September 14, 2025

الـدروب شيببنج والربح السـريع بسم الله الرحمن الرحيم والصلاة والسلام على رسول الله بعد اول تراويح انهاردة اول بوست في سلسلة E-Commerce بعد التراويح مع انتشار الـ E-Commerce بشكل كبير في العالم والوطن العربي بشكل خاص شوفنا ناس بدأت تتكلم عن انك ازاي تكسب فلوس بسرعه من التجارة الإلكترونية وازاي دي حاجة تخليك تعمل ملايين وتلاقي فيديوز وصور بتتكلم على ” المنتج ده بيتباع على امازون بـ 100 دولار وعلى على اكسربيس ب 10 دولار “ وانت فجأة تسمع موسيقى اغنية القناص في الخلفية وتبدأ قد لمعت عينااااه وتبص على ان اللي بيبع المنتج ده بيكسب فيه 90 دولار وقد ايه المبلغ ده كبير واللي بيقدم المحتوى بالشكل ده كل اللي بيكون باصصله انه يبنيلك قد ايه الموضوع سهل ومفيش فيه اي مشاكل فيه وهيخليك تكسب فلوس كتير في دقايق ومن غير مشاكل تعالى بقا اعرفك المجال اللي هما بيكلموك عنه في الفيديوهات دي واديك كلمتين في السريع فيه عنه. بس قبل اي حاجة لازم تبقا عارف ان مفيش حاجة اسمها ” ربح سريع ” ” فلوس من غير مشاكل ” “فلوس من غير مصاريف “ تعالى بقا ندخل في الموضوع على طول ايه هو الـ Drop Shipping الـ Drop shipping نوع من الـ E-Commerce Business Models بيعتمد على طريقة بيع منتجات بدون ما يكون عندك المـخزون العملية دي بيكون فيها 3 اطراف ” المورد – المسوق – العميل “ المورد : هو الشخص اللي عنده المنتج وهو اللي بيقوم بشحن المنتج كمان للعميل المسوق او الدروب شيبير : هو الشخص اللي بيبيع المنتج او بيقوم بكل العمليات عدا عمليه الشحن والتخزين دي لأن اللي بيقوم بيها المورد العميل : هو الشخص اللي بيستلم المنتج وبيدفع فلوسه في الطريقة العادية للـ E-Commerce انت بيكون عندك المنتج في المخازن بتاعتك وبتقوم بعمليه التخزين والشحن من مخازنك لكن في الـ DropShipping كل حاجة بتتم من عند المورد الـ Dropshiiping بيحتاج رأس مال متوسط ف محدش يقنعك انك محتاج راس مال صغير عشان تبدأ تشتغل فيه لأن المصاريف المخفية اكبر بكتير من المصاريف اللي ظاهرة قدامك خليني بقا اجبلك الموضوع من البداية لو هتبدأ DropShipping دلوقتي محتاج ايه ؟ اول حاجة محتاج تدور على المنتج بتاعك ومش بس المنتج بتاعك لأ انت لازم الأول تختار المجال اللي هتشتغل فيه في البداية سواء ادوات منزلية او ادوات مطبخ او حتى لعب اطفال المهم انك تكون عارف المجال اللي هتشتغل فيه في الأول والحته دي هنتكلم فيها بإستفاضة الأيام الجاية بعد كدا هتبدأ تدور على البلد اللي هتشتغل فيها وتشوف المورد اللي هتشتغل معاه في المنتج ده بيشحن للبلد دي ولا لأ وهل هو اصلا بيوفر خدمة الـ DropShipping ولا لأ برضوا في Tip كمان في أخر البوست هتفيدك في الحته دي هتخلص الجزئية دي وتدخل في انك تظبط الـ Website بتاعك وفي الوقت ده انت هتبقا واقف قدام اختيارات كتير وحاجات انت مش فاهمها لو انت لسا بتبدي زي اختار الدومين ازاي والأستضافة اختار ايه وكل القصص دي وكالعادة لو معندكش خبرة يا اما تسأل يا اما تذاكر بس هو الموضوع مفيهوش لعب كتير طول م انت لسا في الأول ممكن تبدأ بالبسيط خالص وهنتكلم برضوا في الحته دي في البوستات الجاية وبعدين تبدأ تختار المنصة بتاعتك اللي هتعمل عليها اعلانات وتختار الـ Creatives وتجهز الـ Budget والخ… وخد بالك اختيارك للمنصة اللي بتعمل عليها اعلانات دي مهمة جدا وبتفرق مع كل بلد بتشتغل فيها شايف بقا كل الحاجات اللي انا قولتهالك فوق دي ده جزء صغير لا يمثل 20% من حجم الصناعة ذات نفسها او الحاجات اللي انت مفروض تعملها فـ انت متسمعش من الناس اللي بتقولك ان الموضوع سهل وانك هتجيب المنتج بـ دولار تبيعه ب 100 دولار وكل القصص دي عشان هي لو كانت سهلة كانت كله عملها من زمان بس كل اللي اقدر اقولهولك انك لو عندك خبرة كويسة في الـ E-Commerce و بتعرف تاخد Risk وبتذاكر كتير فـ الـ DropShipping هيديك خبرة كبيرة جدا في المجال وكمان هيبقا مصدر دخل اضافي كويس تقدر تعتمد عليه بالنسبة بقا عن المواضيع اللي قولناها في البوست ده زي اختيار المنتج والأستضافات وغيرها ف دي هتكون مواضيعنا الفترة الجاية ان شاء الله في Tip اخيرة حابب اقولهالك ممكن تفيدك : انك لو عاجبك منتج وعــايز تشتريه من الصـين ويتشحن على مخازن ” مش بتاعتك ” ويتخزن ويطلع منه اوردرات كمان للدولة اللي انت عايزها والتاجر اللي انت مكلمه مش موفرلك الخدمة دي ف فيه شركات بتقدم الخدمات دي مقابل نسبة من المنتج ف دي هتوفر عليك كتير اوي خصوصا لو عندك Winner Product وانت حابب تشتغل عليه في دولة معينة

