف مختلفة أو مش بيتعاونوا بالشكل الكافي. الـ Effective Team بقا المفـروض يكـون عنده ايه عشان يبقا فعلا Effective 1- التعاون: الناس بتعتمد على بعض لتحقيق الهدف. 2- التواصل الفعّال: تبادل المعلومات والأفكار بشكل مستمر. 3- الالتزام: الأعضاء ملتزمين بتحقيق الأهداف المشتركة. 4- الهدف المشترك: هدف واضح ومحدد يشتغلوا عليه. 5- الثقة المتبادلة: الثقة بين الأعضاء بتقوي الروح الجماعية. ( ونـزلت بوست فيه جزئية مهمة في الحته دي ممكن اسيبلكم اللينك بتاعه في الـ Comments ) 6- التنوع: تنوع المهارات والخبرات بيزود الابتكار. ————————————————————————————– طيـب انا عشـان أعمل Development هعدي بمراحل كتير صح ؟ اه صح بس خليني اقولك ان في واحد عالم موارد بشرية اسمه ” بروس توكمان “ عملنا نموذج حـلو اوي فيه الـ 5 مراحل دول تعالى نبص عليهم مع بعض 1- التشكيل (Forming): وهي أول خطوة من مراحل بناء الفريق، وهي هامة جدًا بيقوم مدير الفريق بمحاولة التقريب بين الأعضاء وبذل جهد لتعارف اعضاء الفريق على بعضهم ويتعرفون على اهتماماتهم ومهاراتهم، ويتبادلوا بعض المعلومات الشخصية ويكونوّا صداقات. ودي فرصة كويسة لمعرفة ازاي بيعمل كل عضو من الفريق كفرد وازاي يستجيب للضغوطات، ويفضل مدير الفريق يقوم بتعريف كل عضو في الفريق بأهميته والسبب باختياره هو بالذات. 2- العصف (Storming): تدخل فرق العمل في مرحلة العصف الذهني Storming، بحيث تكون هناك أفكار مختلفة تتنافس بينها وكل صاحب فكرة يفتكر أنه على صواب، وممكن ينتج عن اختلاف الأفكار تنازع بين أعضاء الفريق، وهنا يجيي دور مدير الفريق بمحاولة التوفيق بين الآراء، ويبين لكل عضو منهم أن رأيه مهم وفيه من الصواب. التنظيم (Norming): يكون فريق العمل في مرحلة التوافق Norming أكثر انسجامًا ومتفقين على إدارة العمل للوصول إلى تحقيق الهدف، وده بعد ما يتمكن مدير الفريق من حل أغلب المشكلات التي يتعرض لها الافراد، وقد يقوم بعض أعضاء الفريق بطرح أفكارهم على بقية الأعضاء ويُوافق عليها لتمكين الفريق من العمل. الأداء (Performing): بتوصل فرق العمل إلى مرحلة الأداء Performing بعد أن تكون قد مرت بجميع المراحل السابقة بنجاح، وتتميز الفرق التي يكون أدائها مرتفع بأنها تعمل كوحدة واحدة، كما أنهم يبتكروا طرق لتنفيذ مهامهم بكفاءة وسلاسة دون تعارض ودون الحاجة إلى إشراف من خارج الفريق. الفض (Adjourning): تنطوي جميع المراحل الأربع السابقة بمرحلة بحل الفريق الإنهاء/الإغلاق Adjourning، حيث يتم إكمال المهام وإنهاء أدوار الفريق وتقليل الاعتماد الآخرين. ف كدا عرفنا اول جزء او الموديل ده بيتكلم على ايه في تكوين فريق جديد.. —————————————————————————- نيجي بقـا لجزئية مهمة جدا وهي الـ Team Building وهنا بنحط شوية أساسيات او أساليب نبني على أساسها الفريق بتاعنا بينمو في بيئة صحيه فعلا قادرة انها تطور منه وتخليه أحسن 1- تحديد السلوكيات : القائد بيحدد السلوكيات اللي لازم يتبناها الفريق. 2- التوجيه والمكافأة: توجيه الأعضاء ومكافأة السلوكيات الإيجابية. 