September 14, 2025

الإيكوميرس مفيهـوش صح وغلط بسم الله الرحمن الرحيم والصلاة والسلام على رسول الله النهاردة تاني بـوستات إيكوميرس بعـد التراويح والـبوست ده طـويل وأخر سطـر أهم سطـر فـ كوبـاية الشاي وطبق الكنافة بتاعك ويلا بينا عـزيزي القارئ واحدة من اكـبر الغلطات اللي بنعملها وإحنا بنبدأ في المجـال ده إننا بندور على أيه الصح ونروح نعمله نـروح نشوف فلان ده كـان بيعمل ايه ونعمل زيهه بالظبط ناخد نفس السيستم نفس المنتجات نفس كل حاجة وفي النهـاية النتيجة بتكـون كالأتي : ( ارباح لحظية – نتايج مختلفة – خسـائر ) إنهاردة هنـعرف مع بعض ده بيحـصل ليه وايه الحـاجات اللي نقـدر فعلا نقول اننا لازم نمشي عليها لو بنبدأ الإيكوميرس بيزنس بتاعنا أول حاجة خلينا نـقول حاجة مهمة ان مفـيش قـاموس او Roadmap واضحة 100% للـبيزنس تقولك انت هتعمل ايه في دايما أساسيات لكـل حاجة بس فوق الأساسيات دي هتلاقي شوية حاجات مختلفة بين كل واحد والتاني تعالوا نتكلم بقا في الأساسيات دي الـبيزنس هيقـوم على أيه ؟ 1- Operation 2- Marketing 3- Finance 4- Sourcing دول أول وأهم 4 حاجات بيقوم عليها الــ E-Commerce Business بتاعك وفي قـول أخر يطلق عليهم E-Commerce Ecosystem وكـنت كاتبلهم بـوست تاني هبعتهولكم في المـيل وهتلاقوا عندي على البـروفايل لـو لسـا مش مشترك في الـميلز بتاعتنا طيب يا قـنديل يخويا انا عايز أعرف هـل الـ 4 دول لازم يكون عندي خبـرة فيهم عشان أعرف أبني الـ E-Commerce Business بتاعي ؟ خليني أقولك انك لو بتفهم في 3 منهم بـ نسبة 20% لـكن في واحدة انت 80% فـ انت كدا تقـدر تعمل أي حاجة لأنك لازم تكـون قوي في حاجة عشـان تقـدر تسد في البـاقيين وكدا كدا هتتعلم كل حاجة بالوقت لكـن متبقاش مش عـارف أي حاجة في الـ 4 ورايح تصنع منتجات وتسعرها وتبيعها اونلاين وتشحنها مع شركات شحن لأنك في الغـالب لو كسبـت في الأول مش هتـعرف تكسب بعد كدا وهتقف في مرحلة من البيزنس انت مش عارف تتحرك فيها عشان خلصت اللي انت عارفه كله لو انت على سبيل المثال كنت شغال مع حد واداك جزء كبير من خبرته في التصنيع مثلا ورحت انت تدوس في باقي الحاجات ومش عـارف انت بتعمل ايه فـ بالتالي هتتعلم واحدة واحدة فيهم وهتوصل في الأخر ل حاجة متقلقش يبـقا خلينا نقـول ان احنا على الأقل عـندنا خبـرة في حته والحتت الباقية اما بنجيب ناس تقوم بيها او في الأول بنقوم بيها على قد ما إحنا عارفين وبعدين نقـدر نجيب حد يشيلها يا قنديل ما انا شوفت واحد صحبي ميعرفش اي حاجة في كـل ده واشتغل ومحقق نجاح كبير اوي ! حـلو وصلنا هنا لـ الحته اللي انا كنت عايزك تقولها اول حاجة انت عرفت انه محقق نجاح منين ؟ تاني حاجة عرفت منين ان هو ميعرفش حاجة ؟ يابني لازم تـعرف ان كل واحد ظروفه غير التاني وكـل واحد مخبي حاجات التاني ميعرفهاش ومش من حقه انه يعرفها حتى فـ انت متحكمش على حد بـ حاجة وانت مش عـارف ايه اللي وراه تعالى نـدخل في المهم يا راجل وسيـبك من صحبك ده ونشـوف احنا أصلا مفـروض نبقا عـارفين اساسيات ايه جوا الحاجات اللي قولناها دي عشان على الأقل نمشي فيها واحدة واحدة أول حاجة في كـل الأجزاء كدا لازم تكـون فاهم ان هي عـمليات مترابطه مع بعضها على اساسها بيتبنى البيزنس بتاعنا فـ نيجي نشوف الـ Operation نلاقيه مش هيشتغل من غـير ما الـ Marketing يشـتغل والـ Marketing مش هيشتغل من غيـر م الـ Sourcing يشتغل وكـل دول مش هيشتغلوا لو مفيش Cashflow وفلوس دايرة في البيزنس يبـقا تعالوا كدا نشوف الخـطوات نرتب الخطـوات كلها ورا بعضها وعشـان تعمل ده بشكـل أحسن أرسمها على Mind Map زي Miro عشان تـقدر تتخيل الـ Cycle كلها قصادك هبعتلكم في المـيل صورة لـ Mind Map كنـت راسمها عشان تسـهل عليكم الموضوع تبدأ تنظـم شغـلك في شـيتات واضحة تـرتيب شغلك في شيتـات من أول دخـول الأوردرات لـلمتابعة مع شـركة الشـحن هيسهل عليك 90% من الشـغل وهيخليك دايما عـارف انت بتكسب ولا بتخسـر فـ بعد ما تظبط الـ Map بتاعتك أقعد شـوف انت هتحتاج شـيتات ايه عشان تقـدر تتابع كـل ده وازاي هتقدر تربطها ببعضها كمـان بحيث تبقا كل حاجة بتسمع من غير ما تعملها انت مانيوال نبـدأ نـدور على المنتجات واحـدة من المهارات اللي لازم تكـون عندك وانا مش هتـكلم كتـير فيها عشان في نـاس أقدر مني انهم يتكلموا فيها وعشـان الموضوع عايز شرح وسؤال وجواب هنتكلم عليه في أول سيـشن من إيكوميرس بعد التراويح ان شاء الله وهيتكلم في الجـزء ده أخونا Mahmoud Shehab نـعمل تسـعير مبدأي والجزئية دي كمـان هنتكلم فيها ان شاء الله في إيكوميرس بعد التراويح بالتفـصيل وهقولكم الحاجات اللي على أساسها تقـدروا تسعـروا تسعير مبدأي للمنتج بتاعكم عشان تقيسوا النجاح بتاعه. جزء المـاركتينج او الأعلانات فـخ كـبير أوي أوي بيقـع فيه ناس كتـير من اللي لسـا بيبدأوا في الـ E-Commerce وأغلب الغلطات الشائعة بتكون بعدم علم بالمجال بشكـل عام فـ تلاقي كله باصص على انه شغـال ومش بيجيب نتايج والأعلانات مش حلوة وغيرها هو ميعرفش من الأساس اذا كانت فعلا الأعلانات حلوة ولا لأ ولا ايه المشاكل فيها ولكنه تخـيل انها مش حلوة عشان مش جايبه نتايج بس وعايز يغير الميديا باير اللي شغال معاه او يعمل بيدج جديدة أو أو أو انا اتكلمت في الجـزء ده كتـير في البوستات بتاعتي ولكـن برضوا خليني اديكم الخلاصة كـل بيزنس بيمشي بـشكل اعلانات غير التاني وميزانية مختلفة فـ انت بص للمنتـج وشوف الأول هل انت فعـلا مجهزله فيديوهات وصور كويسة تشتغل بيها ؟ هل نـوع الأعلان اللي انت طالع بيه هو المناسب في البداية ؟ هـل اصلا انت شغال على المنصة الصح ؟ أقعـد اسأل نفسـك كـل الأسئلة وجاوب عليها ولو تعبت خالص ابعتلي وانا لـو قـدرت اساعدك مش هتأخر دقيقة خليني بقا اديلك ملخص للـبوست ده عشـان الناس اللي مش بتقـرأ كتـير الأيكوميرس فيه معطيات كتـير وهتحتاج انك ترسمها قدامك وتعمل على اساسها بروسيس واضحة تشتغل بيها لو انت مش هتعرف تعمل ده وبتدور ازاي تروح تعمل زي صحبك اللي محقق 99999 اوردر في اليوم فـ انت هتاخد نتايج أولية حلوة اوي لكـن هتقلب معاك ب خساير كبيرة عشان انت مش عارف الـ Trick فين فـ ركز على انك انت اللي تـرسم وتخطط ولو عـطلت في حاجة اسأل عشان السؤال مش عيـب وأخيرًا وليس آخرًا اللهم لك الفضل والحمد على ما علمتني وسبحانك اللهم وبحمدك، أشهد أن لا إله إلا أنت، أستغفرك وأتوب إليك

