اسم الكاتب: admin

الحاجز ده كان اني مقدرش اعمل فوق الـ 100 أوردر في اليوم وقد ايه الموضوع ده صعب. والحقيقة كان اللي كاسرلي الحاجز ده واحد من اشطر الناس اللي قابلتها في حياتي وبعيدا عن شغلنا مع بعض هو واخوه بقا اكتر من اخوات بالنسبة ليا فكرة انك يكـون جواك معتقد ب حاجة معينة والمعتقد ده بتغيره ل حاجة تانية فكرة مش سهله نهائي يعني ايه ابقا فاكر ان ده الـ Limit وميطلعش كدا ! يطلع ان ده بس البداية…! الحقيقة دي انا وصلتلها بعد فترة كبيرة من الشغل… مفيش ليميت ! مفيش اعذار ! مفيش صعب ! كل حاجة انت قادر تعملها لو اتوفر عندك المقومات انك تعملها… كل حاجة صعبة انت شايفها هي مش صعبه لأ دماغك اللي مهيئة ليك انها صعبة وتكاد تكون مستحيله لو بتجيب انهاردة 10 أوردرات فـ ده مش الـ Limit لو بتجيب حتى 10 الاف اوردر ف ده مش الـ Limit لأن هي ملهاش… انت قادر تشتغل وتبيع وتحقق خلاص دوس وكمل لو جبت اوردرات بعدد البشر اللي على الكوكب مش هتبقا وصلت للـ Limit برضوا الـ Limit ده جواك انت بتوصله وانت بتقول انا مش هقدر ازود عن كدا انا اخري كدا مش هقدر اعمل ده لأ أفتكر من كام شهر كان معايا ميديا باير لسـا بيقول يا هادي في الشغل معايا وانا بقوله يلا زود ودوس وهو يقولي لأ حلوة كدا واحدة واحدة اتكسر عنده الحاجز ده وبقا بيجيب عدد اوردرات كبير ماشاء الله في اليوم كل ده بس عشان اتكسر جواه الحاجة اللي مخوفاه والقلق راح لما لقى حد في ضهره هو لقى حد في ضهره وانا مش هكدب عليكم واقولكم اني جامد لأن كان في اتنين في ضهري في اي حاجة برضوا ومش بيقولولي لأ على اي حاجة في الدنيا كسر الحواجز اللي في دماغك واعرف انها ملهاش أخر.. الأخر اخر معرفتك.. مش أخر الدنيا. بس السؤال دلوقتي… تفتكر لو مفيش Limit هتبقا عايز توصل لـ فين ؟؟

بسم الله الرحمن الرحيم والصلاة والسلام على رسول الله انهاردة ومع تطور العالم كل يوم بشكل كبير بقا كل النـاس بتفكر ازاي تبقا شغالة في وظيفة معينة لكـن اللي مبصوش ليه انك كنت زمان شغال الوظيفة دي بس لكـن دلوقتي لازم تزود على مهارتك دي شوية حاجات عشان تقدر تبقا احسن وتلاقي شغل افضل وكلامي انهاردة رايح للـ Media Buyers او الـ Performance Marketers او زي ما تكون عايز تسميهم قول عادي التسميه لوحدها مش فارقة اللي فـارق دلوقتي هو انا المفروض فعلا ابقا ايه ؟ عزيزي القارئ لو كنت جيت من 5 سنين كنت هقولك اه انت لازم تبقا بتعرف تعمل اعلانات كويس وبتعرف تعمل ريتارجتيج والخ الخ لكـن مع التطور اللي حصل في 2025 للأتمته ودور الـ Advantage+ والـ Performance Max خليني أقولك ان الدور بتاعك دلوقتي بقا بيتطلب مهارات ابداعية عالية جدا واللي بنطلق عليها الـ Creative Strategy النجاح حاليا في جزء الـ Performance بقا 50% منه مهارات تقنيه و50% ذكاء ابداعي وعاطفي مع التركيز طبعا على جزء الـ Growth طيب هو انا لازم ابقا ميديا باير وايه !؟ 