الدروب شيبينج والأفيليت ماركتينج بسم الله الرحمن الرحيم والصلاة والسلام على رسول الله هنكمل كلامنا في سلسلة E-Commerce بعد التراويح انهاردة كلامنا هيبقا عن الشغلتين اللي كل الناس فكراهم واحد وهما مش واحد ” الدروب شيبينج والأفيليت ماركتينج “ جهز كباية العرقسوس وتعالى بقا نرغي مع بعض كتير هنا. الدروب شيبينج والأفيليت ماركتينج من اشهر نماذج الربح على الأنترنت الموجودة حاليا واللي أغلب الناس بتنصح بيها كـ مصدر دخل فرعي. وسواء كنت عارف او لأ ف هما بيمثلوا دلوقتي مصادر دخل اساسية ل ناس كتير . لكــن السؤال المحوري هنا… اشتغل دروب شيبينج ولا اشتغل افيليت ماركتينج ؟ الأجابة هنا : أقرأ البوست كويس جدا وهتلاقي ملخص في الأخر بيقولك تعمل ايه الدروب شيبينج احنا شرحناه بإستفاضة في البوست اللي فات فـ ممكن ترجعله هتعرف كل حاجة محتاجها الدروبشيبينج هو بيع منتج عن طريق طرف تالت وشحنه للعميل بدون ما يكون ليك انت دخل في عمليه الشحن والتخزين ولكـــن انت بتكون دافع تمن المنتج اللي الطرف التالت ده بيشحنه فـ انت دلوقتي مالك للمنتج بس الأستوك مش عندك ومش انت اللي بتقوم بالشحن وغيره التسويق بالعموله او الأفيليت ماركتينج ف هو نموذج بيع ل خدمة او منتج للغير وتحصيل عموله متفق عليها من الشخص صاحب المنتج او صاحب الخدمة يعني الأختلاف الجوهري هنا انك في الدروب شيبينج بتشتري منتج من مورد اما في الأفيليت ف انت مش بتشتري المنتج ولكن بتسوق ليه وبتاخد انت عموله بس على البيع ف انت مش خسران تمن المنتج ولا مغامر بأي حاجة غير بالفلوس اللي بتدفعها للتسويق – طب هل يا قنديل كدا ده معناه اني اشتغل في الأفيليت ومشتغلش في الدروب شيبينج عشان الأفيليت اسهل ؟ – الأجابة هنا : لأ مش ده القصد خالص لو بصيت من نظرة تانية هتلاقي ان في حاجات كتير مختلفة اولها وحاجات هتعجبك في الدروب شيبينج ومش هتعجبك في الأفيليت وحاجات هتناسبك اكتر من حاجات ” الربح “ الدروب شيبينج ربحه بيختلف كتير عن الـأفيليت لأنك بتتحكم في سعر المنتج زي ما انت عايز وكمان بيكون عندك قابليه انك تشوف اكتر من تاجر وتفاصل معاهم في اكتر من سعر وتاخد السعر اللي يعجبك اما في ” اغلب ” منصات الأفيليت انت بيكون محطوط ليك عمولة محددة مينفعش تاخد اكتر منها وفي نفس الوقت مينفعش تبيع بسعر اعلى وتكسب اكتر وده خد بالك هتلاقيها بتطبق اكتر على الخدمات اكتر من المنتجات يعني هتلاقي في خدمات سعرها ثابت مش هتعرف تعدل فيه لأن ده سعر بيع الخدمة وعمولتك عليها محدده اما في اغلب المنتجات بتكون العمولة مش ثابته متغيره حسب سعر بيعك للمنتج طيب تاني حاجة هي ” المنافسة “ خلينا نقول ان المنافسه مؤثر قوي في الصناعة دي يعني في الدروب شيبينج انت لو لقيت منتج كويس وعرفت تخليه Winner ويطلع معاك بشكل كويس ومحدش غيرك شغال فيه هتعرف تتحكم في كل حاجة واولها سعر البيع ضيف على كدا انك طول ما المنافسة قليلة طول ما الأعلانات اللي انت بتعملها الـ Cost بتاعها قليل يعني بتدفع قليل وبيجيلك كتير في اغلب الأفيليت بتكون المنافسة عالية جدا سواء في المنتجات او التسعير او اي حاجة لأن مش بيكون شغال شخص واحد بيكون شغال الاف الأشخاص على نفس المنتج منهم اللي بيكون فاهم واللي بيكون مش فاهم في Tip هنا صغيرة اللي هيتعبك هنا هو اللي مش فاهم مش اللي فاهم لأن اللي مش فاهم بيبوظ عليك المنافسه وبيحط سعر قليل جدا وهو مش واعي ده هيكسبه او هيخسره وكمان مش بيهتم بالعـميل بتاعه وبتبقا بالنسبة ليه سبوبة وهتخلص وشكرا فـ انت لو هتشتغل في الأفيليت ركز على منتجات مش كل الناس بتعرف تشتغل عليها ومش مشهورة كتير عشان تشتغل براحتك اخر حاجة ” الميزانية “ ودي لو مركز من اول البوست هتعرف انها مختلفة في الأفيليت والدروب شيبينج لأنك لو شغال افيليت وبتصرف جنيه هتصرف في الدروب شيبينج 10ج وده لأسباب كتير اوي هنناقشها بإذن الله في البوستات الجاية عشان البوست ده ميطولش اكتر من كدا الملخص من كل الكلام اللي مكتوب فوق ده ان سواء شغال افيليت او دروب شيبينج ف لازم تكون فاهم E-Commerce وعارف كل الحاجات اللي ممكن تستفيد بيها وايه اللي يمشي معاك انت مش ايه اللي كويس وخلاص