أسهـل طريقة تفهم بيها الـ Leadership. بسم الله الرحمن الرحيم والصلاة والسلام على رسول الله البوست ده ملخص لـ Leadership Session كـنت بتفرج عليها وأقدر أقول عليها من أهم الـ Sessions اللي إتفرجت عليها في الجزئية دي تعالوا ندخل في الموضوع على طول… عشـان نتكلم عن الـ Leadership لازم نحطه في إطار وعشـان نحطه في إطار لازم نعرف ايه العالم اللي احنا هنبقا فيه Leaders فـ احنا لقينا ان العالم اللي احنا فيه ده عالم متغير بشـدة او كمـا اطلقنا عليه مصطلح ( VUCA ) اختصار لـ 4 حاجات – Volatility – Uncertainly – Complexity – Ambiguity إختصارا لـ 4 حاجات ده فـ هما بيتكلموا عن ان العالم فيه متغيرات كتـير بنمر بمر بيها كل يوم وتقعيدات بتحصل ومش بيكون ليها حل قصادنا بيكون الوضع اوقات كتير شديد التعقيد وبيشوبه حالة من الغموض الـ VUCA World خلق تحديات جديدة للقادة وأصبح أكثر صعوبة لأي حـد بيشغل دور القيادة فـ ده هيتطلب منا نوع قـيادة مكنش موجود قـبل كدا حسب تقسـيم Ron Heifetz فـ هو قسم القـيادة ل جزئين Adaptive Leadership , Technical Leadership والفـرق بينهم الأتي : الـ Technical نوع من القيادة بيكون القائد ليه عنده حل للمواقف وبيشتغل على سيستم بيتحرك من خلال هيكل واطار مسبق ومعروف بيصدر اوامر لأن هو اللي عنده الخبرة الكاملة الـ Adaptive Leadership وده النوع اللي محتاجين نكون فيه دلوقتي النوع ده بيتطلب حاجات تانية لأن الـ Leader فيه بيعيد تشـكيل الواقع وبيكون متمسك ب غاية اساسية مبتتغيرش ولازم يكون عنده هدوء اعصاب وثبات انفعالي عشان اللي بيحصل حواليه لازم يكون عنده مبدأ انه يقول ” معــرفش “ أو كـما قال برضوا Ron Heifetz We own collective responsibility for the global conditions that we impact and that impact us. We will not make these changes based on authority-based leadership, but rather with each of us taking a leadership role. نيجي بقا للـجزء اللي بنقع فيه هو الـ Balcony and Dance وده مصطلح بيفرقلنا بين الـقائد اللي بيبص لـ كل حاجة جوا الشغل وبيعمل الحاجات بتفاصيلها بنفسه وقائد تاني قاعد في برج بعـيد بيبص من البلكونة وعنده نظرة استراتيجية اكبر وقولنا ان القـائد دلوقتي لازم يـكون بيعمل الأتنين ” بيقدر انه يبقا في البلكونة وبينزل يرقص مع الناس “ ولازم يوازن بين الأتنين طيب لغايت هنا زي الفـل. نيجي بقا لـجزء الوعي عند القائد هنتكلم هنا عن مصطلح اسمه : Above and below the line أول حاجة هسيبلكم فـيديو في الـ Comments تتفـرجوا عليه بيتكلم عن الجزئية دي. مخنا دايما بيخلينا في وضعيه دفاع عن النفس القـائد لازم يبقا Open وعنده أفكار وبيسمع الناس ولازم يشتغل على نفسه عشان يقدر يوصل للمرحلة دي ودايما خليك فاكر ” طول ما عندك وعي اكبر طول ما مسئوليتك كبرت وخياراتك كترت “ هتلاقي نفسـك في أوقات كتـير Above the line وقـادر تبدع وتسمع وتتكلم وأوقات تانية هتلاقي نفسك Below the line بس في الوقت ده حاول على قد ما تقـدر انك تحـارب عشان تطلع لـ فوق متفضلش تحت. تعالى بقا نـعرف الـ Adaptive Leadership اللي أصلا بيدور حواليها الـبوست كله ونـبدأ بالتـعريف بتاعها : Adaptive Leadership is a Social Process that enables people to work together as a cohesive group to produce collective results يعني : عمليه على مستوى المجموعة لمساعدة الناس في العمل على شكل متقارب ل تحقيق نتائج جماعية عشـان نحقق العمل على المستوى الجماعي في موديل ممكن نمشي عليه اسمه DAC اختصار لـ 3 حاجات Direction Alignment Commitment الـ 3 حاجات دول لو اتوفروا في أي شـركة او استخدموا في القـيادة هتلاقوا كـل الناس عـارفة هي ماشية بتعمل ايه والقائد قادر انه يدير النـاس اللي معاه ويحقق دوره القيادي في الشـغل لازم نبص على اننا عندنا اتجاه واضح الناس كلها شايفاه وهل احنا متوافقين احنا هنمشي كلنا ازاي هل احنا ملتزمين عشان نعمل الحاجات دي او لأ طيب انا دلوقتي هسأل نفسي انا لو مش عندي جزء من دول ايه هيحصل للـتيم بتاعي ؟ تعالى اديك 3 سيناريوهات هيحصلوا : لو عندك الـ Direction و الـ Alignment ومعندكش الـ Commitment فـ هتلاقي الناس بتوعد ومش بتوفي بالكلام ومفيش التزام لأن مفيش احساس بالمسئولية لو عندك Direction و Commitment ومعندكش Alignment فـ هتلاقي فيه Duplication للـ Efforts عشان مش متفقين مع بعض يا اما فيه Overlap او Gap لو عـندك Commitment و Alignment ومعندكش Direction فـ هتلاقينا بنتحرك بسـرعه ومش بنوصل لـ حاجة ولا عـارفين احنا بنوصل لـ ايه لأن مفيش حاجة نوصلها اصلا وزي ما center of creative leadership بيقولوا : you can only make leadership happen with others يعني انت مش هتـقدر تحقق الـ Model ده لوحدك ولـكن لازم الـ Team كله يبقا معاك فيه ندخل في الجـانب العملي من الـ Leadership بيبدأ عندنا بالـ Leadership Versatility وهنا بنتكلم حوالين ايه الأدوار اللي بيلعبها الـ Leader – الـ Player – الـ Coach – الـ Manager – الـ Leader الهدف اننا نبقا عارفين احنا في اي جزء والمفـروض ايه بنعمله اكتر من ايه الـ Player Role هو الـدور اللي المفروض الـ Leader يلعبه أقل ميلعبوش في كـل الأوقات اه هيجيله وقت ويلعبه لـكن وقت تاني مش هينفع يلعبه الـ Manager Role هو اللي بيقيس البيرفورمانس وبيساعد على حل المشاكل وبيكنترول الشغل كله من بعـيد وبيقدر يدي Right Feedback وده هينقلنا لـ أهم نقطة ( بالنسبة ليا ) في الـبوست ده How yo give a right Feedback واحدة من أهم الإستراتيجيات إستخداما للـموضوع ده هي ( SBI ) أختصارا لـ 3 كلمات Situation Behavior Impact في الأول هنوصف الحالة اللي اتعمل فيها الحاجة دي وبعدين نوصف السـلوك من غير ما نطلع أحكام او افتراضات وأخر حاجة تأثير السـلوك ده عليك طيب انا دلوقتي لـو جيت أقول Feedback لـحد هل من الصـح اني أحكم عليه ؟ – لأ طيب أفرق أزاي بين السلوك والحكم ؟ – خليك مفرق دايما بين السـلوك وهو اي حاجة بيقدر يسمعها المايك او تشوفها الكاميرا لكـن الحكم هو ترجمتك للسلوك اللي شوفته مثالا عشان الجزئية دي مهمة وممكن نناقشها في بـوست تاني يا علي إحنا لما كـنا في الـميتينج إمبارح وانا بعرض الأرقام انت كـنت بتخبط بإيدك على الترابيزة وده أداني انطباع انك متضايق من طريقة العـرض انت هنا عـرضت الموقف ( Situation ) وقولتله سلوكه كان ايه ( Behavior ) وقولتله انطباعك على السلوك ده ( Impact ) وهنا نـقدر نقول انك هتوصل لـ جزئية انك بتدي Feedback بشـكل كويس

التـغيير بيحتـاج ستراتيجي تمشي عليها بسم الله الرحمن الرحيم والصلاة والسلام على رسول الله البوست ده ملخص لـ Leadership Session كـنت بتفرج عليها بس المرة دي كـان تركيز الـ Session على الـ Change Management تعالوا ندخل في الموضوع على طول… في الأول تعالوا نعرف مصطلح الـ Change managements Change Managements is the process, tools and techniques to manage people side of change to achieve required business results بالـعربي : هي عمليات واستراتيجيات لادارة الناس جوة البيزنس بتاعك عشان توصل ل هدف التغيير اللي انت عايزه وهنا بنتكلم على مستوى الموظفين والناس جوا الشركة كلها وبنقول دايما ان الشركة مبتتغيرش لكـن الناس اللي جوة هي اللي ممكـن تتغير النـاس في الـعموم بتحارب التغـيير في السيستم – وهنتكلم عن أشكال المحاربة للسيستم ده بعد شوية – فـ لازم تكـون عارف انك بتدير ناس مش بتدير شركة واصعب حاجة هي نـقل الأشخاص من المرحلة الحالية لـ المرحلة المستقبليه أي قرار بتاخده المنظمة اللي انت فيها هو بيأثر بالسلب او بالأيجاب على الناس جوا الشركة وهنا تفكيرك بيروح ل جزئين او قرارين عايز تاخدهم الجزء الأول : Acquire Talent الجزء التاني : Develop your talents في مقولة حلوة اوي بتقول What ever your future, However you need to manage The individuals to Achieve your goals يعني ايا كان المستقبل اللي انت رايحله ده بيحتاج منك ادارة للناس اللي معاك عشان تحقق الهدف ده فـ انت هتتعامل معاهم بـكل اعتراضاتهم او اشكالهم او هتروح تـ Acquire New talent وفي الحالة دي هيقف قدامك عوائق تانية برضوا نيجي بقا لجزئية التغـيير وخليني أقولك انه بيمر بـ 3 مراحل – Current State – Transition State – Future State كـل مرحلة من دول ليها تعامل مختلف عن التاني ولكـن الـ 3 مشتركين في انك لازم تكون محدد الـ Objective بتاعك وعـارف انت فين والمفروض توصل لـ فين في الـ Current كل اللي محتاجه انك تعرف Who we are where we have been successful أكبر مشكلة هتواجهك هتكون في الـ Transition State المرحلة دي بتبقا ” Messy – Disorganized – Emotionally Charge – Less Productive “ فـ انت لازم تكون مدرك شوية الحاجات دي وانت في مرحلة الـتغيير وعامل حسابك عليها لأ وكمان بنقول انك لازم تكـون Sponsor للمرحلة دي وهنا بنيجي نتكلم عن حاجة مهمة اوي وهي الـ Sponsor Change الـجزء ده بيتولاه حد من الـ Management Team او الـ Executive Team ودوره انه يبقا معاك في التغييـر ده ويحسس الناس بقد ايه التغيـير ده مهم وضروري وغيرها فـ انت في مرحلة الـ Transition لازم يكون حد فيها بيـ Sponsor الـ Change ده وفي مرحلة الـ Future لازم تبقا عارف ان دي مرحلة القلق ودي أصعب مرحلة عشان محتاج انك تـ Pin الـ Changes اللي حصلت دي وتكررها وتعملها Doc. بحيث كل الناس تبقا عارفاها وماشيه بيها نيجي بقا ل جزئية الـ Change ايه الـ Models اللي ممكن أشتغل بيها عشان يحصل الـ Change ده أول Model معانا هو الـ LBC Model ودول 8 خطوات بنمشي عليهم عشـان نوصل في الأخر لـ التغيـير اللي احنا عايزينه وخد بالك ده بيحصل للتـغييرات الكبيرة مش الحاجات الصغيرة ويعتبر الـ Umbrella بتاع الـ Models اللي هنقولها انهاردة الـ 8 خطوات هذكرهم ليكم ولو عايز تعرفهم بشكل تفصيلي هسيبلك لينك مقالة تقرأها في الـ Comments او ممكن تقرأ كتاب LBC هيفهمك كل حاجة بالتفصيل 1st step, Create a Sense of Urgency 2nd step, Pull Together the Guiding Team 3rd step, Develop the Change Vision and Strategy 4th step, Communicate for Buy-in and Support 5th step, Empower Others to Act 6th step, Produce Short-Term Win 7th step, Don’t Let up 8th step, Create a New