1- ميديا باير وكريتيف ستراتيجز 2- ميديا باير ومتخصص CRO 3- ميديا باير ومتخصص Analysis 4- ميديا باير ( عادي ) طب هل هما دول بس الحاجات اللي انا المفروض ابقا فيها ميديا باير وحاجة – لأ اللي بقوله هنا على سبيل الذكر وليس الحصر ولو عايز تحصر الموضوع ممكن تروح تدور اكتر طيب هو انا اصلا عشان اكون Media Buyer لازم يكون معايا شهادة !؟ – لأ برضوا حاليا الخبرة العمليه في السوق اهم من كل الشهادات ( ده مش معناه ان الشهادات مش مهمة ) لكن لما تدخل Interview دلوقتي هتتسأل في ايه ؟ هتتسأل مثالا – ازاي بتتعامل مع الأعلانات – ازاي بتحلل الحملات بتاعتك – ازاي بتدير البيانات – بتذاكر منين – وغيرها من الأسئلة لكن محدش هيقولك انت مخدتش الشهادة الفلانية ليه… ولو بيهمك الشهادات اوي فـ سهله Udemy بتدي شهادات Coursera بتدي شهادات Hubspot بتدي شهادات Facebook Blueprint بتدي شهادات برضوا العبرة هنا زي ما قولتلك مش في عدد الشهادات اللي انت واخدها قد ما هي في قد ايه انت فاهم الشغل اللي انت داخله طبعا ازود عليك في المهارات الـ Soft Skills بتاعك يعني انا هبقا ميديا باير وحاجة وكمان يبقا عندي Soft Skills ! – اه لازم يبقا عندك كل ده عشان تقدر تنافس في سوق العمل ( بنفسك ) سوق العمل اصبح دلوقتي صعب والصعوبة بتاعته معدتش في ان الناس تبقا عارفه كام معلومة لأ بقا اصحاب البيزنس مستنين الجوكر اللي مقطع الدنيا اللي هيدخل يجيب البيزنس ويخليه يكسب ملايين في اول شهر فـ انت لو مش فاهم السوق بشكل كافي وعارف هتنافس فيه ازاي انسا اي كلام من اللي انا قولته ده طب يا قنديل انا اتعلمت خلاص وعايز خبرة… والشركات مش عايزة تنزلي اخد خبرة لأنهم عايزين حد عنده خبرة يشتغل – مش هخليك تلف كتير في الـ Loop دي وهقولك اني واحد من الناس اللي بدأت شغل بأي حاجة واي حاجة دي حرفيا من اول كوبونات ( سوق دوت كوم ) اللي كنت بجرب عليها الأعلانات وبجرب عليها ازاي اعمل محتوى حلو وتصميمات جميله تبيع والفري لانسينج وموقع خمسات اللي خد من طاقتي ووقتي كتير والتدريب في اماكن صغيرة ومن غير فلوس كل ده عشان حاجة واحدة…. ابني Portfolio حتى لو مفيهوش مليون عميل ولا في Case Studies بمليارات لكـن كان فيه معافره وشغل فعلا وتعب… واظهر خبرتك لو فاهم… طول ما انت فاهم وشايف حد محتاج مساعده قوله عليها وهيجيلك حد يقولك انا حاسس انك فاهم م تيجي نشتغل مع بعض لأن السوق فعلا محتاج ناس فاهمه ويمكن دول اقل ناس بنلاقيها. الكام نصيحة دول بقا من جوا قلبي هختم بيه البوست عشان مطولش عليكم خليك شخص بسيط… مش لازم تقول انك اجمد واحد في الدنيا عشان مفيش حد فينا جامد اكتب كلام حلو بيجيلك من أراء الناس على خبرتك وشغلك