ازاي تخسر 1000 دولار في يوم واحد بسم الله الرحمن الرحيم والصلاة والسلام على رسول الله هنكمل كلامنا في سلسلة E-Commerce بعد التراويح كلامنا لسا مستمر عن الـ Drop Shipping – Affiliate Marketing وكـالعادة جهز كوباية العرقسوس وتعالى انهاردة هنتكلم عن ازاي تخسر 1000 دولار في يوم ” البوست ده هيكون الجزء الأول لأن الكلام هيكون فيه كتير وهنحتاج نرغي في جزء تاني “ دايما واحنا داخلين اي سوق كتير احنا بنعمل Market Research كويس وبنبص أول حاجة على المنتجات اللي هنشتغل عليها وهل الدولة اللي هنشتغل فيها بيكون سهل اننا ندخل فيها المنتجات دي ولا هتعملنا مشاكل وهنا كانت البداية اننا نعرف هنشتغل على منتجات ايه.. Product Research جزء الـ Research ده على قد ما هو مهم على قد ما انك لما بتاخد فيه خبرة بيبقا اسهل مما تتخيل وبتدخل على طول تشوف المنتجات اللي هتنفع في السوق من غير ما تمر بكل الخطوات اللي هقولهالك تحت دي وامشي معايا الخطوات دي بالترتيب وهتلاقي الموضوع اسهل مما تتخيل لازم تعرف انت هتبيع ل مين ” Target Audience ” وتعرف سنهم قد ايه واهتماماتهم ايه وفي الحته دي احنا بنرسم Customer Avatar كـامل عشان نعرف هل المنتج اللي هنجيبه هيناسب العميل اللي احنا مطلعينه ولا لأ طيب انا لسا مش عندي المنتج هل المفروض ارسم Customer Avatar ؟ ده بالظبط نفس السؤال ” البيضة الأول ولا الفرخة ؟ ” يعني ببساطة انت لو عندك المنتج فـ حضرتك هتفصل عليه Customer وده بيبقا الجزء الصعب وممكن تشوف الأول الـ Customer واهتماماته وكل حاجة عنه وتشوف هل المنـتج اللي انت بتقدمه هيناسبه اصلا ولا لأ ولو هتقدر تتحكم في الـ Production بتاع المنتج ف تقدر تصنعه باللي هيناسب عميلك بندور في Amazon Best Seller – Google Trends عشان نعرف اكتر المنتجات اللي بتتباع الفترة دي واللي الناس مهتمة بيها في السوق ده ونبدأ ي اما نشوف نفس المنتجات يا نشوف منتجات شبهها وده بيكون أسهل جزء لأنك كل اللي بتعمله ” Google Sheet ” تبدأ تلم فيه المنتجات دي وشوية تفاصيل عنها عشان تساعدك تشتغل قولولي في الكومنتات لو عايزين الشيت ده ابعتهولكم.. بنبص على منتجات المنافسين ويمكن دي اهم خطوة لأنك لو مش عارف الناس اللي حواليك ولا عارف هما بيبيعوا ايه ولـمين اعرف انك هتفضل متأخر عنهم لأنك ببساطة هتعيد اختراع العجلة وهما اصلا خلاص اخترعوها قبلك طب ايه الأدوات اللي تخليني ابص على المنافسين ؟ بص ي سيدي في ادوات كتير جدا ممكن تساعدك في الجزئية دي ولكن انا من الجيل اللي بيحب يدور على كل حاجة مانيوال فـ انا لسا بدور في الـ Ad library بتاعت كل Platform عادي واوقات بستعمل شوية Tools تسهل عليا الدنيا او لو معايا حد لسا جديد مش عارف يوصل ل حاجة في الـ Ad Library ف بنستخدم حاجة زي Big Spy – niche scraper او اي حاجة من الـ Tools دي لازم تبص على المنتج بتاعك وهل هو كويس ولا لأ واراء الناس فيه ايه احنا اتفقنا دلوقتي اننا هندور على نفس المنتج او نفس الـ Categories بتاع المنتجات الـ Best Seller او المنتجات اللي عند المنافسين فـ هنلاقي أكيد Comments بتتكلم عن المنتج هل هو فعلا كويس او لأ ومنها هنقدر نحدد هل هينفع نشتغل على المنتج ده من الأساس ولا هيعملنا صداع وهنشوفلنا منتج تاني ؟ Pricing وده تاني حاجة بصينا عليها بعد جزئية المنتج انت خلاص لقيت المنتج بتاعك وقررت تشتريه…. دورك بقا تفتكر هتسعره ازاي ؟ ودي من اهم الجزئيات اللي موجودة هنا لأنك لو مظبط الجزئية دي انت هيحصلك نفس اللي حصلي كدا و ” هتخسر ” كل فلوسك عادي وانت مش حاسس انا اتكلمت في الجزئية دي كتير اوي عندي على البروفايل وهتكلم عليها في الـ Zoom يوم التـلات ان شاء الله الـ Product Test وهي دي بقا اللي هتخسرك الـ 1000 دولار اللي انا بتكلم عنهم فوق طبعا انت اول ما بتسمع كلمة Test بيجيي قدامك شكل الـ Dashboard وأرقام رايحة جاية و Abo Campaigns بس انا بالنسبة ليا الـ Ads دي جزء من الـ Test كله لأن الـ Test الحقيقي بيكون في الحاجات دي 1- نسبة التأكيدات : هل نسبة التأكيدات للمنتج اللي انت شغال عليه دي كويسة ولا لأ طب ايه الأسباب اللي رفعت نسبة الـ Cancel 2- نسبة التسليمات : هل بعد ما الأوردرات اتأكدت وصلت فعلا للعميل ولا العميل معجبوش المنتج ورجعه طب لو رجعه ايه اسباب انه رجعه طب لو استلمه هل هو رأيه في الـ Product ده ايه كويس ولا وحش ؟ 3- النسبة الكلية : تخيل بعد م تحسب كل ده انت لازم تعرف النسبة كاملة على بعضها كام وهل هي مكسباك ولا مخسراك لا وضيف على كدا كمان انك لازم تكـون عارف هل الـ Ads Cost اللي انت جبتها كانت كويسة ولا خسرتك فلوس