Culture الخطـوات دي خطـوات طويلة ومش سهـلة وبتاخد وقت ولكـن ثق تماما انك لو عملتهم بشـكل كويس هتلاقي نفسك في الأخر عـامل التغيير اللي انت محتاجه وخد بـــــــــالك : مينفعش تستخدم الـ Title بتاعه في التغيير الـناس عايزة حد يـ Communicate مش عـايزة حد يـ Lead Power حـاول تكسب قلوبهم عشـان تقدر توصل للي انت عايزه نيجي بقا للـ Model التاني وهو ADKAR Model وهو أختصار لـ 5 حاجات – Awareness – Desire – Knowledge – Ability – Reinforcement والحاجات اللي محتاجين نـركز عليها هنا هي انك بعد ما تعمل كل ده تكـون مركز على الـ Desire لأن انت بتتعامل مع بشر ممكن يكـون عندهم انهاردة Desire وبكرة لأ لأنك لو فاكر ان الناس بتتعامل من غير مشاعر او بتسيب مشاكلها على الباب وهي داخلة الشغل ف انت غلطان فـ لو مش عـارف تـ Motivate Your team to Change ده هيخسرك كتير اوي والحاجة التانية ان مش كل الناس عندها نفس الـ Ability فـ لازم تكـون فاهم the gap between founder skills and employee skills أخر Model ممكن نستخدمه هو الـ Change وهنا بنعبر عنه بـ 3 حاجات وده أسهل Model ممكن تشتغل عليه – Elephant – Rider – Path وده بنمثله بأن الـ Rider بيحاول يسوق Elephant في Path ولازم يبقا عارف ان الـ Elephant ده هيتحرك بالـ Emotion فـ هو لازم يـ Control الـ Emotions دي ولو الـ Path مش واضح فـ هيتوه فيه وبالتالي الـ 3 حاجات دول لو موجودين التغيير هيحصل وبنقول هنا نقطة من أهم النقط في الـ Session دي ” بالنسبة ليا “ Be Cautious with TBU و TBU هنا هي أختصار لـ مصطلح : True But Useless وهنا بنتكلم عن الحاجات اللي بتتقال فعلا في طريقك للتغير بس هي مش مهمة كفاية وممكن أنك تعديها متبصش عليها اوي وليها مقالات كتير حلوة ممكن تقرأها أخر حاجة وهي الـ Resistance Flavor أو بمعنى أصح نكهات المعارضة اللي هتتعرضلها في التغيير وهما 3 انواع من البشر – Rational – Political – Emotional الـ Rational عنده أسئلة كتير بدون اجابات واضحة ومركز طول الوقت على المشاكل فـ ده شخص انت محتاج تسمعه بس تكون عارف هو هيوقف امتى او هتقدر توقفه امتى الـ Political ده شخص خايف على مكانه محتاجك اكتر انك تدخله جوة التغيير عشان ميحسش انه مهدد انه بعد التغيير ده هتمشيه او هيقل في وسط الناس الـ Emotional وده شخص مش محتاج يتهاجم ولا اي حاجة ده محتاج تلعب معاه على الـ Emotions بس انا قصـرت التلخيص ده على قد ما قدرت ومعتقدش كان ممكن يتلخص أكتر من كدا اتمنى يكـون التلخيص عجبكم ولو محتاجين تسألوا في حاجة انا معاكم وأخيرًا وليس آخرًا اللهم لك الفضل والحمد على ما علمتني

الـ Culture بتاعت الشركة مسئول عنها الـ CEO بسم الله الرحمن الـرحيم والصلاة والسلام على رسول الله الـ Session المتلخصة انهاردة هنـتكلم فيها عن الـناس جوا شركتك وازاي تحطلهم Structure وتبني ليهم Culture يشتغلوا بيها لغـايت ما تحط خطة للـناس اللي عنـدك وازاي لما يمشي حد يكـون فيه حد مكانه. تعالى نتكلم في الأول عن الـ Structure ونقول أنها البناية الأساسية لأي Team لأنك مش هتـقدر تبني بيت من غـير أساس وده الأساس بتاع الشغل بتاعنا في مفهوم غلط عند الناس.. انك تبني تيم التيم ده بيتخانق مع بعضه عشان يحقق مكسب هو ده الصح we want to let the kpi’s overlaping people get maximum with this kpi’s —- This Wrong لازم تخليهم One team ويتعاملوا ازاي يشتغلوا مع بعض عشان يحققوا التارجت مش يتخانقوا مع بعض عليه وانت بترسم ال Structure لازم ترسم مين بيسلم مين وكل واحد مسئول عن الجزء بتاعه ملهوش علاقة ببعض عشان ميضيعوش ال Energy انهم يثبتوا انهم صح وميحصلش Over lapping in decision making أفتكر المثال ده : المركب لو كله لؤات كلهم هيختلفوا في الطرق كلهم هيوصلوا اه لكن لازم واحد بس اللي يتنفذ ف مينفعش ال Decision Making يبقا في ايد ناس كتير نيجي بقا للسؤال اللي هتلاقي نفسك بتسأله طول الوقت هي الـ Structure دي بتتنى Long ولا Short term أجابة السؤال ده معتمدة على نوع الـ Business بتاعك في أي مرحلة هل في مرحلة بدائية لسا في مرحلة الفكرة او التأسيس او مش بقالك سنة ف هنا بنبص على ال Short term عشان بعد السنة دي ممكن تتغير بنسبه كبيرة… ممكن يتغير المنتج كله اللي انت شغال عليه غير لما تبقا شغالك بقالك ٧ ولا ٨ سنين عشان انت عارف كل حاجة ف تقدر تحط ال Structure عشان يعيش معاك سنة ولا سنتين قدام الحاجة التانية لازم نعرف الكاش معانا يجيب ناس ولا لأ ده عشان تعرف انت محتاج تجيب مديرين عاملين ازاي ف لو معاك كاش هتجيب عدد معين او بوزيشنز معينين ولو معكش ف هتجيب اقل من كدا عشان انت معندكش اتاحه انك تضحي بفلوس شوية Tips في الـ Structure – الاستراكشر بنخلي فيه المدير بيريبورت ليه من ٤ ل ٦ موظفين – ابني الاستراكشر ل ٦ شهور مش ل ٦ سنين – عين مديرين لما تحتاج ومتجيش المدير قبل التيم – لازم تبقا عارف انك ممكن تغير الاستراكشر اي وقت انت عندك شركة جديدة كل كوارتر خـلاص حطينا الـ Structure وعرفنا هنبني الـ Team ازاي تعالى بقا نقول هنعمل Hiring إزاي للـ Head of level – افصل بين انك كنت تيم ليدر ل انك CEO 1- اول حاجة لما بتيجي تعين ك تيم ليدر بتعين ناس ممكن يبقوا شاطرين زيكHe will turn to be good than you لكن حاليا لو بتعين Director ف انت بتعين حد احسن منك في الحته اللي انت بتعينه فيها مينفعش يبقا زيك 2- تاني حاجة انك لما تيجي تعين ك مدير بتعين حاجات انت عايزها تتعمل لكن لما بتعين مديرين بتعين ناس يقولولك تعمل ايه مش العكس 3- تالت حاجة انت ك