3- تطوير مهارات الأعضاء: التدريب المستمر وتوفير فرص لتطوير المهارات. ( من اهم الأجزاء خدوا بالكم ) 4- تعزيز التواصل: استخدام أدوات تواصل فعّالة. تعزيز ثقافة التعاون والابتكار داخل الفريق 5- بناء الثقة المتبادلة: توفير بيئة آمنة للتعبير عن الأفكار. 6- تشجيع التفكير الإبداعي: تشجيع الأعضاء على التفكير خارج الصندوق. 7- تقدير الجهود والإنجازات: ( مهم مهم مهم مهم ) تقدير الجهود يعزز الروح المعنوية. ————————————————————————————– طيب انا لو هدير الفريق بتاعي ف هحتاج ل ادوات تنظم الفريق ده في أدوات بقا كتـير ممكن تستخدمها عشـان تـدير الفريق بتاعك ويمكـن أسهل وأفضل حاجة شفتها للجـزء ده كان كـورس على المنتور لـ ابراهيم انور وبجد كان عامل فيه عظمة في الجزئية دي وخلاني اطلع أفكار كتـير جدا أقدر استخدمها انصحكم تشوفوه بس لو هنتكلم على سكيل صغير حاليا فـ انت ممكن تستخدم للتواصل برامج زي Discord – Slack – Telegram وغيرها وممكـن تنظم التاسكات على حاجات زي Trello, Click up, Asana وعلى فـكرة لو انت اتجدعنت شوية ممكن تعمل كدا على Google Sheet عادي والـ Meetings أكيد عنـدك Google Meet او Microsoft Teams ——————————————————————————————— في حاجة بقا لازم تاخد بالك منها دايما ان الـ Team مش هيفضل طول الوقت شغال Full Power هيجيله وقت وينام منك وهتلاقي فيه شوية مشاكل وحاجات داخلية انت ممكن متحسش بيها أوي نصيحتي ليك في الجزئية دي إستخدم التحديات بينهم وادي عليها مكافئات كمان خدهم واخرج معاهم أخرج برة مود الشـغل عموما وجمعهم مع بعـض عشان تقـدر تطلعهم من الحته اللي هما فيهم ———————————————————————— طيب انا عنـدي الـ Team مش كـله نفس الـ Skills أكيد فـ الطبيعي اني هحـاول على قـد ما أقدر اطور الـ Team ده وهنا إنت قـدام طريقين 1- انك تعملهم دورات تدريبية وتثبتها كـل اسبوع بس في الحالة دي انت مش هتبقا عارف مين عايز ايه ومين مش عايز ايه ف ركز على انك تشوف كل واحد متميز ف ايه 2- انك تجيب حد متخصص في الحته بتاعتهم يقيمهم ويبدأ يديهم المحتوى اللي هو شايفه مناسب ليهم وده حـل أمثل وافضل ( بالنسبة ليا ) ————————————————————————- Golden Tip عشان تبني فـريق عمل فعال لازم تفهم الفـريق بتاعك وتشوف المراحل اللي بيمر بيها ووقتها هتلاقي استراتيجيات طورها ناس كتير للتواصل والأبتكار وتحقيق الأهداف القائد لازم يكون قدوة ومستمع جيد ومقـدر جيد جدا لقـدرات فريقه ومجهوداتهم عشان يضمن انهم دايما نفسيتهم كويسة وأخيرًا وليس آخرًا اللهم لك الفضل والحمد على ما علمتني وسبحانك اللهم وبحمدك، أشهد أن لا إله إلا أنت، أستغفرك وأتوب إليك