25% زيادة في المبيعـات من متغير واحد. بسم الله الرحمن الرحيم والصلاة والسلام على رسول الله هنكمل كلامنا في سلسلة E-Commerce بعد التراويح . إنهاردة البـوست شوية Performance لـ محبين الجزئية دي جهز كباية الشاي بتاعتك وركز معـايا كويس جدا في الشوية اللي جايين دول سواء كنت بتتفق مع Client او شـغال لـحسابك فـ اول حاجة بتبقا عايز تبص عليها هي الـ Qualifcation للـ Customers اللي بيدخلولك – طب الكلام ده معناه ايه ؟ الكـلام ده معناه انك مش كل الناس اللي بتدخل تشتري منك شبه بعض وبيختلفوا بإختلاف الـ Target والـ Campaign Objective وحتى الـ Creative ده هيأثر على مبيعاتي ازاي بقا ! عـايزك تمشي معايا في الـ Case اللي هحكيهالك تحت دي بكـل تفاصيلها.. لو انت من النـاس اللي بتحب تشتغل Messages وهي دي بالنسبة ليك الـ Campaign Objective الوحيدة فـ انت لازم تكون عارف انت بيجيلك رسايل قد ايه وجنب الـرسايل اللي بتجيلك دي انت بتقفل منها كـام مبيعة. بعد ما توصل ل نسبـة معينة من الرسـايل وتبقا واقف عندها مش قـادر تـ Scale بعدد أوردرات أكبر مع ان المنتج بتاعك انت عارف ان كـل الـتحليلات بتاعته بتقولك انه ممكن تـ Scale بيه عادي لكـن انت مش عـارف تتحرك من الحته دي اول حاجة بتيجي في بالك انا هغير الـ Target وبعد ما تغيره هتبقا قدام حالتين دلوقتي 1- الناس اللي بقت بتدخل بقت مهتمة أكتر بالمنتج بتاعي وبتشتري أفضل 2- الموضوع مفرقش حاجة بالعكس ده الناس اللي بتدخل بقت مش بتشتري وهنـا العـامل اللي إتغير في نفس الـ Campaign Objective هو الـ Target وانت بتكون بتغامر هنا يا اما هتشتغل يا اما لأ انت وحظك يعني ملحوظة : لو الكـامبين شغالة وانت عايز تسـكيل سيب الكامبين في حالها وروح اشتغل على كـامبين تانية. بس تعالى المرة دي منغيرش الـ Target ما تيجي نغيـر الـ Campaign Objective كله… هتسيب الـ Campaigns بتاعتك شغالة زي ما هي وهتروح تعمل كامبين جديدة Lead وتحط نفس الـ Creative ونفس كل حاجة انت عاملها في الـ Messages وهيبقا الزيادة هنا هي الـ Lead Form بس والشكـل بتاعها وسيب الكـامبين يوم او يومين بالكتير مش أكتر من كدا… وأوعى تفرح ! يعني أيه أوعى تفرح دي بقا انت بعد ما تعمل Lead Campaign احتمال كبير جدا تلاقي النتايج بتاعتها كويسة والـ Cost حلو فـ تقول بس هي دي اللي انا هكمل عليها بس انا عايزك تصبر عشان ده ممكن يخسرك كل حاجة روح اعمل كامبين Conversion وسيبها 3 أيام وليه 3 أيام عشان تاخد راحتها وتلم Data وأوعى تزعل ! يعني أيه أوعى تزعل بعد ما تعمل الـ Conversion احتمال كبير متلاقيش نتايج او تلاقي 2-3 Purchase وده طبيعي جدا في الـ Conversion فـ انت متبقاش متضايق على الفلوس اللي صرفتها عشان الـ Test ده هيبينلك حاجات كتير جدا مش واخد بالك منها تعالى أقولك هتستفيد بيه أيه عـايزك تاخد من كـل Objective على الأقل 10 Orders وتتـابع الحاجات اللي جاية دي – نسب تأكيدات – نسب تسليمات – المرتجعات و المشاكل اللي عـايز أقولهولك انك بين كـل Campaign Objective هتلاقي \ حاجات مختلفة كتير جدا يعني مثالا : هتلاقي نسب التأكيدات في الـ Messages أكتر من الـ Conversion هتلاقي نسب التسليمات أفضل في الـ Conversion عن الـ Lead وطبعا ده بإختلاف : نوع المنتج – سعره – الفئة المستهدفة والخ.. وتقعد تعمل معادلاتك بالشكل التالي : 1- انا جايب الـ Cost Per Order كـام في كـل Objective 2- بعد التسليمات والتأكيدات الـ Cost بقا كـام ؟ هيظهرلك هنا الحقيقة اللي انت مش واخد بالك منها انك مثالا الـ Cost بعد التسليمات والتأكيدات وكل ده في الـكامبين الـ Lead أحسن بكـتير من الـ Messages هنشرح أكتر برضوا لو انت جايب Cost للـ Lead = 10 L.E وبعد التسليمات لقيت ان الـ Over all Cost = 20 L.E وجيت بصيت على الـ Messages Campaign لقيت الـ Cost = 5 L.E بس Over All Cost بعد التسليمات = 25 L.E فـ انت زيادة عليك 5L.E في الـ Main Objective اصلا بتاعك أقعد بقا أعمل حساباتك بالمعادلات دي وهتطلع إيه الـ Campaign Objective اللي هتنفع أكتر بالنسبة ليك وتشتغل عليها ولو في Objective بيشتغل بشـكل مش احسن حاجة ولكن بيجيب عدد أوردرات متبطلش شغل عليه خليك شغال عليه زي ما هو بحيث لو في اي يوم وقع منك Campaign تبقا عـارف ان في حاجة تانية قادرة تسند معاك مش هتعطل خالص Tip : خد بالك ان الـ Objective كـمان بتأثر على الـ Basket Size بتاع العميل بتاعك يعني هو ممكن يشتري قطعة في الـ Lead ويشتري منك 5 قطع في الـ Messages وانت وشطارتك وفي الختام لو استفدتوا حاجة من البوست ده او خلاكم تفكروا بشكل او بأخر من نظرة تانية ف قولولي في الـ Comments وكمان لو عايزين اي موضوع تفهموه او نتكلم عنه ف قولولي نتكلم فيه تتمسوا بالخير

