September 14, 2025

ال UTM خفايا ومزايا بسم الله الرحمن الرحيم والصلاة والسلام على رسول الله أغلب الأسئلة اللي جاتلي الفـترة اللي فاتت كـانت بتتكلم على اننا ” ازاي نقرأ الـ Data بتاعتنا “ وانا معاكم ان ده Topic مهم جدا جدا لكـن خليني أقولك انك لازم قبـل ما تعـرف انت هتحلل الـ Data إزاي تعرف في الأساس الـ Data دي جايالك منين تخـيل معايا انك شغال على 3 Platforms وبيجيلك أوردرات من الـتلاته وعـندك على كـل واحدة Campaigns كـتير و Adsets كـتير و Creatives أكتر انت هتضطر اسفا تدخل على كل Platform وتتابع كـل كـامبين وتعرف مين بيجيب أوردرات أكتر ومين مسقط أوردرات وفي الغـالب هتلاقي فـرق في عـدد الأوردرات أكيد لأن منصة زي ” سناب شات ” بتسمع الأوردر بعديها ب يوم تقريبا ده لو سمعته اصلا وهنا بقا جه دور الـ UTM الـ UTM إختصار لـ Urchin Tracking Module هي ميزة اتطورت لـ فهم سلوك العمـيل بشكـل اعمق عن طريق انها بتجمع بيانات عن كـل حاجة للـعميل ومن غـير ما ادخل في تكـوين الـ UTM في الأساس عامل ازاي وموجود في الموقع بشكل ايه خليني اقـولك الخلاصة هو بيعرفلك كل أوردر جي ليك من أي منصة وأي كامبين وأي ادسيت وأي أد وبيديك قراءات أفضل عن الحته دي وبيجمعلك الـقراءات دي في الـ Analysis Tool اللي إنت بتستخدمها أيا كانت هي ايه ” Analytics – Mix Panel – Matomo etc… “ الـ UTM هتلاقوه بيجيي دايما بعـد اللينك وبيكـون إما Dynamic أو Static أو مزيج بين الأتنين بس قـبل ما نتكلم عن أنواعه تعالى أقولك هو بيتكون من أيه في الـغالب هتلاقي الـ UTM متكـون من الأجزاء الـ 5 دول – Source – Medium – Campaign – Term – Content كـل واحدة من الحـاجات دي بتخليك تقرأ حاجة معينة وتسمع معاك في الـ Analysis Tool بشكـل مختلف فـ خلينا نقـول أول حاجة وهي الـ Source ودي بتتمثل في السؤال ده : Where did these users come from ؟ وهنا بنشوف العميل جي من أي Platform بالظـبط أو جي حتى من عن طـريق حد تاني أو لأ ودي بتفدني إني أقدر اعمل Track للـمكان اللي بيجيي منه العـميل وبيجيب كام أوردر كـ مثال لو عندي كـامبين إنفلونسر عاملها ومديهم لينك فيه Source بإسم كل انفلونسر ف ده هيعرفني كـل واحد جاب كام اوردر وكان تأثير أي إنفلونسر أفضل من التاني تاني حاجة وهي الـ Medium ودي بتتمثل في سؤال : How they got the website ؟ كـ مثال هل الـ Users جايين عن طريق إعلان cpc ولا ppc ولا Display ولا هما جايين إزاي خلينا ندي مثال بس على الأتنين دول كدا شكـل اللينك هيبقا كدا www.qandil.com?utm_source=Google&utm_medium=cpc فـ كدا اي حد هيبقا داخل على اللينك ده اوتوماتيك هيسمع عندي إن الشخـص ده داخل من Google وإن الـكامبين نوعها cpc ده أول جزء في الـ UTM انا حاسس أنه لسـا محتاج شرح كتـير فـ مش هقـدر أعمله على بـوست واحد بس سامحوني شوفوا الجـزء ده لو عندكم أي اسئلة فيه انا معاكم وهنزلكم الجزء التاني برضوا بحيث يبقا اتقسم الموضوع على إتنين ومشرحناش كل حاجة مرة واحدة تتمسوا بالخـير

المنصة المظلومة تعليميا بسم الله الرحمن الرحيم والصلاة والسلام على رسـول الله لـو قعدت دورت شوية على كـورسات في الـ Performance Marketing هتلاقي كـل الناس بتتكلم عن الـ Facebook & TikTok وقليل اوي اللي هتلاقيـه بيتكلم عن Snapchat فـ خليني أخدك كدا في رحـلة بسيطة مـع Snapchat اولا اوعى تفتكر انها منصة مختلفة او هتدخل جوة تلاقي حاجات انت مشوفتهاش قبل كدا لأ خالص , منصة Snapchat زيها زي باقي المنصـات كـ Ad manager Structure يعني هتـدخل المنصـة هتلاقي فيها Pixel, Catalogue, Ad Accounts, Metrics وكـل حاجة بتلاقيها في بـاقي الـ Platforms مفيش فيها أي اختلاف تقريبا طـيب المختلف إيه يا عـم قنديل ؟ خليني أقولك انك قبل ما تسأل ايه المختلف في الـ Platform لازم تعـرف انك انت الـ Tool مش الـ Platform يعني إنت المحـرك الأساسي وعشـان انت المحـرك الأساسي لازم تكـون فاهم الـ Logic اللي إتبنى عليه الـ Platform وإيه الحاجات اللي هتلاقيها فيها مختلفة وعشـان تفهم ده لازم يكـون عندك إحتكاك بيها ولو بشكـل بسيط عشان تعرف ايه اللي النـاس بتشوفه وإيه الأعلانات اللي بتظهر عليها وإزاي بتظهر واماكنها وغيرها.. بـعد ما تبدأ تفهم أصلا الحـاجة اللي إنت هتشتغل عليها لازم تقـرأ الـ policies والـ guidelines اللي بتوفرهم ليك الـمنصة دي وطبـعا مش هوصيـك انك تشـوف الـ Blueprint اللي برضوا بتوفره الـمنصة عندها عشان تساعد المعلنين الجداد انهم يفهموا كل حاجة فيها اول ما تبدأ تفهم الحـاجات دي إنت لوحدك هتـعرف إيه المختلف في المنصة وإيه الحاجات اللي المـفروض تركز عليها طيب ده الكـلام النظري إيه بقا الكلام العملي ؟ لازم تكون فاهم في البداية ان الكلام النظري ده لايقل أهمية عن الكـلام العملي اللي هقولهولك دلوقتي ولو إنت مش مذاكره كويس كـل الكلام اللي هقوله دلوقتي هيبقا بدون قيمة بالنسبة ليك نيجي بقا للجزء اللي انت مستنيه من بداية البوست سناب شات من المنصـات القوية جدا جدا واللي عليها منافسة شرسة في أغلب المجالات وزي ما قولتلك انها زي بـاقي المنصات كـ Structure فـ هي برضوا معتمدة على الـ Auction واللي بيصـرف أكتر بيوصل أكتر وإنت بتعمـل إعلانات Snapchat لازم يـكون عندك صبـر على النتايج ومش زي إعلانات الـ TikTok على سبيل المثال اللي هتطلعها وتلاقي النتايج جاية ليك من اول يـوم بسرعة والدنيا ماشية معاك تمام الإعلانات هتسيبها يوم والتاني وتبدأ تقيس وتحـلل النتايج بتاعتها وتعـرف انت محتاج تعـدل إيه عشان تجيب نتايج أحسن مش هتكـلم معاك على أحسن Target واحسـن Creative عشـان دي مختلفة بين كـل مجال والتاني وكـل حته وليها الشـغل بتاعها سناب شات فيه مشكلة دايما في الـ Data اللي إنت بتقرأها فـ الجزء ده اساسي تكـون معتمد فيه على Tracking System مختلف بعيد عن الـ Dashboard بتاعت Snapchat ومتـنساش الـ UTM بتاعك عشان تقـدر تعرف إيه الـ Campaign, Adset, Creative الكويسة اللي هتكمل شغل عليها ويمكـن في الجـزء ده بالذات انا بحـب أشتغل على Dynamic UTM وكـنت اتكلمت على الجزء ده في بوست تاني هتلاقيه عندي على الـ Profile وأخيرا Snapchat محتاج قلب في الـ Budget اللي إنت بتحطها وصبرك على النتايج بتاعتها وخـد بــــــالك انه بيسحب الـ Budget بسرعه جدا فـ لو مش هتـعرف تعمل Controlling عليها هتطير منك ومش هتستفيد منها بأي حاجة وقبل ما أقفل البـوست إعرفوا ان الكـلام ده قابل لأنه يكون صح أو غلط وممكن يفيدك أو لأ بس كدا

ازاي التسعير يخسرك كل فلوسك ! بسم الله الرحمن الرحيم والصلاة والسلام على رسول الله امبارح شفت كومنت على بوست قديم من ضمن البوستات اللي كنت كاتبها عن ال E-Commerce – لو عايز تشوف البوستات كلها بص ع ال Pin post عندي – وكان محتوى الكومنت كالأتي : ” السؤال الي مستغربه انا محتاج اكسب كم في كل منتج عشان اعرف اطلع تكاليفي ومكسبي مع العلم بخش اشوف ان ف نسبة ربح لا تتخطى ال 50 عموله لو بعت ف انا اصرف 2500 في اليوم عشان 50 اوردر ب 2500 الي انا دفعتهم اعلانات ياريت منشور يفهمنا ازاي نعرف نكسب بالفعل بعد الاعلانات وبعد كل التكاليف “ – خلينا بقا ناخد ال Comment ده واشرحلكم ازاي انت تقدر تكسب وتصرف وتكون حاسب ان نسبة التسليمات لو ضربت منك تكون في ال Safe Side انت لو جبت منتج ب ١٠٠ج وقررت انك تبيعه ب ٢٥٠ – ٣٠٠ ج ف انت عندك نسبه ربح في