مدير بتعين ناس عندها تكنكال سكيلز معينة لكن لما بتعين Head of انت بتدور على ال Leadership skills و ال Technical Skills 4- اخر حاجة لما الناس بتيجي تعين الناس كلها بتدور على ال Skills بس اكتر غلطة،Common الناس بتعملها انك تعين كدا لكن انت بت Hire Character يا فرحتي لو عينت اشطر واحد وسرقك – الشطارة،تاني حاجة بعد ال Character – كـدا احنا بنينا الـ Structure وعـرفنا هنعمل Hiring إزاي ولمـين تعـالى نشوف الناس دي هتشتغل إزاي مع بعض الـ Culture طب يعني ايه اصلا Culture Culture : Behaviors and the reactions towards things يعني الناس هتتعامل ازاي مع بعض وانت موجود او وانت مش موجود وهنا هنرجع لأول جملة في البـوست الـ Culture بتاعت الشركة مسئول عنها الـ CEO مفتـاح الـ Culture هو الـ Trust لازم تخلق جو من الـ Trust لمـوظفين الشـركة وهتتفاجئ من النتايج وده مش معناه انك متعملش Audit ” المال السايب بيعلم السرقه “ طيب انت عشان تعمل Culture محترمة 1- لازم يـكون عندك Mission – Vision وهنا مش معناه انك لازم تعمل حاجة كبيرة وتكتبها في لينكد ان وتكتبها في الشركة على ورق لكـن هي كفـاية انها ممكن تكـون Inspiring 2- دايما ابدأ بنفسك الـ Culture اللي انت هتعمله ابدأه انت بنفسك وهتلاقي الناس ماشية وراك فيه 3- ركز على هـدف الشركة لازم طول الوقت تكـون عـارف ومعرف الناس بالـ Values بتاعت الشـركة لأنها طول ما هي موجودة وطول ما الناس عارفه انها موجودة هتفكر دايما الناس هما لازم يتعاملوا مع بعض ازاي كـدا احنا خلصنا الـ Structure وعملنا Hiring وعرفنا الـ Culture بتاعت الناس ندخل في أهم جـزء بالنسبة ليا الـ Management Style هتـدير الناس بأي أسلوب ! في اساليب كتـير جدا للإدارة ولكـن عشان تقدر تدير الناس صح لازم تبص على ايه اللي هينفع معاك ومع الشركة بتاعتك في كل مرحلة تعالى نتكلم بقا عن شوية اساليب مع بعض ونـعرف عيوب ومميزات كل واحدة ونشوف احنا هنستخدم ايه كمان اول طريقة هي الـ Autocratic ودي طريقة بيكون القرار لـ شخص واحد وبنضرب هنا مثـال ” بالجيـش ” هو شخص واحد والنـاس كلها بـتسأله وترجعله في كـل حاجة والطريقة دي زي ما ليها مميزات ليها عيـوب أكبر فـ هتلاقي الـ Environment بتاعت الشغل مثلا مش أحسن حاجة لأن الناس مش فاهمة هي بتعمل ايه هسـيبك تقرأ عنها شوية عشان تعرف ايه ممكن تاخده منها وايه ممكن تسيـبه تاني طريقة هي الـ Democratic ودي طريقة بيكون القرار فيها شورى بين النـاس فـ بنطرح الموضوع ونسأل ونفكر وناخد القرار مع بعض ودي طريقة بتنفع لأي بيزنس لأن كله بيشارك وكله بيتعلم والـ Environment بتاعت الشـركة بتبقى كويسة أكبر عيب في الـطريقة دي هي البطئ… لأنك هتاخد وقت في كل قرار بيتاخد تالت طريقة الـ Laissez Fair يعني انت بتدي القرار للناس اللي معاك هما اللي بيقرروه مش لازم انت تدخل فيه ” شوف انت ايه الصـح واعمله “ انت هتدي الـ Direction ومش هتاخد القرار معاهم ده مميزاته انه هينمي الـ Skill Set للناس اللي معاك لأن هما دايما بيفكروا ازاي ياخدوا القرار احسن وقت تستخدم ده لما يكـون الناس اللي معاك شاطرة عيوب الموضوع ده الـ Lack of role awareness الناس دايما في الجزء ده بتحس انها ملهاش Leader وملهاش حد يعلمها رابع واخر مدرسة هي الـ Visionary Management انا هقول للناس

فكـر في الـ Personal قـبل الـ Personal Branding بسم الله الرحمن الـرحيم والصلاة والسلام على رسول الله الـ Session المتلخصة انهاردة هنـتكلم فيها عن الـ Personal Branding واهمية تطويرك قـبل عمل الـ Personal Branding بتاعك عشـان تقدر تشوف الناس بتبص على ايه ومبتبصش على ايه.. قـبل ما ابدأ خلينا نحط شوية اساسيات كدا قصادنا عشان نعـرف احنا هنمشي في البـوست ازاي.. إيه هو الـ Brand ؟ Your brand is everything that your customers prospective customers, colleagues, teams, and followers think, feel, say, hear, read, watch, imagine, suspect, and even hope about your product, service, or organization يعني الحاجات اللي الناس بتتمناها وبتشوفها وبتسمعها من الخدمات اللي انت بتقدمها ليهم في الـ Brand بتاعك طيب وايه هو الـ Personal Branding وبنعمله الـ Personal Branding هي بناء صورة لـ شخصك الصـورة دي انت صادق فيها قدام نفسك وقدام الناس عشـان توصل بيهم لـ مرحلة الـثقة بنعمله ليه ؟ – get noticed – present attractive image – get more talent, Investments, etc.. ملخصا احنا بنعمل الـ Personal Branding عشـان نتشاف من اللي حوالينا او نجذب ناس بخبرات معينة انهم يشتغلوا معانا او نخلي الـ Investors يشوفونا عشـان تعمل Personal Branding محتاج تعمل إيه ؟ محتاج تفهم نفسك اكتر وتعرف انت قادر تعمل ايه او مميز فيه وبالتالي تقدر تـ Present ده للناس بطريقة مستمرة فـ الـ Branding دي حاجة ماشية معاك في البيزنس وفي حياتك الشخصية تعالوا بقا ندخل في الموضوع واحدة واحدة مع بعض والـبوست طويل فـ لو مش فاضي اعمله شير وبعدين أرجعله وقت تاني هل الـ Personal Branding أهم ولا الـ Business Branding أهم ؟ الاتنين مهمين ؟ اه الاتنين مهمين بس لازم تحط في دماغك حاجة مهمة اوي ان البيزنس ده ممكن يقفل لكن البيرسونال براند عايش معاك طول عمرك لو سمعت عن ال Reputation management ف هو ادارة السمعة ده الاستثمار ده بيكون مستمر معاك سواء سافرت او فتحت بيزنس تاني انت اسمك لسـا موجود والناس عارفاه هل ده معناه اني انزل محتوى كـل يوم ؟ انت ذات نفسك مبتنزلش الجيم كل يوم بس فكرة انك تسكت شوية وتتكلم شوية وتحاول على قد ما تقدر في الجزئية دي ف دي في حد ذاتها استمرارية الاهم بقا من انك تبقا بتعمل حاجة بتفرقع وتطلع Varial هي انك تكون مستمر وأفتكر دايما ان ” الإستمرارية تحقق السمعة “ اهم جزئين في ال Personal Branding هما ال Likeability و ال Trust الناس بتثتمر في حد بيحبوه وواثقين فيه. يبقا انت محتاج تبني الاتنين لما بيكون فيه قبول ده بيخلي الناس تشوفك وتسمعك ولما يسمعك وتبدأ تحلله مشكله او تساعده في حاجة هنا هيبدأ يثق فيك وطبعا كـل ده مش هيحصل غير وانت Focus على الحاجة اللي انت عايز تعملها وبتقدمها ومش بس كـدا لأ ده انت Focus على نفـسك وتطويرها في quote بحبها اوي في الجزئية دي بتقول ” Where Focus goes Energy flows “ لازم تكون عامل Focus على ان الناس عايزه ايه وانت تحاول تحققهولهم انا بركز على اني أخدم المتابع بتاعي او العميل بتاعي لو التركيز بتاعي على اني انجح بس ف انا هيبقا مش في بالي الناس التانية.. في كتـابين حلوين اوي ممكن نرشحهم في الجزئية دي وهو كتاب – العودة للجوهر – وكتاب – Fast and slow – طيـب تعالوا نمسك الـ Personal Branding Pyramid ونشوف هو جواه ايه ممكـن نركز عليه سواء أجزاء متشافة للناس او أجزاء جوانا احنا محتاجين نطور فيها أول حاجة هي الـ VALUES القيم هي اداة لتحسين ال Focus هي حاجة لما بتكون موجودة وبتظهر في الشغل بتاعي هي اللي بتديني Passion الـ Values هي اللي بتقول انا مين وايه الحاجات اللي ههتم بيها وهي اللي بتبين انا موجود فين بين الأخرين وهنا متلخبطش بين القيـمة والكفاءة القيمة مرتبطة بالسلوكيات ودي حاجة مرتبطه ب عادتنا وسلوكياتنا الكفاءة مرتبطة بالمعرفة والمهارة ف بتقدر انك تقيسها القيم مش ثابته لكن القيم المهمة في حياتك بتفضل مهمة ليه مهمة لانها مرتبطة ب كل حاجة بتعملها وليها علاقة بكل قرار بتاخده وقت ما تعرف قيمك كل حاجة في حياتك هتختلف قراراتك هتختلف ف لو انت اهم قيمة عندك مثلا هي ال Growth ف هتلاقي نفسك في اي شغل بتشتغله او اي عميل بتقبله لو مش بيحقق القيمة دي مش هتاخده من الاساس ف هنا عرفنا قد ايه القيمة بتأثر عليك وعلى قراراتك حتى لو في معطيات كتير مش واضحة لـو عـايز تقـرأ اكتر عن الموضوع ده أرشحلك كتـاب ” Everything I have learned about values “ ولو عـايز موقع تقـدر تعمل عليه Value test فـ فيه موقع https://personalvalu.es/ كـدا عـرفنا تقريبا كل حاجة عن الـ Value ندخل بقا في تاني حاجة في الـ Personal Branding Pyramid الا وهي الـ Strength عشان تبني Personal Brand قوي مهم اوي يكون ليه علاقة بال Strength او نقط القوة بتاعتك لو انا مركز على ال Weakness عندي ف انا محتاج مجهود كبير عشان اوصل ل نقطة الصفر ومجهود اكبر عشان تعدي نقطة الصفر ده لكن لو فهمت ال Strength وقدرت تشتغل عليها فرصتك انك تكون Star ف الحته دي اكبر بكتير ومهم اوي تبص على الـ Weakness اللي هتأثر بشكل مباشر على الـ Strengths دي وتبدأ تطورها مش لازم تبقا عندك نقطة قوة لكـن متكونش بتأثر على نقط القوة عندك ولما نتكلم عن الـ Strength يبقا لازم نذكر Gallup ودي شـركة بتعمل Research كبيرة في مجال التطوير الشخصي وبيعملوا Consulting لشـركات كتير اوي في الجزئية دي للـ Teams عشان يقدروا يشتغلوا على الـ Strengths points الخاصة بيهم لو حطينا الـ Strength Equation هتلاقيها كالأتي Talent * Investment = Strength والـ Talent هي الـ Natural way of thinking or behavior ولما بتبدأ تعمل فيها Investment ده بيوصل معاك للـ Strength وده معناه انك بتعمل الحاجة بشكل مستمر وبتحسن فيها وفي الحاجات اللي بتعملها لما الناس بتستخدم الـ Strength بتاعها كل يوم احتمالية ان يكون فيه انغماس بـ 6 مرات وبتزيد انتجايتهم لـ 12.5 % وكمان ممكن تزود ربحيتها لـ 8.9 درجة طيب تعالوا ناخد الـ Talent الأول نفصصها مع بعض كدا ونقول انها متقسمة جوا 4 شخصيات 1- الـ Excuting : ودي ناس بتركز على ازاي بتعمل الحاجة 2- الـ Influencing : ودي الناس اللي بتركز على التأثير في الأخرين وتوصيل المعلومة ليهم 3- الـ Relationship Building : ودي ناس بتركز على بناء علاقات فيها عمق 4- الـ Strategic Thinking : دي الناس اللي بتفكر في الحاجات بشكل أكبر

ما تيجوا نتكـلم انهاردة عن Challenge لطيف كـدا كنا بننفذه الفـترة اللي فاتت بسم الله الرحمن الـرحيم والصلاة والسلام على رسول الله الـ Challenge ده كـان عبـارة Process Automation من دخـول الاوردر الموقع او الشيت بتاعنا لـ وصوله للـ ERP System وخليني أقولك ان الـ Challenge هنا مكـنش صعب في التنفيذ قد ما كان صعب إنك تعمله Logic عشـان تقـدر تنفذه لـوجود متغيرات كتـير وعـوامل بتأثر على كـل خطوة كان لازم نحطها في الحسـبان تعالى نشوف الأول المطلوب إيه في الـ Task ده عـندنا مكـانين بيدخل منهم الأوردرات الـ Leads, Website الجـزء بتاع الـ Leads بيسمع معانا في Google Sheet والجـزء بتاع الـ Website إحنا شـغالين على Landing على Light Funnel فـ الأوردرز بتسمع جوا Light Funnel مطلوب إيه : نـدخل الأوردرات من Light Funnel ومن الـ Google Sheet للـ ERP System ومن هـنا تبدأ رحـلة البحث وتعالى أخدك معانا في رحـلة مش صغـيرة قـدرنا ننفذ بيها الـ Automation والـ Campaigns موقفتش دقيقة قـبل ما نشتغل على الـ Automation كـان لازم نفرد ورقنا كـله ونشوف إيه الـ Tools اللي ممكن نستخدمها عشان نوصل لـ إننا بندخل الأوردرات بدون أي مشـاكل جوا الـ ERP كانت عندي مشكله اني عايز ادخل الاوردرات دايركت من ال Source ل ال ERP ولقيت ان الموضوع