ما لا يتم شرحه في كـورسات الـ E-Commerce من حوالي شـهر كنـت شغال على منتج X المنـتج ده سـعره 870ج والـ CPP بتاعه مكنش بيعدي الـ 30ج جه واحد الله يبـاركله قالي لأ احنا عـايزين نرفع المنتـج لـ 1000ج عشـان يبقـا فيه بروفيت أعلى وانـا كان ليـا رأي تاني ان التسـعير اللي إحنا حاطينه ده شـادد العميل بشـكل كبير وليه دور في انه يشتري فعلا والحمدلله ده اللي كان حاصل بناءا على الـ Feedback اللي شوفته ولكـن قـولت تمام تعالى نرفع السـعر ونجرب تعـالى أقولك رفعة السـعر دي عملت ايه معـانا في الـ CPP اللي وصـل من 30ج لـ 100 – 115ج مـع العـلم ان صـاحب الشغل مكنش عنده مشكلة ان الـ CPP يوصل 100ج لأنه في الأساس مزود 130ج فـ برضوا فيه 30ج فرق تعالى بقا اقولك الحسـبة من نحيـة تانية وركز عشـان دي الخلاصة انت تسليماتك بتلعب في الـ 50% فـ لما كان الـ cpp = 30 انت كان عندك الـ Real CPP = 60 خلـينا ندي مثال ونقول ان الـمنتج بـ 500ج فـ انت في الحالة دي كسـبان 870-60 – 500 = 310ج تعـالى أقولك بقا لما الـ CPP رفع لـ 100 انت كـدا بتتكلم في Real CPP = 200 ده على حسـاب ان نسبة التسليمات ثابتة مش متغـيرة مع رفع السـعر يبقا المعادلة كالأتي 1000 – 200 – 500 = 300ج مكسـب يعني انت وانت بتبيع بسـعر أقل كـنت كسبـان زيادة 10ج عن ما زودت السـعر وفـاكر انك كسبان اصلا 30ج ! عزيزي القـارئ احب أقولك ان الكلام ده مش بيتشرح في أغلب الكـورسات وممكن أوقات كتـير متبقاش واخد بالك منه ولكـن دي الحقيقة الحقيقة انك في أغلب الأوقات تسـعيرك ممكـن يكـون هو السبب الأساسي في نجـاح المنتـج والأعلان بتاعك الحقيقة ان الجـري ورا البروفيت الأعلى والـ High AOV مش دايما هو اللي صح الحقيقة ان في حسـابات تانية جوا الشـغلانة ممكن تطلعك من غير ولا مليم انا هنا اديت مثال صغيـر وسط حسبة كبيرة اوي بتدور جوا دماغنا في شغـل الـ E-Commerce طول م احنا شغالين

من 40 الف ج لـ 80 الف ج في شهر ونص بسم الله الرحمن الرحيم والصلاة والسلام على رسول الله من فتـرة كان في نـاس صحابي عـايزين يشتغلوا في الـ E-Commerce ويفتحوا حاجة لوحدهم يعملوا منها فلوس كويسة تمشي حياتهم خصوصا ان كان وقتها كل واحد عنده التزامات زيادة على اللي بيدخله وفي قعـدة صحـاب قولتلهم تعالوا أعملكم حاجة تبنوا فيها واحدة واحدة ولو قدرتوا فعلا تعملوا حاجة كويسة هتعملوا منها فلوس تكفيكم وعشـان انا اول حاجة بتيجي في بالي لما حد يبقا محتاج يمشي نفسه على الأقل هي الملابس فـ اقترحت عليهم ان ليه منعملش كدا ونجرب مش هتخسروا حاجة ورقة وقلم وبدأنا نكتب محتاجين ايه ؟ – مصنع ( موجود ) – قماش ( عارفين طريقه ) – منتجات ( هقولكم طريقتها ازاي ) – اوبريشن ( اشتغلوا من بيوتكم طالما لسا الدنيا صغيرة ) – اعلانات وغيرها ( دي لعبتهم وانا معاكم فيها لو احتجتوا حاجة ) وبعد ما رسمنا كل حاجة بالورقة والقلم يلا محتاجين ايه ؟ محتاجين نبدأ ! طب معانا فلوس قد ايه ؟ كل اللي معانا 40 الف ج حلو اوي يعني احنا محتاجين نتحرك في منتج قماشه ميزدش عن 30 – 35 الف ج عشان نقـدر نصرف اعلانات ونحصل فلوس وبالفعـل ده اللي حصـل تاني يوم بيلفوا على تجار القماش ويشوفوا الخامات اللي يقدروا يستخدموها في التصنيع وعشان الموضوع كان في نص الشتا فـ كان اغلب التجار خلاص نزلوا الخامات الصيفي وبدأوا يلموا الشتوي فـ تعبوا شوية عشان يلاقوا خامات يشتغلوا بيها وعملنا جروب صغير نختار فيه المنتجات وطلعنا موديل معين كان بيتعمل منه خامة جباردين – احنا حولناه لـ ميلتون عشان دي الخامة اللي كانت متاحة معانا نزلوا اتفقوا مع صاحب المصنع على التصنيع والخامات اللي هيشتغلوا بيها وازاي يقـدروا يوصلوا لأقل Cost في التصنيع من حيث القص والهوادر وغيرها كل ده خلص ويلا نطلع بالشغل بتاعنا واعلاناتنا ناقصنا ايه ؟ شركة شحـن ! هنتفق مع شركة شحن صغيرة في المكان اللي احنا فيه عشان الكاش فلو وعشان البيك اب وشوية حاجات تانية يلا نطلع اوردرات ؟ الحمدلله اول تصنيعه كانت موفقة واشتغلوا اسبوع في التاني في التالت في الرابع وبعد شـهر ونص المنـتج ماشاء الله شغال وبيصرف أرقام كويسة الكاش فلو بدأ يدور والدنيا تمام هما داخلين الموسم اللي بعده بـ ضعف الرقم اللي بادئين بيه وعلى قد ما الرقم يبان صغير الا انه وراه رحلة جميلة وتعب تجهيز مش طبيعي كنت مبسوط وقتها اني قدرت اخليهم فعلا يعملوا حاجة وعلى الأقل يبنوا بيزنس صغير يصرف على نفسه وعليهم ويحققوا منه ارقام كويسة كـل التجهيزات اللي فـوق والحاجات دي 1% من الحاجات اللي اتعملت على أرض الواقع والتفاصيل اللي فعلا خدت وقت ومجهود عشان نعملها مع بعض والمشاكل اللي كانت بتطلع ونقعد نحل فيها

التسـعير بين النجاح والفشـل! بسم الله الرحمن الرحيم والصلاة والسلام على رسول الله من فترة كنت قاعد مع حد من الناس اللي شغالين في الفاشون، وبيشتكي إن مبيعاته ماشية كويس بس هو مش حاسس بالفلوس اللي معاه… المشكلة مكانتش في المنتج بالعكس المنتج كان ممتاز وعليه طلب كبير لكن المشكلة كانت في التسعير. الراجل كان حاطط سعر قليل جدًا لأنه كان فاكر إن السعر الأرخص هو اللي هيكسبه عملاء أكتر. قولتله: التسعير مش مجرد رقم بتحدده وخلاص، التسعير هو معادلة بين الربح والنجاح. هو فن بيمزج بين فهم السوق، المنتج، والعملاء. لـو مش فاهم الـ Cycle والـ Cashflow بتاعك بشكل يخليك معاك فلوس وبتكسب انت هتفضل تشتغل ومش حاسس انك معاك فلوس. وقتها قعدنا ورقة وقلم وبدأنا نحسب الموضوع من الأول: مين الجمهور المستهدف؟ إيه القيمة اللي العميل شايفها في المنتج؟ إيه تكلفة المنتج من إنتاج وتغليف وشحن؟ وكام السعر اللي يحقق ربح معقول؟ كـان محتاج يفهم اكتر فن التسـعير في جزئية الفـاشون بالذات والقصد هنا بـ فن التسعير… التسعير على أساس القيمة: العميل مش بيشتري المنتج عشان السعر الرخيص، هو بيشتري عشان القيمة والجودة اللي شايفها فيه. تحليل المنافسين: مش عشان نقلدهم، لكن عشان نحدد إحنا فين من السوق ده. اختبار الأسعار: مش لازم السعر يبقا ثابت من البداية، نجرب نشوف السعر اللي هيحقق أعلى مبيعات بأقل تكلفة. النتيجة؟ رفعنا سعر المنتج بدرجة تخليه فعلا قادر يكسب ويحس انه معاه فلوس مش كل الفلوس ضايعة في الأوبريشن والتغليف والهالك وغيرها وبدل ما المنتج يبقا سعره X جنيه، بقى بـX+1 جنيه وده كـان فارق معاه بشكـل كبير خصوصا انه في الجزء الأولاني من التسعير في Hidden Costs هو مش واخد باله منها فعلا واكله كل الفلوس..