مـن Cost 5$ و ROAS = 3 لـ Cost 1.8$ و ROAS = 11 دي كــانت نتيجة التجربة اللي جربتها على منتج عندنا في ” بـاب رزق “ المنتج ” سـاعة ديكور للمكتب والمنزل “ الـ AOV = 25$ الـتحدي : نقلل الـ Cost ونزود معـاه الـ Confirmation Rate Platform : TikTok بدأت التجربة بإني أعمل Optimization للـ Campaigns اللي كانت موجودة بالـفعل وشغالة على المنتج وأعرف المشـكلة فين وكـانت المشكلة كالأتي : – السن اللي بيعمل عملية الشراء من 13 لـ 17 – الـ Peak Time كـان من السـاعة 8 لـ 12 وباقي اليـوم مفيهوش Orders – Cost = 5$ – الـ CTR = 0.8 فكـرت أشتغل بـ Low Cost bid Strategy و Stack Strategy كنت حابب أعمل Test للـ Bid Strategy الأول وأطلع منـها بـ نتايج أقدر أسكـيل بيها على المنتج وأجيب الـ Low Cost الأول : عـدلت الـ Head Lines بتـاعت الـ Creatives كـلها بإستخدام الـ AI عـن طريق اني خليته يديني الـ Pain Points للـ Product اللي شغال عليه وبعدها خليته يديني 5 Head lines مختلفين ينفعوا لـ TikTok ads وفي نفس الـوقت يلعبوا على الـ Purchase بتاعت العـميل تاني حاجة : خدت الـ Creatives والـ Head lines حطيتها في Dynamic Creative Campaign بحيـث الـ Campaigns تاخد الحـرية في انها تطلع الـ Best Ad حسـب الـ Auction اللي هتقع فيه تالت حاجة : ظبطت 4 Bid Strategies مختلفين من أول .60$ لـ 2 $ وحطيت 100$ Budget بحيث أشوف أحسن Cost أقدر أوصله عامل ازاي الـفكـرة هنا مكنتـش بس في الـ Setup بتاعت الـ Campaign بس ولكن كـانت في الـ Optimization بتاعها أول يوم وتاني يوم النتـايج كـانت مش أفضل حاجة بس كـنت شغـال على إني أطلع بـ Data تقدر تخليني أطلع أحسن Cost وأطلع بـ حاجات تنفعني في الـ Scaling وجه الـيوم التالت وكانت اللعبة هنا طلعلي من الـ Campaign اللي فوق دي شوية حاجات – أحسن Creative – أحسن Headline – أحسن Peak Time وطلعـت بـ الـ Best practice اللي أقدر أعمل بيها الـ Campaigns الجديدة طلعت 2 Different Variant Campaign الأولى خدت الـ Bid Strategies وظبطتها على الـ Creatives والـ Headlines الكويسين اللي طلعوا من أول Test التانية جربت Stack ad sets Strategy وطلع فيها 4 Ad sets كـل واحدة بـ Stack مختلف في الـ 2 Strategies ظبطت فيهم الـ Age من 18 بحيث أعرف أطلع الفئة الصغيرة اللي كـانت مبوظة الـ Confirmation Rate وفي أول يوم مكنـتش مستني النتايج تبقا أحسن حاجة ولكن تـاني يوم الدنيا بدأت تبقا كويسة والنتايج بقت منطقية وقدرت أوصل لـ النتيجة اللي قولتهالكم في أول سطرين الـلعبة بتاعتنا موقفتش هنا ولكن بعد 5 أيام كـان جه عدد أوردرات أقدر بيه أني احدد نسبة التأكيدات والتسليمات فـ بعد 3 أيام الـكـامبين وقفت وبدأنا في جزئية تانية وهي أننا نتابع من نحية الـ Operation المنتج ده عامل معانا ايه وتسليماته كويسة او لأ والحمدلله النتيجة كـانت كويسة ونسبة التأكيدات فرقت معانا بنسبة 100% تقريبا الـموضوع يبـان ليك بسيط بس فعليا التحول اللي حصـل في الـمنتج وتأكيداته كـان بالنسبة للـبيزنس كبير جدا خصـوصا ان الشغل كـان على Stock كبير مش قليل الـ Ads لـعبة ولازم تعرف تلعب معاها إزاي وكـل ما تعدي Level هتلاقي الـ Level اللي بعده أصعب بكتـير لو وصلت لـ هنا وإستفدت أي حاجة فـ متنساش تدعيلي دعوة بضهر الغيب وأخيرا وليس اخرا فـ البوست ده بناءا على التجربة ومش أكتر من كدا

ليـه سينابون ! كـ واحد من عشـاق المكـان ده فـ جه في دماغي أخش اعرف هو سر المكـان ده !؟ ليه متعلق بيه بالشـكل ده وبحب دايما ارشحه لأي حد عايز يقعد في مكان هادي ويفطر فطار محترم ويبقا مبسوط وهو دافع فلوس كتير اوي دخـلت عملت سيرش على Cinnabon Marketing Strategy – ولكـن وقع قدامي مقالة مهمة جدا حللت المكـان ده من أول ما طلع بالـ Product وبما اني بحب الجزئية دي برضوا فـ شدتني أني أقرأ ازاي قدروا يتميزوا ويطورا الـ Product بتاعهم عشان يوصل انه يغير عادة معينة عند شعب كامل خليني أقولك ان Cinnabon لما بدأ يحقق نجاح كبير جدا في أمريكا بدأ هيئة التغذية تقول للناس ان ده هيضرهم وان ده مثال لكل خطأ عشان مليان دهون وسعرات حرارية وعلى الرغم من كـل ده الأمريكيين متأثروش بالمـوضوع ده ووصلت مبيعات Cinnabon لـ 60 مليون رول سنويا والمـوضوع مكنش قالق الإدارة لأن المبيعات عندهم مش بتقل بالعكس ده محافظة على ثباتها – وتيجي هنا بقا الحته اللي الـ Curve بتاع Cinnabon على بيها عند الأمريكيين لما طلع سنة 97 بمنتج جديد عبارة عن ميني بون بسمنة أقل وجبن كريمي من غير دهون ونزل نسبة الدهون من 30-50 % عن الـ Minibon العادي وخد بالك هما كانوا متعودين أصلا على أنهم يلعبوا في المنتج عشان يناسب السوق على قد ما يقدروا وده حصل منهم أول ما بدأوا كـانوا عاملين إستراتيجية جديدة عشان يبيعوا أكتر في الأماكن اللي مش بيبيعوا فيها كتير فـ بدأ يعمل الـ Minibon لأن النـاس كانت معتقدة ان الـ Classic حجمه كبير ومش هيقدروا ياكلوا ده خصوصا ان Cinnabon كـان جي يغيرلهم العادات اللي هما متعودين عليها فـ الموضوع كان صعب جدا في كـام حاجة نطلع بيها بقا من البوست ده 1- سر النجاح هو الإستمرارية والتميـز والـنضافة يعني انا معتقدش روحت سينابون مرة ولقيت ان الحاجات كلها مش طازة او حسيت ان طعمها مختلف عن مكان للتاني كل الأماكن نفس الشكل وكلها نفس الطعم فـ دي حاجات تخليه ينجح وهو مستريح جزئية انك تحافظ على تميزك ونضافه المنتج او الخدمة اللي بتقدمها دي بتكبر منك بشكـل كبير اوي وبتخلي الـعملاء مرتاحين وواصلين لدرجة انك مش هتحتاج تعمل اي دعاية هما هيقوموا بالواجب 2- تركيزك برضوا على تطوير منتجك عشان يناسب الـسوق اللي شغال فيه والأسواق اللي هيدخل فيها بعد كدا شئ اساسي ولو مش بتعمله ف اعرف ان انت المنتج بتاعك هيموت مفيش طريق تاني ملحوظه : في كمان شوية فيديوهات اتفرجت عليها كانوا بيتكلموا عن ريحة المكان وازاي هما بيقدروا يخلوك تعرفه من الريحة سواء كنت في مول او جنب المكان بتاعه… هسيبلكم لينك الفيديو في Comment وفي الختـام لو البوست ده أفادكم بأي حاجة فـ إدعولي دعوة بضهر الغيب تتمسوا بالخير

يا هندسة الكامبين جايبه 1000 مسدج ومش جايبة ولا أوردر وانا مش عـارف المشكلة فين !؟ بسم الله الرحمن الرحيم والصلاة والسلام على رسول الله الـبوست ده هنتكلم عن المشكلة الأكثر شيوعا في عـالم الـ Performance بس قبل ما نتكلم عن المشـكلة تعالوا نشوف الأول هي بتحصل ليه ! انت جايلك Client بييع منتج أو خدمة ما فـ حضرتك بتبدأ بـ جزء الـ Planning وفيها بنحدد الـ Objective اللي هنشتغل بيه عشان نبيع المنتج او الخدمة دي فـ حضرتك رسيت على إنك هتشتغل Messages وبدأت تعمـل الـ Campaigns بتاعتك وتجهز الـ Creatives, ad sets وكل حاجة وطلعت أول كـامبين وجالك الـ Cost per message كـويس في الحالة دي انت بتبدأ تـ Scale عشان تجيب رسـايل أكتر فـ تدخل أوردرات أكتر وبيقع منك أهم جزء هو انا اصلا الـ Real Cost per order في الـ Messages كـام ؟! قبل ما تبدأ تـ Scale بـ Messages Campaign لازم تبقا مجهز وحاسب كويس كـل حاجة طب ايه اللي هبدأ أجهزه واعمله صح ؟ فـريق الـ Moderation ده هيكـون الـعامل الأساسي عندك في العمليه لأنك من غيـره مش هتعرف تعمل مبيعات من الأساس هتبقا النـاس بتدخل تتكلم وتسأل عن الأسعار ومحدش عارف يقفل معاهم البيع وفي الحـالة دي هتلاقي نفسك بتصرف كـتير جدا ومفيش أي نتايج واضحة لازم يكون محطوط ليهم Scenario واضح وفاهمين في الـ Handling objection عشـان يطلعوا بأكبر عدد أوردرات من أقل رسـايل الـ Messages Quality لازم تبقا شـايف شكـل الناس اللي بتدخل تتكلم على الـ Page عامل ازاي وهل هما بيدخلوا فعلا يسألوا عن السـعر بس وبيمشوا ولا بيكملوا الرسايل وبيقفوا عند نقطة معينة وميردوش الـ Real Cost per order وده هتحسبه Daily أو على حسـب البيزنس اللي شغال عليه.. هتشوف كـل يوم إنت صرفت فـلوس قد ايه وجالك كـام أوردر والـ Cost per order كـام بالظبط ووقتها هتعرف تطلع نسبة تانية اللي هي عدد الرسايل : عدد الأوردرات وتعرف كام رسالة بتجيبلك كـام أوردر الـ Orders Analysis and Tracking ودي هنعملها بـ Google data Studio وفي الـغالب ان شاء الله هعمل Session كـاملة نشرح فيها الجزئية دي فـ متنساش تسيب إيميلك في Comment عشان يتبعتلك الـ Invitation وأخر حاجة هي الـ Ads وهنا بقا إنت بتبدأ تحـلل الـ Ads بتاعتك كلها وتـعرف الـ Content اللي إنت إستخدمته اصلا بيـ Hit the pain point ولا لأ والتفـاعل عامل ازاي وهل ده الشـكل الأصح للأعلان ولا في حاجة ممكن تجيـب نتايج أحسن Tip : الـ CTA بتعمل عامل مهم جدا في النتـايج ف انت لو مش حاططها بشـكل يلفت إنتباه العمـيل ويخليه ياخد الـ Action فعلا دور إزاي تعمل كدا صح وفي الخـتام ده بوست إنهاردة فـ لو إستفدت أي حاجة إدعيلي دعوة بضهر الغيب