هيحتاج وقت ومجهود واحنا كنا بندور على حلول سريعة بسيطة وعشـان احنا شغـالين بـ Light Funnel انا كـان عندي مشكـلة كبيرة اني أخرج الأوردرات منهم في Google Sheet وده لسـبب واحد ان الـ Order لو في Google Sheet وجي بأكتر من قطعة بيعمله على أكتر من Line وكان الحـل الصـعب ” اللي الحمدلله منفذنهوش ” اننا نعمل معادلة تسمع في شيت تالت بالـ Unique Orders كـان في حـل تاني خلانا ندور شوية وهو إننا نـدخل الأوردرات دي كـلها في WooCommerce ومنه نـقدر نسحبها على الـ ERP System ومن هنـا بدأ الحـل يلا نبدأ نـ Create الـ Store على WordPress وسطب عليه WooCommerce وابدأ أربطه بـ Light Funnel عن طـريق الـ App في Light Funnel طب الـ App ده بيعمل إيه بيطلع API ل WooCommerce بيخلي Light Funnel يبعت الـ Orders لـ WooCommerce وجربنا الـ Connection والـ Connection زي الفـل بس لقيـنا ان الـمنتجات بتدخل Text مش Products وكـان لازم هنا نبدأ نرفع الـ Products على WooCommerce وعلى Light Funnel بنفس الـ SKU عشان المنتج لما يروح Woo يبقا متعرف ويظهر بإنه منتج جـرب بقا وأعمل الـ Test بتاعك وكـدا تمام الـ Test ظبط والأوردرات بتدخل من Light Funnel لـ Woo من غيـر أي مشـاكل طب الجـزء التاني بقا فين عـايزين نودي الأوردرات دي من Woo لـ ERP ودي كـانت معـادلة سهلة بالنسبة لينا الوقت ده لأننا مظبطين الـ Module بتاع الـ Woo جوا الـ ERP System عندنا من كذا سنة فـ محصلش عليه أي تغييرات حاجات بسيطة ظهرت بس في الـ Test زي إني أعمل Update للـ Product Sync هنا وهنا بحيث الأوردرات تدخل بس و نشـغل الـ Crone job عشان مش كـل شوية هنروح نقول للسيستم أسحبلنا الأوردرات لا الأوردرات متحددلها وقت بتدخل فيه وكـدا بقا عندنا Integration كـاملة قادرة انها تدخلنا الأوردرات من Light Funnel لـ ERP System في خطـوات بسيطة طيب اللعب فين بقا ؟ لو انا دلوقتي عندي منـتج مثلا عايز أعمله Up sale لـ منتج أصلي والـمنتج ده سعره مختلف هعمله إزاي ؟ الطريقة التقليدية هتقول ارفع المنتج عادي بـ SKU جديد وخليه يدخل على السيستم بسعر مختلف ولكـن في غلطة زي دي إنت ممكن تدمر مخزون في الـ ERP System وتعمل لخبطة للـ Agent اللي قاعد بيأكد الأوردرات طب الحـل إيه بقا عشان يدخل المنتج بـ SKU الطبيعي بس بسعـر مختلف ؟ اللعبة اللي لعبناها هنا كـانت كالأتي إحنا هنعمل لـكل Upsale Offer SKU مختلف ونرفع نفس الـ SKU ده على Woo عشان يقدر انه يسحب الأوردر من Light Funnel بس هقول للـ Woo إنك لما تشوف الـ SKU المختلف ده حولي الـ SKU ده للـمنتج الأصلي وسيبلي السـعر اللي هو داخل بيه ده هيعملنا إيه بقا ؟ ده هيخلينا نشتغل على المـنتج بتاعنا بـنفس الـ SKU عادي ومش هيحصل اي مشكلة في المخزون لكـن الشخص اللي داخله الأوردر هيلاقيه بسـعر مختلف ” سعر الـ Upsale ” فـ مش هيلاقي فيها مشكلة في الاوردر ولا هيحصل مشكله في ال، ERP System طب حلو اوي يا قنديل ادينا مثال بقا عشان احنا كدا اتلخبطنا لو عندك منتج ال SKU بتاعه SKU001 وهتعمل Upsale ل نفس المنتج ده ف هتعمله SKU مختلف بسعر مختلف وليكن SKU002 وتروح للمنصة اللي هتعرف تظبط برمجتها ” WOO ” وتقولها لما يتبعتلك اوردر ال SKU بتاعه SKU002 غيري المنتج للمنتج SKU001 وخلي السعر اللي داخلك زي م هو وبكدا لما ال ERP يروح يسحب الاوردر هيلاقي 2 Lines ل نفس المنتج بس كل واحد بسعر ف هتعرف ان ده Upsale اقولك على مفاجأة بقا في Light Funnel بيديك إمكانيه انك ترفع ٢ SKU متشابهين ب اسماء واسعار مختلفة وعلى الرغم ان ده موضوع سئ الا انه كان هيسهل علينا جامد ولكن مع التجربة لقينا ان Woo لما بيسحب الاوردر بيسحبه منتج واحد وبيجمع السعرين ف دي كانت المشكله في الجزئية دي طيب انت عندك دلوقتي منتج المنتج ده ليه SKU معين موجود عندك على ال ERP عايز تدخله بس متضاف عليه قيمة الشحن للقطعة الواحدة يعني مثال المنتج ” س ” عايز تخلي القطعه ب ١٠٠ + الشحن و القطعتين والتلاته من غير شحن دي تعملها ازاي ؟ عايز اقولكم ان الموضوع ده ارهقني في التفكير عشان كل سيناريو كان ليه عامل مختلف يحكم ب فشله ولكن الحمدلله أخيرا وصلت ل حل صغير كدا احنا هنعمل منتج جديد على Light Funnel ب SKU جديد خالص ونخليه وهو داخل ال Woo يتمسك ويتقسم ل 2 Lines اول Line هو اللي فيه المنتج الأصلي ل سعره و ال Line التاني فيه منتج اسمه Shipping ومحطوطله قيمة وبيدخل الERP بنفس القيمة دي كدا بقا WOO هيشوف ال Sku ده لو لقاه قطعة واحدة هيقسمه ويضيف الشحن وبكدا يكون عندنا Full Integration بين ال Light Funnel وال ERP System بتاعنا وطبعا ال Connector هنا هو Woo ومربوط من الجهتين ب API’s هل كدا خلصنا ؟ فاضل جزء واحد بس اللي هو ال Google Sheets تدخل لل Erp System ودي كانت اسهل شوية في التفكير بس خليني أقولك مشاكلها ايه وعملناها ازاي احنا عندنا ال Leads بترمي في Google sheet عن طريق Connector زي