نتكـلم جد شوية ؟! معاك ٥٠٠٠ج ومش عارف تعمل بيهم ايه تعالى اقولك تعمل بيهم ايه ١- مبدأيا كدا وعشان نبقا على نور اوعى تروح تشتري بيهم هودي مطبوع من اللي بـ ١٠٠ج ٢- متبعش منتج انت جايبه بـ ١٠٠ج بـ ٢٠٠ج ٣- متتخيلش انك هتسلم ١٠٠% من الأوردرات اللي بتطلعها من الفـيس بوك ٤- الكاش فلو بتاعك مش بيمشي ب دورة المبيعات مش عدد القطع بما ان الـفيديو بتاع الهـودي اللي ب ١٠٠ج ده منتشر الفتـرة دي فـ خليني احلله من وجهة نظرنا في السـوق بقا اولا انت ممكن تروح تشتري هودي مطبوع بـ ١٠٠ج عادي بس خليني أقولك انك هتبقا جايب كيس زبالة متفصل في شكـل هودي اصل لو جـيت حسبتها حسبة بسيطة كدا خامة الميلتون المتوسطة عامله حوالي ٢٠٠ج ” تكلفة قماش “ الهـودي تقريبا بيكون وزنه حوالي ٦٥٠ جرام يعني بتتكلم في تكلفة قماش ١٣٠ج ضيف عليها مصنعية ٣٥ج و طباعة ١٠ج يبقا كدا وصـلت لـ ١٧٥ج ” تكـــلفة ” ده من غير ما تعمل كيسة او تيكت او اي حاجة وجايبلك خامة سعرها كمان مش عالي لأ خامة وسط في السوق وبنسبة كبيرة هتكون بتوبر طيب يـ قنديل انت حسـبت كدا الهودي بعد الكيس والتيكت وكل القصص دي بـ ١٨٠ج مثلا ؟ خلينا نقول اه كدا الهودي يتكلف ١٨٠ج – تيجي بقا نسعره بشكل صح حط عليه فلوس الـ Overhead او الأوبريشن بتاعك وحط عليه فلوس الربح اللي انت عايز تكسبه وحط عليه فلوس الأعلانات مضروبة في متوسط نسبة التسليمات وحط عليه فلوس الشحن لو انت عامل شحن مجاني هتلاقي الهودي اللي مكلفك ١٨٠ج انت بتبيعه بـ ٤٥٠ج على الأقل بعد الحسابات اللي انا قولتهالك فوق دي يعني انت ي قنديل بتقولي اني هبيع الهودي بأكتر من ١٠٠% من سعره الأصلي ؟ اه عادي انك تبيع كدا مفيهاش اي مشكـلة الفكـرة هنا في التسـعير اننا سعرنا بناءا على التكاليف الظاهرة قصادنا محطيناش في اعتبارنا اي اعتبار اخر من اعتبارات استراتيجيات التسعير المختلفة امال ايه بقا اشتري ٥٠ هودي والهودي بـ ١٠٠ج والقصص اللي بنسمعها دي ؟ مش كل حاجة تسمعها تصدقها ومش كل حاجة حد يقولك عليها تقول هي دي فعلا الصح الفـكرة ان الناس بتحاول توهمك ان الموضوع سهل عشان يقـدروا يكسبوا من وراك بقدر الأمكان محدش هيقولك الموضوع صعب ومكلف ومحتاج منك مجهود كبير وطاقة مش هتخلص محدش هيجيي يقولك خد بالك المشاكل اللي هتواجها والخسائر اللي ممكن تحصلك لو انت مش قدها متدخلش من الأساس مجـال الملابس مجال مغري جدا انا مقدر ده جدا بس صدقني اللي بيدخل ويغلط ويخسر اكتر من اللي بيكمل ويكسب

ليـه معظم الكـامبينز بتخسر ! خليني أقولك ان طول ما الدنيا ماشية بالراحـة فـ مش هتلاقي مشاكل اول ما تبدأ تقول هيييه وتشتغل على الـ Scaling هتبدأ تظهرلك كل المشاكل وشغلانتك يا صديقي انك تقدر تعمل Scaling بدون ما تبوظ الـ Profitability خليني أقولك ان الـ Scaling الغلط دايما بيودي لـ خسارة الـ Scaling مش مجرد زيادة ميزانية وبس لكـن هي استراتيجي كـامله بتبدأ تشتغل عليها عشـان تحافظ على استقرار الـأداء وتتجنب الـ Diminishing Returns الـ Scaling شغـله مش بس على الـ Dashboard لكـن في كـل اجزاء البيزنس بتاعك خليني أقولك على مشـاكل الـ Dashboard واللي بتبدأ بألـ Audience Fatigue واللي بيبقا ظاهر بشكل قوي جـدا لما تزود الميزانيه بشكل كبير فـ الأعلان يبدأ يتكرر والـ CPC,CPA يزيدوا بشكل كبير وحـل المشكلة دي بيكون دايما في الـ Audience Rotation سـواء بتغييـر الـ Target اللي موجود في الكـامبين او الشـغل على LLA’s الـ Learning