المنتج ده من ١٥٠ – ٢٠٠ج طيب انا بعد ما جربت المنتج ده وطلعتله اعلانات طلع ال Cost فيه ٥٠ج لو شيلتها من الربح اللي انت مطلعه ف انت كسبان ١٠٠ – ١٥٠ج ولكن انت بعد ما اشتغلت وسلمت اوردراتك طلعت خسران مش كسبان ! – طيب الخسارة دي جت منين ! ومن هنا بس انت لازم تفهم الفرق بين ال Gross Profit والـ Net Profit – ال Gross Profit هو ال Revenue – COGS بس يعني من الأخر انت بتبيع ب كام – المنتج اصلا ب كام فـ انت كسبان كـام – ال Net profit هو ال Revenue- ( Cogs + Operation cost ) وهو صافي الربح بتاعك بعد ما تطرح منه مصاريفك كلها وسعر المنتج وكل المصاريف التانية ف انت اوعى تكون فاكر انك هتجيب المنتج وتشوفه ب كام وتطرح منه انت صارف عليه كام او سعره كام بس لا انت هتبص على كل المتغيرات بتاعك زي ” نسبه التأكيدات – التسليمات – الكوست في الاعلانات وغيرها.. “ وقت ماتبص على الحاجات دي انت هتعرف انت لازم تكون بتكسب كام في المنتج عشان تطلع في النهاية Profitable – طيب هل انت محتاج تمشي ب نفس اللي ال Affiliate System حاططهولك ك عموله ؟ لا.. انت بتحط العمولة بتاعتك على حسب ما انت شايف مصاريفك وشغلك مش لازم تكون ماشي بنفس ال Standards اللي هما حطينها هل ده بس الكلام اللي محتاج تعرفه ؟ لا خالص… بس خليني اقولك اني كاتب بوستين عن التسعير هتلاقيهم ف ال Pin post عندي ممكن تبص عليهم هيفيدوك جدا

إزاي تعـمل 1000 أوردر في اليـوم ! بسم الله الرحمن الرحيم والصلاة والسلام على رسول الله لوهله لو بصيت على الـعنوان بتاع البـوست هتبقا فـاكر انك داخل تقرأ ازاي تعمل اعلانات والأعلانات دي تجبلك عدد أوردرات كبيـر والخ.. فكـرة ان انت تعمل عدد أوردرات كبير فكـرة مسيطرة على اي حد عنده بيزنس أو اي ميديا باير لسـا بيبدأ في المجـال. انا مش ضد انك تعمل عدد أوردرات كبيـر طبعا لكـن خليك دايما عـارف ان كل حاجة بتعملها لو مش معمول حسابها ومعـروف هتنفذها ازاي وايه اللي جي من وراها فـ اعرف انها هتخسرك كتـير اوي خليني أخدك معـاك الموضوع من البداية ونتكلم في المشاكل اللي ممكن تقابلك في سؤال عايزك تسأله لـنفسك في الأول انت عايز تعمل الـ 1000 أوردر ليه ؟! اول حاجة انك تكون عايز تعمل الـ 1000 اوردر عشان تكـبر البيزنس بتاعك وفي الحالة دي انت محتاج تبص لـأعتبارات أخرى اولها الـ Team اللي هيقدر يـ Cover حجم الأوردرات دي في يوم واحد والـ Team اللي هيتابع الأوردرات دي في الشحن وبعد التسـليم تاني حاجة انك عايز تعمل الـ 1000 اوردر عشان تبقا بتحقق أرقام كبيرة في الـ Ads وتعرف قد ايه انت شاطر وعايز أقولك ان شطارتك عمرها ما هتكون مقترنه بعدد أوردرات انت بتعمله انت ممكن تروح تعمل 100 أوردر بـ كوست 20ج و ROAS = 10 ولما تيجي تـنفذ الـ Scaling Strategy تلاقي نفسك عامل الـ 1000 أوردر بس بـ كوست 100ج و ROAS أقل من الطبيعي فـ انت كدا مكسبتش ومبقتش شاطر بالعكس انت خسرت البيزنس اللي معاك فـ هتلاقي نفسك في النهاية بعد الحاجات اللي قولتهالك دي انك محتاج تبص للموضوع بنظرة تانية هو انا اصلا ايه الـ Target بتاعي ! لو قولنا مثلا انت عندك تارجت تعمل 20 الف اوردر في الشـهر – ولو ان ده مش تارجت مظبوط – فـ هتحسبها هتلاقي نفسك محتاج تحقق في اليوم حوالي 666 اوردر كل يوم التـارجت اللي انت حاطه او محطوطلك هو محسوب عليه حاجات كتـير اوي الحاجات دي مرتبطة بكـل جزء معاك جوا الشغل الـ Finance – Sales – Marketing – Operation – Logistics فـ حطينا مثال انك جيت في يوم وقولت لأ انا مش هعمل 666 اوردر انا هعمل الـ 1000 اوردر فـ بعد م توصل لـتارجت اليوم هتحتاج تصرف فلوس اكتر فـ الناس بتوع الـ Finance هيقولولك لأ انت كدا هتبوظلنا الـ Cash Flow