إزاي تكسـب ملايين من الـ E-Commerce بسم الله الرحمن الرحيم والصلاة والسلام على رسول الله في البـوست ده هنتكلم من الأول خالص عن الـ E-Commerce من البداية بحيث يكـون مرجع لأي حد عـايز يبدأ في المجـال – البداية : يعني إيه E-Commerce : الـ E-Commerce هي عمليه تجـارة بتتم عن طـريق الإنترنت البايع والشاري مش بيشوفوا بعض واللي بيربط ببعض ( صفحة سوشيال ميديا او موقع الكتروني ) طب إحنا بنروح للـ E-Commerce ليه : بنروح ليه عشـان تكاليفه أقل بـ شوية من الـ Offline وكمـان سهـل اوي انك توصل لـناس جوة وبرة البلد اللي انت قاعد فيها وتوسع تجارتك بالشكـل اللي انت حابه طب هل ده بيغني عن انك يكون عندك محـل : لأ.. وهنتكلم عليها في بوست تاني هل اي حد ممكن يبدأ في الـ E-Commerce : اه و لأ اه ممكن اي حد يبيع اونلاين بس مش اي حد يبقا عنده ( Business ) هل محتاج خبـرة عشان ابدأ : محتـاج تبقا فاهم اللي انت داخل عليه ولو لسـا في البداية متحطش البيض كله في سلة واحدة هو انا لو عندي صفحة على النت بنزل فيها صور للمحل بتاعي كدا انا عندي E-Commerce : لأ الا لو بتبيع عن طريق الصفحة دي بشـكل ما والعميل مش بيجيلك المحل هل البيزنس ده بيكسب ملايين : اه و لأ الـ E-Commerce من الصناعات الصعبة واللي فيها تحديات كل يوم فـ لو فاكر انك هتدخل تعمل من اول يوم فلوس والدنيا هتبقا حلوة ومش هيقابلك مشاكل متكملش البوست ده اصلا. – الجزء النظري : ندخل بقا في الجزء النظري ( المهم ) هو انا محتاج افهم ايه في الأساس عشـان ابدأ E-Commerce وفي الحالة دي هنـدخل في الـ E-Commerce Cycle ونعـرف اصلا احنا عندنا جواها ايه عشان نقدر يبقا عندنا الـ Fundamentals بتاعتها ونقـدر لو عينا حد في اي جزء منها اننا نتابعه ونعرف هو شغال صح ولا غلط. تعالى أشرحلك الأول هي إيه الـ E-Commerce Cycle وبعدين ندخل في أركانها الـ E-Commerce Cycle هي مجموعة العمليات المتصلة اللي بتتم جوا الـ E-Commerce Business بتاعك العمليات أو الأقسام دي بتختلف بإختلاف حجم البيزنس كـل ما البيزنس بيكبـر أكتر كـل ما بتلاقي القسـم بقا اجزاء اكتر لأن حجم الشغل بقا أكبر بس خلينا نحط الأجزاء الأساسية في الشـغل زي : – الـ Marketing : وده يعتبـر خط الدفاع الأول وهو اللي مسئول بنسبة كبـيرة عن مبيعات البيزنس بتاعك – الـ Sales : وده خط الدفاع التاني بعـد الـ Marketing والمسئول عن اتمام البيعه او زيادة حجم البيعه بالنسبة ليك – الـ Operation : ده جزء العمليات التشغيليه من وقـت تجـهيز المنتـج لـ خروجه للعميل – الـ Warehouse : جزئية المخازن ودي لـو معندكش إدارة ليها هتلاقي نفسك شغال على منتجات مش عندك في المخازن ومش قادر تحكمها – الـ Finance : وده من أهم أهم أهم الأجزاء في الشركة بتاعتك وهو اللي متحكم في انه يتابع تحصيلاتك مع شركات الشحن والفلوس اللي انت بتخرجها واللي انت بتدخلها والوضع المالي بتاعك وكل حاجة وفعليا الجزء ده لو مش موجود انت هتتعب جامد جدا جدا دي الأقسام الأساسية اللي ممكن تبدأ بيها واللي لازم تبقا عارف كل قسم الـ Daily Tasks بتاعته عامله ازاي عشان تقـدر انك تعمل Audit للشغل ده وزي ما قولتلك ان الأقسام دي مش اساسية وبتختلف بإختلاف نوع وشكل البيزنس وحجمه عامل ازاي طيب بعيدا عن الـ Daily Tasks اللي بيعمله كل قسم انت محتاج تعـرف ايه تاني جوا كل قسم عشان تـعرف تفهمه خليني هنا اديلك أمثله وعلى اساسها انت ممكن تطبق في باقي الحاجات في كل قسم من دول في حاجات أساسية هتستخدمها أول بأول يعني في الـ Marketing انت محتاج تفهم إيه الـ Platforms اللي هتشتغل عليها والأعلانات دي بتشتغل ازاي والـموقع اللي هتعمله هيتعمل ازاي وليه اصلا هتـاخد Overview بشـكل أكبر عن أي حاجة هتستخدمها في جزئية الـ Operation مثلا انت هتتعامل مع شركات شحن ف محتاج تعرف شركة الشحن بتستلم منك الأوردر ازاي وبتوصله امتى وايه المشاكل اللي في اغلب شركات الشحن وانت محتاج تاخد بالك منها طب لو انا العميل بطلعله الأوردر اول مرة مش بيرد هل اطلع الأوردر تاني ولا كدا حلوة ومش هيستلم في جزئية الـ Finance لازم تكون فاهم أساسيات ( تسـعير ) وازاي تسـعر المنتج بتاعك لو أكتر من قطعة وتحسب مصاريفك وأهمها الـ Hidden Costs اللي مش بنبقا واخدين بالنا منها وبتمص دمنا حرفيا طب كـل ده تمام انا بقا هعرف كـل ده منين : خليني أقولك ان قدامك طريقين الطريق الأول : انك تشوف فيديوهات وتقرأ مقالات عن كـل جزئية من الجزئيات دي وانا متأكد انك هتلاقي مايكفي عشان تقـدر تفهمها الطريق التاني : انك تسأل أهل الخبـرة وهما هيحطولك الـ Map اللي انت المفروض هتمشي عليها طـب يا قـنديل انا دلوقتي فهمت الـ E-Commerce وعـرفت انا مفـروض أعمل إيه ايه الخطوة الجاية ؟ الخـطوة الجاية انك تغـير الـ Mindset بتاعتك من موظف لـ صاحب بيزنس عشـان صدقني ده هيأخرك كتـير أوي أوي لو بتفتح الـ Business بتاعك ولسـا ماشي بالـ Fair Of Risk واتكلمنا عن الـموضوع ده في أخر Meeting كـنا فيه مـع الناس في رمضـان فـ مش هتكـلم فيه كتـير لكـن أوعى تنسى انك لازم تبقا فاهم Business عشان تقـدر تكبر شغلك طب لو مش فاهم الـشغل بتاعي هيكبر ولا ايه الكلام ؟ اه الشـغل فعلا هيكبر وهتلاقي نفسك بتحقق فـلوس وكل حاجة لكـن هتوصل لـ حته كدا هتلاقي نفسك اما مش معاك فلوس او عليك فلوس او مش عارف الخطوة اللي بعد كدا ايه وده هيعطلك كتير خلينا نعمل Recap كدا على الجـزء اللي فات ده كـله وبعدين نكـمل احنا اتكلمنا عن معنى الـ E-Commerce وقولنا ان اي حد ممكن يبدأ E-Commerce لكـن لازم على الأقل يكـون عنده أساسيات بالحاجات اللي هو داخل يعملها مش داخل يعملها كدا وهو مش عارف حاجة اتكلمنا عن الأقسام الأساسية اللي موجودة جوة الشركة بتاعتك وهتتعلم فيها ايه عشان تقدر انك تعبر بيها لـ بر الأمان وتعمل Audit على الناس اللي هتعينهم الجـزء اللي كـله مستنيه بقا – الجزء العملي : خلينا الأول نـعمل Setup لـ كام حاجة جوا دماغك تبقا فاهمهم وحاططهم حلقة في ودنك تتحرك بيهم في كل خطوة أول حاجة انك لو لسـا بتبدأ فـ هتحدد ( حاجة واحدة ) بس تشتغل فيها مش هتروح تشتغل في 100 منتج وراس المال اللي معاك يتفرق في ال 100 وتلاقي نفسك مش عارف هتكمل ازاي شغل