Phase بقا واحدة من الـحاجات اللي ممكن تخلي الـ Campaign تنهار فعليا وعشـان تتلافى الموضوع ده حاول طول الوقت تعمل Duplicate للـ Main Ad set بـدل ما تعدل الميزانية بس على الأصليه بحيـث يكون عندك اكتر من Ad set تقدر تشتغل عليها ولو واحدة الـ Learning راح فيها في حته مش حلوة الـ Ad set التانية تلحقك فيها الأرقام دايما بتضحك عليك لما تزود الميزانية حاول دايما متبصش على الـ CPP بس ولكـن اعمل Mix بينه وبين حاجة زي الـ ROAS عشان تقـدر تحكم هل الأرقام اللي جايالك دي أرقام فعلا مرضية ولا لأ انت ممكن تبص تلاقي الـ cpp حلو جدا لكـن الـ ROAS في العموم مخسرك او مش مطلعك بنسبة تخليك راضي عن الـ cpp وفي الحالة دي بنبدأ نفكر ازاي نزود الـ ROAS دايما خليك متابع كل حاجة في الـكامبينز عن طريق الـ UTM ولو مش بتعرف تحلل وتقرأ الكـامبينز من بـرة الداش بورد زي جوة دور عن ازاي تعمل كدا عشان الموضوع هيفرق معاك تماما متحكمش بدري منصات كتير زي فيس بوك وتيك توك ممكن يحصل فيها Delay في الـ Purchase وانها تسمع على الـ Dashboard فـ انت تيجي تدخل تلاقي ان الكـامبيز مش جايبة اوردرات لكـن لو وقفتها تلاقي الكامبينز جابت اوردرات فـ ترجع تشغلها تاني وده يخلينا منخدش اي قرار متسرع في الحكم على الكامبين بتاعتنا ولو عايزين نتراك كل حاجة اول بأول ممكن نستعمل الـ UTM’s هتسهل علينا الموضوع جامد جدا جهـز الـ Infrastructure قـبل الـ Scaling وهنا القصـد بالـ Infrastructure البنية التحتيه للشغل بتاعك من Stock – Operation – Cash – Logistics وغيرها وتعالوا هنا نفكر فيها بالعقل شوية هو انت دلوقتي لو لقيت الـ Campaigns بتاعتك كويسة كـ ارقام ومبيعات وكل حاجة ورحت قولت انا هجهز دلوقتي للـ Scaling من غير ما يكون عندك ” مخـزون “ هتشتغل على ايه ! ولا اي حاجة هتجيب اوردرات تركنها جنبك وده مش طبيعي طب لو جيت اشتغلت برضوا ولقيت انك بتجيب اوردرات كتير ومعندكش Customer Support Team يأكد الأوردرات دي ايه اللي هيحصل ؟ مش هتلاقي حد يأكد اوردراتك وبالتالي هيتراكم عليهم الأوردرات يوم واتنين وتلاته فـ هتلاقي تأخير في التسليمات – تأخير في الكاش وهياخد كل حاجة وراه بقا ده غير طبعا انك تبقا مراقب الـ Cashflow بتاعك عشان متجيش تصرف تصرف تصرف وفي الأخر تلاقي نفسك معكش ولا مليم وفلوسك كلها في شركة الشحن والأستوك ومش عارف تتحرك خطوة بسبب نقص الكـاش أخر حاجة بقا تخلي الكامبينز تخسر بشكـل واضح هي الأعتماد على طريقة واحدة في الـ Scaling وانك تبقا بتعمل Scaling بشكل غير مدروس يعني انت مش مرتب اي حاجة لا Creative ولا Campaigns ولا اي حاجة فـ بالتالي ايه اللي بيحصل ! حضرتك بتكون ماشي قاعد تدبلكيت الكامبينز وتزود بادجت وكامبينز تشتغل وكامبينز تقف ومش عارف ده بينجح ليه وده بيقف ليه ثق تمام الثقة انك لو عندك ستراتيجي ماشي عليها الموضوع هيفرق معاك 180 درجة وهتتحول النتايج بتاعتك بشكل كبير جدا وعليه فـ الهدف من البـوست ده حاجة واحدة الفرق بين المبتدئ والمحترف في الـ Scaling هو ان المحترف مش بيكون باصص على الـ Dashboard بس وواعي لكل حاجة جوا البيزنس ممكن تخسره فلوس الـ Scaling دي طرق الـ Scaling كتير مفيش طريقة واحدة حد يقدر يقولك امشي عليها هي بس لكـن الـ Scaling الصح هو اللي يخليك محافظ على الـ Profitability الـ Testing ونتايجه مش مؤشر عشان تبدأ Scaling مرة واحدة ولكن مؤشر عشان تخطط للفترة الجاية صح. وبس كدا