اللي احنا حاطينه وبتاع الـ Sales هيقولك انا مش هقدر أأكد أكتر من 600 أوردر في اليوم وهحتاج ناس تانية عشان أقدر اعمل اكتر من كدا والناس في الـ Operation هيقولولك احنا مش هنقدر نتابع أوردرات أكتر عشان احنا مقسمين الناس اللي معانا على عدد الأوردرات اللي بيجيي كل يوم وشركة الشحن هتقولك انا هأخرلك الشحن يوم ولا اتنين عشان أقدر اسلملك الحاجات كويسة وضيف على كدا مشـاكل كتير اوي هتبدأ تظهرلك الغـرض من الكـلام ده كله ان عدد الأوردرات عمره ما كان هو الهدف اللي انت عايز تحققه ودايما في هدف أكبر لازم تبص عليه وتعرف اصلا انت عايز تعمل ايه عشان توصله وأخيرا فـ الكلام ده مش بينطبق على كل النـاس وكل الكـلام اللي فوق ده بناءا على تجـارب شخصية لأكتر من بيزنس

ازاي تحـول كوست الأعلانات من 100 لـ 50 ! بسم الله الرحمن الرحيم والصلاة والسلام على رسول الله في ظـل التطوير الكبيـر اللي بيحصل كل يوم للـ Platforms اللي بنشتغل عليها في Metric مهم جدا قـادر انه يفرق بنسبة كبيـرة في مبيعاتك وهو الـ Conversion Rate او معـدل التحـويل تعالى الأول نفهم ايه هو الـ Conversion Rate ده الـ CR هو نسبة الناس اللي دخلت الموقع بتـاعك من النـاس اللي عملت الـ Action اللي إنت طالبه سواء كان انهم يملوا الـ Form او يشتروا الـمنتج او غيرها والنسبة دي بتتحسب بالمعادلة دي : مجموع التحـويلات / مجموع الزائرين *100% وهيطلعلك في الأخر نسبة مئوية النـسبة دي بتعبر عن معدل التحويل مثالا : لـو داخل ليـك 100 واحد الويب سايت و 5 منهم اللي اشتروا فـ هتقسم الـ 5/ 100 * 100% = 5% كدا يبقا الـ Conversion Rate عندك = 5% هتـبدأ الأول تبص على النسبة دي وتشوف هل هي كـويسة او لأ ومعـرفتك هي كويسة او لأ دي مرتبطة بـ حساباتك للـبيزنس بتاعك وانت في أي جـزء من الـ Funnel طيب ايه الحـاجات اللي بتأثر تأثير مبـاشر على الـ Conversion Rate 1- الـ Website Design او الـ UX في البـداية كدا خليني اقولك انك كام مرة بتدخل ويب سايت وتشتري منه وكام مرة بتدخل تشتري من ويب سايت تاني تقول لأ الويب سايت ده شكله مش Trusted ومش هشتري منه شكـل الويب سايت بتاعك بيأثر تأثير مباشر على الـ Action اللي بياخده العميل بتاعك وهل هو واثق فعلا انه يشتري من الموقع بتاعك او لأ 2- الـ Website Speed خليني اكلمك ببساطة في الحته دي واقولك ان لو في موقع كل Action بتاخده فيه بياخد وقت وعشان تتنقل بين صفحة والتانية بتزهق فـ هتلاقي نفسك بتطلع منه تلقائي ومش بتكمل عمليه الشراء لكـن لو الموقع سريع وكل حاجة معاك بتحـمل بسرعه فـ هتلاقي نفسك بتشتري بكل سلاسه 3- الـ Content Quality الـ Content بتاع الموقع بتاعك لو مش مطابق للناس اللي داخلة الموقع والصور الـ Quality بتاعتها وحش هتلاقي الـ Conversion Rate مش احسن حاجة ضيف على كدا انك لو بتسوق لـمنتج او خدمة في الخليج مثلا وانت كاتب المحتوى بالـمصري فـ هتلاقي الـ Conversion Rate أقل لأن مش كـل الناس هيعجبها الجزء ده وهتقولك ان ده مش مطابق لينا ولا لهويتنا والخ 4- الـ Mobile Responsive وكتـير مننا بيقع في الجزئية دي خصـوصا ان كل الـتعديلات اللي بنعملها بتبقا على الـ Desktop Version وبننسى الـ Mobile Version فـ تلاقي ان الخـط مش ظاهر في صفحة الموبيل كلها والصور حجمها كبير على الشاشة وغيرها فـ بالتالي ده بيقلل معاك الـ Conversion Rate في حاجات كمان بتأثر على الـ Conversion Rate زي الـ Trust and Credibility والـ Target Audiences والـ Social Proof وغيرها تخـيل بقا ان الـ Conversion Rate اللي بنتكلم عليه ده قـادر انه يحـولك كوست الأعلانات بتاعتك من 100 لـ 50 ! 50% !! اه 50% عادي