الـ Pixel Code كـما لم تسمعه من قـبل  – اي حد بيدخل يتعلم ازاي يعمل Conversion ads بيقف قـدام الـ Pixel ويقول الا هو ايه ده ؟ خليني انا اشرحلك ايه هو الـ Pixel بشـكل بسيط اويالـ Pixel ده هو الحاجة اللي بتقرأ الداتا اللي في المـوقعالداتا دي أي حد بيدخل الموقع ويعمل أي Action والداتا دي بتروح جوا الـ Platform اللي انت واخد كود الـبيكسل بتاعها فـ كدا احنا عندنا 3 أطراف” الموقع – البيكسل – البلاتفورم “ – المــوقع بيدخل عليه الـعملاء ويعملوا Actions أيا كان نوعه-والبيكسل بيحفظ العملاء اللي بتخش وايه الـ Action اللي بياخدوهوبيظهرها جوة الـ Platform اللي انت واخد الـ Pixel بتاعها طيـب لـو قولنا اننا حطـينا Code مثلا لـ TikTok ads و Code لـ Facebook ads بس أنا مشغل Facebook ads بسيبقا الـ Pixel بتاع TikTok مش هيقرأ داتا ؟! الأجابة : لأ الـ TikTok Pixel هيقرأ داتا عادي جدا للـ Users اللي دخـلوا وعملوا Actions يبقـا أحنا هنا فصلـنا العلاقة بين الـ Ads والـ Pixel وعـرفنا ان مش لازم تبقا الـ Ads شغالة على نفس الـ Platform عشان يقرأ الداتا دي —————————————————نيجي بقا للجزء المهم  طيب انت عندك طرق كتـير تربط بيها الـ Pixel بالموقع بتاعكهقول منهم تلات طرق والطـريقة التالته هي الأسهل   أولهم الطـريقة الـ Manual ودي انت بتاخد الـ Code بتاع الـ Pixel وتحطه في الـ Head بتاع الموقع بتاعك وتبدأ تـظبط الـ Events عشان تخليها تقرأ الحاجة اللي انت عايزهاوالطريقة دي – بالنسبة ليا – من أرخم الطرق اللي ممكن تربط بيها البيكسل ولكن هي موجودة والناس شغالة بيها طب رخمة ليه ؟عشان هتاخد منك وقت طويل في إنك تقعد تـ Setup كـل Event لوحدها وتعرف كل Variable كمـان ولـــــــــــــكن خد بالك انك لازم تعرفها وتتعلمها عشان لو اتزنقت في أي وقت ومحتاج تـ Create دي مخصوص هتضطر تعملها  الطريقة التانية هي انك تربط الـموقع كله بـ GTMو GTM عامل زي الـ Connector أول الوصلة بين الموقع واي حاجة عايز تربطها تاني طب فايدته ايه ؟ ده هيسهل عليك انك تقعد ترمي في أكواد أكواد جوة الموقع وهيبقا اللي موجود الـكود بس بتاع GTM وبيتحط بقا جواه كل حاجة لو عايز تربط 20 بيكسل هتربطهم ب كود واحد بدل م تحط 20 كود في الموقع ومش عارف ممكن يـ Reflect أزاي وكمـان ممكن تطلع منه Custom data انت عايزها وليه إستخدامات كتير لو انت حد بيحب يقرأ داتا وعايز تشوف حاجات كتير  الطريقة التالتة والأسهلهي ان كـل المواقع دلوقتي بقت بتدعم انك تحط بس رقم البيكسل بتاعك عليها وهي بتقرأ كل الداتا لوحدها وبتسمع الـ Events اللي انت محتاجهاوقصدي بالمواقع دي زي ” يوكان – سلة – إيزي اوردر والخ… “ وبرضوا لو عندك موقع Shopify او WordPress فـ بقا موجود Plugins جـاهزة تقدر أنها تربطلك الـ Pixel وتسمعلك الـ Events العادية اللي انت ممكن تشتغل بيها من غير ما تقعد تحرق فيها جاز وتشتغل كتير  وبس يا سيدي خش أعمل Setup للـ Pixel بتاعك بالطريقة اللي تحبها واللي مناسبة للبيزنس بتاعكوأشتغل ومش هيواجهك اي مشاكل ان شاء الله ولو عندكم أي اسئلة ممكن تكتبوها في الـ Comments أو تدخلـوا تسألوا على طول على الـ Discord وانا هـرد عليكم إن شاء الله على طول لو حاسين ان الموضوع محتاج اننا ندخل فيه Meeting برضوا قولولي ندخل نشرح الموضوع ده كله ولو إستفتدوا بأي حاجة من الـبوست ده أدعولي دعوة بصلاح الحال مش عايز غير كدا

الـ Optimization كمـا لم تسمع عنه من قبل بسم الله الرحمن الرحيم والصلاة والسلام على رسول الله واحدة من الأسئلة اللي بتتكرر عندي في الرسايل والـ Comments كل يوم هي : هو أحنا ازاي نحلل نتايج الأعلان بتاعنا ؟ وفي الحقيقة انا كنت دايما مش بجاوب على السؤال ده لأني متأكد اني مش هقول اجابة كافية. وكمان لأنه ملوش إجابة ثابته تقدر تمسكها او تقول ان دي الإجابة الصح المـوضوع كله متوقف على رؤيتك وفهمك للمـوضوع وهل انت فعلا مدرك انت مفروض تعمل ايه عشان توصل للنتايج ولا لأ. ———————————– طيـب خلينا نجيـب الموضوع من الأول وهخليك تشوفه لأول مرة من زاوية مختلفة. أول حاجة : إنت دلوقتي قبل ما تفكر تذاكر الـ Metrics وتعرف هي حلوة ولا وحشة لازم تبص على كل المتغيرات اللي قصادك المتغيرات دي زي ايه ؟ – الـ Platform – الـ Objective – الـ Product – الـ Creative Type – والخ.. طب انا ليه هبص على المتغيـرات دي يا قنديل ؟ هتبص على المتغيرات دي عشـــان تعرف ايه الـ Metrics في الأساس اللي المفروض تقرأها وأزاي هتقرأها كـ مثال لـو انا شغال على Facebook هلاقي Metrics أكتر من TikTok بـ شويتين تلاته وهيفيدني أكتر سواء بقا كـ Breakdowns او Attribution او غيره طب مثال تاني لو انا شغال في Lead Campaign على TikTok فـ انا معنديش حاجة أقرأها زي الـ Conversion تقولي العميل ده دخل وصل ل فين في المـوقع ولا شاف ايه ولا أي Metric اعرف اتحرك عليها بس ممـكن أبص على حاجات تانية زي الـ CR و الـ CPM وغيرها.. فـ انك تبص الأول على الـمتغيرات اللي عنـدك وتعـرف على اساسها انت هتقيس ايه ده شئ مهم جدا وهو ده اللي هيساعدك فعلا تقرأ النتايج بتاعتك صح الحاجة التانية : خلينا نقـول انك شغال على Platform وصـارف فيها مبالغ كويسة وجـايب أوردرات برضوا حلوة بس انت ناقصك حاجة واحدة إنت مش عـارف النتايج دي كويسة ولا وحشة ومش عـارف تحكم على الـ Campaign ازاي هنا بقا يا صديقي هندخل بالحاجة التانية اللي انت المفروض تكون عاملها وهي انك تكون مطلع Average للأرقام بتاعتك كـــلها يعني انت عندك Average ل CPP و CPM و CPC والخ والحاجات دي إنت قادر تحطها وتقيس عليها كـل الـ Campaigns اللي إنت بتطلعها بعد كدا وعلى اساسها انت هتعرف انت ماشي صح ولا غلط والـكامبينز اللي انت عاملها دي توقفها ولا تسيبها شغالة فـ هتتحرك من مرحلة انك مش عارف أصلا النتايج دي كـويسة ولا لأ لـ جزء تاني بيقولك انك مفروض تتحرك على أساس النتايج اللي إنت جايبها قبل كدا اصلا ودافع فيها فلوس ————————————————————————– دول تقريبا ملخص بسيط للـجزء بتاع أقرأ نتايج الكـامبين ازاي وفي الجزء ده أنا مركز على الـ Mindset بتاعتك مش عـلى الـ Technical part لأن الجزء ده أهم من الـ Technical بكـتير ملحوظة : خد بالك ان كـل مجــال بيختلف عن التـاني في الـ Metrics بتاعته وقرايتك إنت ليها فـ لو شغال في مجال زي الـ Educational هيبقا كل حاجة مختلفة فيه عن الـ E-Commerce مثـلا ومتبصش في نتـايج حد وتقول اصل ده شغـال في نفس مجالي وجايب أرقام أحسن بص على نتايج نفسك وبس وطورها وشوف هل هي مكسباك او مخسراك ————————————

ال UTM خفايا ومزايا الجزء التاني بسم الله الرحمن الرحيم والصلاة والسلام على رسول الله إتكلمنا في الأول عن ايه هو الـ UTM وإزاي بنستخدمه وإن فيه منه نوعين Dynamic و Static وبدأنا نشرح في أجزاءه الـ 5 اللي هي : – Source – Medium – Campaign – Term – Content شرحنا الـ Source والـ Medium وإنهاردة هنكمـل الـ 3 أجزاء البـاقيين تالت حاجة معانا في الـ UTM هي الـ Campaign ودي بتتمثل في نـوع الـ Campaign اللي عاملها وبيجيي منـها Traffic فـ لو مثلا عـامل كـامبين لـ Influencers وكـامبينز تانية شغالة على الـ Platforms عادي فـ انت هنا هتعـمل إسم الـكامبين في الـ UTM = Influencers مثلا أو تسميها بإسم الإنفلونسر اللي إنت عامل الـكامبين معاه وبكدا هتعرف جه منها Traffic و Leads قد ايه ومثـال تاني لو عملت E-Mail Campaign فـ هتحط في نـوع الـ Campaign هنا ان دي E-Mail Campaign وإسمها رابع حاجة معانا هي الـ Term ودي من أهم الحـاجات اللي ممكن تستخدمها عشـان تعـرف الـ Keywords اللي جابت ليك نتايج لـو إنت شغال في جـوجل مثلا ولو إنت شغال على الـ Social Media Platforms هتقدر تعرف الـ Target اللي إنت حاطه اللي جه منه الـ Traffic أخر حاجة هي الـ Content ودي في جـوجل بنقيس بيها الـ Headline اللي الـعميل داس عليه وجابلنا Clicks وفي الـ Social Platforms بنعرف بيها الـ Creative الـكويس اللي جاب نتايج خلينا ندي مثـال بقا على الـ 3 دول وأقولك أنهم بيبقا شكلهم كالأتي www.qandil.com?utm_source=google&utm_medium=cpc&utm_campaign=Display&utm_term=marketingadv&utm_content=whatisutm في المثـال ده هتلاقي الـ Link اللي قصـادك بيعمل Tracking لـ ناس داخله من جوجل على cpc campaign ونوع الكـامبين Display والـ adset فيها Keyword=marketingadv والـ Headline = What is utm وبكدا انا هـكون عـارف ان اي Traffic جي من الـ Campaign دي فيه كـل الحاجات اللي فوق دي طب يا قنديل انا مش هقعد أعمل لـكل Campaign كدا لأن في حاجات عندي Dynamic وعندي أكتر من keyword وليله هقولك هنا هيججي دور الـ Dynamic UTM وده بيختلف من Platform للتانية وعشـان اسهل عليك الدنيـا هحطلك في الـ Comments لينك موقع بتقدر تحط عليه كـل المدخلات بتاعتك سواء Static أو Dynamic وهو بيعملك اللينك بتاعك اللي هتستخدمه وبـكد نكـون خلصنا الـ UTM شرح تقـريبا ولو في اي حاجة مش مفهومة قولولي في الـ Comments أشرحهالكم وقبل ما أقفل البـوست إعرفوا ان الكـلام ده قابل لأنه يكون صح أو غلط وممكن يفيدك أو لأ بس كدا