من 14 دولار لـ 5 دولار بسم الله الرحمن الرحيم والصلاة والسلام على رسول الله الـبوست ده مش طويل بس هحكيلك حكاية ممكن تغـير طريقة تفكيرك في المشـاكل في مجال الـ Performance انت دايما بتبقا واقف قـدام متغيرات كتير بتحصل كـل دقيقة وقصـاد المتغيرات دي انت لازم تكـون جاهز ومحـضر كويس عشان متقعش فيها وحتى لو وقعت تكون بسيطة متخسرش فيها كتـير كلامنا انهاردة على السـوق السعودي واحد من أكتر الأسواق ازدهارا في الـ E-Commerce ومن الأسواق اللي بحب شغلها والتحديات الموجودة فيه صحـيت الصـبح كالعادة وبفتـح الـ Ads عشان اشوف النتايج وكـانت الـمفاجأة الكبيـرة كـل الأعلانات اللي مطلعها وشغاله مستقرة بقالها اكتر من اسبوعين صـارفة ومش جـايبة نتايج والـلي جايب جايب بـ Cost عالي جدا على الـلي المفـروض يجيبه كل يوم أول فكـرة ممكن تيجي في بالك ان خلاص كدا انا هقفل الأعلانات دي كلها وابدأ اطلع جديد لليوم الجديد واشوف النتايج لكن ده مش الحل الصـح بالنسبة ليا الصح دايما بيكون اني ابص على الـنتايج كلها واسيب الحاجات الـلي نتايجها بتقول انها هتجيب مبيعات وابدأ أطلع الجديد معاه في ساعتها عشان احسن النتايج وده اللي حصـل فعلا شفت احسن كـامبينز الـ CTR فيها كويس والـ CPM معقول وحتى لو معديين الـ Avg بتاعي فـ برضوا مش في السـما وبدأت ابص على أغلب الكامبينز اللي مش جايبة نتايج خالص ولقيـت ان الـ CTR فيها أقل من الـ Avg بفرق كبير جدا وده اداني مؤشر صغير كدا اني أغير الـ Creatives بتاعتي واشوف حاجات جديدة حتى لو الحاجات الجديدة دي مش مختلفة اوي عن الـقديم او معدل عليها تعديلات بسيطة وطلعت الكامبينز الجديدة فـعلا في ساعتها وحصـل زي ما توقعت بالظبط الـ CTR كان معدي الـ Avg وده كان كويس جدا بالنسبة ليا والـ CPC اقل من العـادي وعليه انا مستنتش الكامبين تجيب نتايج لأ انا خدتها وعملتلها Duplicate عشان يبقا في أكتر كامبين مع بعـض بيجيبوا نتايج والـ Cost Over all ينزل معايا وبعديها بشـوية فعلا الـكامبينز دي بدأت تجيب نتايج أحسن بكـتير من اللي كانت شغالة بالفعل والـيوم كله ظبط معايا واتحول الـ Cost من 14 دولار لـ 5 دولار الـبوست ده مفيهوش أرقام كتيـر ولا اي حاجة مبهرة ولكـن طريقة التفكير اللي اتاخدت في انك تحسـن الكـارثة اللي كانت حاصله هي دي اللي انت لازم تفكر بيها احنا كل ساعة عندنا متغيـر بشكـل معين بيخلينا نعيد تفكـير في كل حاجة شغالين عليها فـ خلي طريقة تفكيرك انك تقلل الكارثة مش تقول هي حصلت وتقفل على كدا وتبدأ يوم جديد واخيرا لو اتعلمت اي حاجة من الـبوست ده او انا ساعدتك في اي حاجة في يوم فـ ادعيلي دعوة بضهر الغيب.

كاس اكتر بيزنس بيخسر أي Consulting Session بدخلها مـع حد لازم ابص معاه في الأول على الـ Business كـله واشوف كـل خطوة هو بيعمل فيها ايه وابدأ أحلل معاه كـل حاجة بتتعمل.. طيب بعمل كدا ليه ؟ أغلب الناس اللي بتبقا جاية محتاجة مساعدة في شغلها بتكـون مقسومه لـ جزئين 1- حد عنده مشكلة مـا ومحتاج حلها 2- حد محتاج انه يكـبر حجم الشغـل وفي الغـالب الجزئين كدا كدا هتبص معاهم على كـل حاجة في الـ Business تعالى بقا أقولك ليه ؟ لو حد دخل يكلمك عنده مشكلة في البيزنس وكانت المشكله مثلا انه عنده ناس كتـير اوي بتدخل الويب سايت بتاعه ومحدش بيشتري فـ الطبيعي انك هتدخل تشوف الـويب سايت وتشوف صفحة المنتج عامله ازاي وتقوله والله لأ دي محتاجه تعديلات بشكل معين عشان تعمل نتايج وفي الحالة دي هو هيجرب ويا تصيب يا تخيب تعالى بقا اقولك انا ليه ! الشخص اللي داخلك عنده مشكلة هو شايف المشكلة من وجهة نظرهه وطبعا هي وجهة نظر تحترم ولكن انت لازم يكون ليك نظرة تانية في الحاجة اللي انت هتدي فيها النصيحة فـ بالتالي انت هتبدأ تبص معاه على كـل حاجة وتحط أيدك على المشاكل وتحلل كـل الأرقام والمعطيات اللي قصادك عشان توصل ل حلول مناسبة ليه ممكـن يكون عنده مشكلة في التسـعير او مصاريف الشحن او الـ Creatives من الأساس مش بس هتكـون مشكلة Landing وحتى لو في مشكلة فعلا في الـ Landing وانت خدت Overview على الـ Business كـله فـ ده هيخليك لما تيجي تـ Setup حاجة جديدة فـ بتعملها من منظور حد عـارف البيزنس كله. تاني حاجة الشخص اللي عايز يكبر حجم الـ Business وفي الحـالة دي بيبقا أساسي اني اشوف كـل المعطيات عشان أقدر اقوله اه احنا نقـدر نـ Scale بالشكـل اللي انت محتاجه او لأ وده ليـه بقا ؟ برضوا لو حد داخل يقولك انا محتاج اكبر حجم الـ Business بتاعي ف في الغالب هو كل اللي باصص ليه انه محتاج يعـمل Net profit زيادة وفي الغـالب هيكون فاكر انه عشان يعمل كدا لازم يزود الـ Volume بتاع الـ Orders بتاعه ومش بيكـون حاطط في دماغه انه ممكن عند نقطة معينة لو زود عليها يبقا بيخسر مش بيكسب فـ بالتالي لو دخلت معاه وقولتله يلا نصرف فلوس ونجيب أوردرات انت فعلا هتجيب أوردرات بس هتضرب كل حاجة تانية جوا البيزنس ولكـن الموضوع بيكـون محتاج تفكير اكتر من مرة في كـل حاجة من Operation & System & logistics etc.. عشان تقدر تقول فعـلا انك هتـ Scale الـ Business ده وأخيـرا وليس أخرا انت هتبقا لـحد فترة معينة قادر انك تكـبر الشغل بتاعك وتعمل منه أرباح كويسة وبعد كدا هتقف وهتلاقي نفسك مش عارف ايه اللي يتعمل بعد كدا رجاءا لو مش عارف ايه اللي المفروض يحصل بعد كدا هات حد عـارف انت المفروض تتحـرك ازاي وخليه يشتغل معاك على الهدف ده

استشـارة صغيـرة هتـوفر عليك فلـوس كتير بسم الله الرحمن الرحيم والصلاة والسلام على رسول الله الـ Case اللي هتكلم عليها انهاردة لأتنين شباب عملت معاهم Consulting Session وكانت مشكلتهم انهم عاملين براند كويس أوي في مصـر ودخلـوا السوق السعودي جديد وبعتوا المنتجات بتاعتهم هناك على اساس ان حد اشترى منهم في السعودية وطلب منهم عدد كويس فـ كانوا فاكرين ان كدا المنتج عليه طلب وانهم جاهزين يبعتوا منتجاتهم هناك وحـدث المتوقع ان هما مقدروش يبيعوا المنتج بتاعهم هناك وصرفوا فلوس كتـير في الأعلانات بدون نتايج. وعليه بدأت أتكلم معاهم في السـوق اللي هما داخلينه بصينا على البيزنس كـله الأول من تسعـير وشحن وغيرها وبصينا مع بعض على المنـافسين وشغالين ازاي وايه الحاجات اللي ناقصاهم عشان يبدأوا يعملوا أوردرات من المنتـجات بتاعتهم وكـان الحل اللي كـنت شايفه اننا عايزين نعمل Validation للـماركت الأول ونشوف ايه الأسباب اللي خلت الأعلانات بتاعتهم تشتغل ومتجبش اي نتايج خصـوصا ان اغلب الحاجات اللي بصينا عليها مع بعض جوا البيزنس مكنش فيها مشـاكل بدأت ابص على الموقع بتاعهم الاول والـ Creatives اللي كانوا شغالين بيها وهـنا كانت النقطة الفاصله اللي حولت الشغل من انه مش بيجيب أي نتايج لأنهم يبدأوا يطلعوا أوردرات من المنتجات الموجودة في السعودية الـ Product Page – Creatives كان كل اللي فيهم ملوش أي علاقة بالهوية السعودية ولا بأي حاجة عربي وبدأوا فعلا يعدلوا الجزئية دي في الشـغل وبدأ الـ Creatives والـموقع بتاعهم يدخل عليه شوية الهوية السعودية خصـوصا ان بعد بصه سريعه على المنافسين كانوا مركزين على جزئية ان كل حاجة باللغة العربية والـ Creatives حتى لو مفيهاش طابع سعودي بالشكل الكافي لكن كان فيه Text بالعربي او Sound على الفيديو سعودي الحمدلله بعد ما طلعنا الحاجات دي والشـباب بدأت شغل الدنيا بدأت تتحرك معاهم ويطلعوا فعلا أوردرات من المنـتجات اللي عندهم والفلوس مبقتش بتتصرف على الأرض طبعا حجم الأوردرات مكنش كبير ولكـن كافي اننا نبدأ نحط عليه اساس نمشي عليه بعد كدا وعليه لما دخلنا الـ Session التانية بعد اسبوعين تقـريبا كنا قادرين نقيس فعلا النتايج ونشوف الخطوة الجاية بتاعتنا ايه على مستوى البيزنس بتاعهم عندي رؤية كبيرة للشبـاب دي واللي قادرين يعملوه الفـترة الجاية وثباتهم على انهم عايزين يبنوا براند محترم وقوي في الخليج خصوصا ان الـ Reviews اللي بتجيلهم على أوردراتهم كلها ايجابيه ماشاء الله يمكن انا مش قادر اتكلم بشكل كبير على البراند ولا نوع المنتجات ولا الاستراتيجي عشان ال Privacy لكن وعد مني لما نحقق نجاح يتشهد بيه هطلع واقول الشباب دي عملت حاجة متعملتش في الخـتام لو هتدخل سوق جديد ادرسه كويس وشوف هل هو مناسب للـبيزنس بتاعك من الأساس ولا لأ وهل الـمنتج اللي هتدخل بيه السوق ده مناسب لهوية السوق والناس اللي انت هتبعلها ولا لأ وخليك عارف ان اي Consulting Session هتدخلها هتوفر معاك وقت وفلوس كتـير

استراتيجـيات مختلفة وطريق النجاح واحـد بسم الله الرحمن الرحيم والصلاة والسلام على رسول الله النهاردة أولى بـوستات إيكوميرس بعـد التراويح والـبوست ده طـويل وأخر سطـر أهم سطـر فـ كوبـاية الشاي وطبق الكنافة بتاعك ويلا بينا في حقـيقة الأمر أنك لـو بصيت للـماركتينج كـ مجال هتلاقي ليـه مدارس كتـير وأشكال كتـير معاصرة وقديمة، وكـل المدارس والأشكال دي وإن كانت مختلفة في الإستراتيجيات إلا أنها متفقة مع بعضها في الأساس بتاع المـجال. تعـالى النهاردة ناخد جولة في المـاركتينج وليه هو من أهم الحاجات اللي لازم تذاكرها لو قررت تبدأ في أي جزء في الديجيتال أيًا كان بقا كونتنت أو ميديا بايينج أو غيرها.. قـبل 2018 كـنا دايمًا لما بنيجي نذاكر كان كل تفكيرنا أننا نذاكر ماركتينج فـ مكانش بيفرق معانا احنا بنذاكر إيه ولا ليه احنا كنا بنذاكر وخلاص.. فـ كنت تلاقي الواحـد بقا عنده معرفة عن المصطلحات بتاعت الـ Planning, 4p’s, Strategies, Consumer Behavior, Marketing Research وغيرها، دلـوقتي بقيت بتدور على أنك عايز تذاكر بس الـ Pixel والـ Tracking وتعمل Edit على الـ Videos ازاي وبس، بقى كل تركيزك على الجزء اللي أنت محتاجه عشان تشتغل بيه بس وده لغى من حياتك جزء الـماركتينج في الأساس فـ بقا أي عميـل بيجيلك هو حد هتعمل شوية إعلانات وشكرا لكـن لو فكـرت شوية هتلاقي أن الإعلانات دي جزء من الـ Plan اللي بنعملها وبيبقا ليها بـاب كبيــــر اسمه Advertising and Promotion فـ بالتالي واحدة واحدة اختفت بعض المصطلحات المهمة اللي كنا عارفينها والـ Mindset بتاعت الجـيل الجديد كـله بقت قائمة على جزء الـ Promotion ليس إلا. حتـى معظم النـاس اللي شغاله Content Writer أو غيره فـ هو فعليا ميعرفش أي حاجة في جزئية الماركتينج أو بيبص على الـ Consumer بتاعه بشـكل صح العـميل حتى مش فاهم هو عايز يعمل ايه هو معاه شوية فلوس عايز يحطهم يطلعوا شوية فلوس تانيين ومش باصص Long Term ايه اللي هيحصل ولا هيفضل يصرف لـ فين ! بس تعالوا نسيبنا من كل ده ونتكلم الأول في المصطلح ذات نفسه يعني إيه ! – ايه هو الماركتينج / التسويق : التسـويق هو عملية تحديد إحتياجات العميل بتـاعك ورغباته وتقديم سلع وخدمات مناسبة لتلبية الإحتياج ده .. نفهم من المصطلح ده إيه بقا يا قـنديل نفهم من المصطلح ده أنك لما بتبص على الـماركتينج أو التسويق أنت مش أول حاجة هتبص عليها للـ المنتج بتاعك قد إيه هو مليان مميزات وقد إيه سعره حلو وغيرها لأ, انت بتبدأ تبص على الـعميل بتاعك هو محـتاج ايه وهتخليهم يشتـروا المنتج او الخدمة بتاعتك ازاي يبقا احنا هدفنا الأساسي كدا يا قنـديل هو ” العمـيل ” ؟ بالظبط كدا ولكن اهتمامك بالعميـل مش هيخليك تنسى الأساس اللي أنت عايزه وهو أنك محتاج تحقق ربح للشركة اللي أنت بتعمل ليها الـماركتينج دي الكـلام ده مش منطبق على الـناس اللي شغالة Hit and Run أو بمعنى أصح اللي بيجيبوا كام منتج يبيعوهم ويقفلوا البيدچ بعديها وشكـرا .. لأ، الكلام ده معمول للناس اللي فعلًا حاطة العميل في دماغها وعارفاه كويس وعلى أساسه بتقدر تشوف إحتياجه وتقدمله منتج يلبي الإحتياجات دي. او من الأخر عايزة تبني Brand محترم. يجي بقى للغلطات اللي بيقع فيها اي حد بيبدأ يذاكر – وأولها أنك تكـون مش عـارف ” الأصل “ أي كتاب لما تيجي تقرأه بيشغل دماغك حاجتين ” العنـوان الرئيسي – العناوين الفرعيه “ لـو مش عارف العنوان الرئيسي بيتكلم عن إيه ولا العناوين الفرعية بتحكي في إيه هتلاقي نفسـك مش فاهم الكتاب كله وهو ده جزء معرفة ” الأصل ” وفيه أنك تكـون فاهم المجال بوجهه عام وإيه الأقسام اللي جواه وكـل فرع بيتكلم عن إيه ومتاخدش أي مصطلح من غير ما ترجع لأصله ” الأكاديمي ” وخد بالك هيقابلك مصطلحات مش بتترجم بجوجل فـلو معرفتهاش اسأل فيها. – تاني غلطة بتقع فيها أنك مش عـارف هتوقف أمتى كـ مثال أنت لو فضـلت تذاكر ماركتينج طول حياتك عمرك ما هتخلصه ولا عمرك هتجيب أخره ولكـن الشطارة هنا هي أنك تعرف الآتي : تذاكر ليه ؟ تذاكر إيه ؟ لو عرفت تجاوب على السؤالين دول ف هتعرف أنت مفروض توقف امتى أو تذاكر لحد فين يعني لو اتكلمنا على أغلب الشغلانات ف هتلاقيها أساسي فيها ” المنتج – العميل “ ولو ذاكرت الجزئين دول جوا الماركتينج هتغير في كل طريقة تفكيرك في شغلك على الأقل سواء كنت بتكتب أو بتعمل إعلانات فـ أنت عارف انت بتعمل كدا لمين ولو اتكلمنا على جزء الـ Planning – Strategy وغيرها ف هتلاقي نفسك بدأت تعرف الفروقات بينهم وأمتى تعمل كل واحدة وبتكون مهمة امتى وبتتعمل ازاي فـبالتالي مش هتروح تسأل السؤال اللي كلنا سألناه ” محدش معاه تمبليت لـماركتنج بلان حلوة ؟ “ وإن كنت سألت السؤال ده قبل كدا دي حاجة متقلش منك خالص ولا تبين أنك مش فاهم لكن بس محتاج إيه المقصود بالمصطلح عشان تعرف تتكلم عنه. خلاص كدا الفكرة وصلت ؟ تعالى بقا أقولك تذاكر منين طبعًا أنت مستني دلوقتي تشوف لينكات لـ قنوات يوتيوب، كتب، وغيرها.. وأنا مش هزعلك وهتلاقي لينك كتاب حلو واصلك على الأيميل مع نزول البوست ده واتمنى تقرأه متحطوش ف ال Reading List وتنساه لكن خليني أقولك انهاردة على الطريقة اللي تقدر تذاكر بيها واللي أنا اتعلمتها وفرقت معايا زي ما قولتلكم إجابة سؤال تذاكر ليه وإيه دي أول حاجة تبدأ تفكر فيها وعليه هتبدأ تفتح جوجل تشوف المقالات والحاجات اللي بتتكلم عن الموضوع ده بس المرة دي مش هنفتح جوجل العادي، لأ هنفتح – Google scholar – هتيجي تسألني إيه هو ده ؟ هقولك دي إضافة من ضمن إضافات محرك البحث جوجل بتجيبلك المقالات الأكاديمية في كل حاجة بتدور عليها، وهتلاقي كمان ملفات Pdf حلوة اوي هتفيدك وتسهل عليك معرفة المعلومة. ولما تعطل في مصطلح متروحش تترجمه في جوجل لأ، روح على جوجل وقوله المصطلح ده معناه إيه جوا المجال ده، وصدقني الاجابه هتفرق معاك اوي. يبقـا ملخصا لكـل الـكلام اللي قولناه فوق ده إننا دلوقتي بقا قدامنا Resources كتـير بس لما بنيجي ندور احنا المفـروض نعمـل ايه فـ 100% لازم نرجع للبداية لازم نعرف اننا جوا ترس كبـير بنأدي منه دور مهم الصـورة الكبيرة مكـتوب فيها Marketing وطالع منها أجزاء صغـيرة احنا جزء من الحاجات الصغيرة دي فـ نركز على الصـورة الكبيرة نعـرف فيها ايه وإحنا كدا كدا قدامنا الصـورة الصغيرة وأخيرًا وليس آخرًا اللهم لك الفضل والحمد على ما علمتني وسبحانك اللهم وبحمدك، أشهد أن لا إله إلا أنت، أستغفرك وأتوب إليك