ولما شغفك يقل ارجع بص للكلام ده ( هتحتاجه والله اوي طول الرحلة ) ذاكر كل يوم ولو 10 دقايق… مبقولكش ذاكر ساعتين تلاته لأ ذاكر 10 دقايق بس كل يوم وشوف دماغك هيجيلها افكار عامله ازاي ابني علاقات ابني علاقات ابني علاقات شارك نجاحاتك من غير تفاخر وافرح لما تلاقي حد ناجح متقولش ده كتير عليه حاول تبقا زيه واحسن منه كمان ساعد الناس ساعد الناس ساعد الناس وكالعادة تتمسوا بالخير شكرا

انا كنت زيك على فكرة وحاسس اني بحارب لوحدي… لسا بادئ في المجال وكل اللي بسمعه في الكـورسات حاجات كتير انا مش بستخدمها لدرجة اني كنت عامل Bookmarks في الـمتصفح بتاعي وفيه Tools كتير جدا حتى وقتنا هذا مستخدمتش نصها ده ليه بقا ؟ عشان انت بتعرف الـ Tools ومش عارف استخدامها ازاي… لكـن انت في ايدك كنز لو قدرت تتعامل معاه صح هيبقا عندك ميزة تنافسيه كبيرة في السوق طيب هو انا فعلا ممكن استخدم الـ Tools دي إزاي ! خليني أقولك انك هتقدر تعرف استخدامها لما تفكر في شغلك بطريقة صح… انت مش لازم تستخدم كل الأدوات… كل اللي محتاجه تعرف تعمل ” تكـامل ” بين الأدوات اللي بتستخدمها عشان تخلق ” نظام ” انت ماشي عليه تركز على ادوات محددة تخدمك في شغلك تعالى نرتب الموضوع مع بعض 1- نرتب الأولويات : مش كل الأدوات هتنفعك لو عندك 50 أداة عارفهم مش لازم تستخدمهم مرة واحدة ركز على الأدوات اللي هتساعدك تحل المشاكل اللي قصادك مثالا : لو مش عارف جمهورك بيتفاعل ازاي مع الأعلانات بتاعتك فـ هتبدأ بـ Microsoft Clarity وده هيبينلك الجمهور بيتفاعل ازاي جوا صفحة المنتج بتاعك… 2- تعلم بالتجربة : الأدوات مش هتديلك نتايج سحرية لو استخدمتها وخلاص لازم تجرب وتعدل فـ لو حاطط مثلا Heatmap على Landing Page وشوفت الناس مش بيوصلوا لزرار الـ CTA فـ هتبدأ تدور ازاي تخليهم يوصلوا فـ وقتها انت محتاج تبص على Landing تانية لـ منافسين عشان تبقا عارف تعمل ايه ووقتها انت هتروح لأدوات Spying زي Pipiads – Foreplay عشان تبص على المنافسين وبيعملوا ايه يبقا انت كدا استخدمت اداتين أداة للـ Heatmap واداة تانية للـ Spying 3- استغل الـ AI : أدوات الـ Ai حاليا كتير جدا ومش معمولين بس عشان تكتبلك كوبيز لا دي ممكن تساعدك في الـ Analysis وتفكر معاك في الـ Funnels بتاعتك وتعملك كمان Creatives جديدة سواء صور او فيديوهات 4- خليك System Builder مش Tool Collector : الأدوات هنا مش هي البطل الحقيقي النظام اللي بتبنيه هو البطل الحقيقي لو كل مرة بدأت من الصفر يبقى انت ماشي عشوائي لكن لو عندك خطوات واضحة بتمشي عليها حتى لو كانت بسيطة فـ انت كدا بتبني System الخلاصة من كلامي ده كله ان الـ Tools كتير جدا لكـن استخدامك ليها صح هو اللي يخليك فعلا عندك ميزة تنافسيه وبس كدا

يفيد بايه مفتاح العربيه مع حد مبيعرفش يسوق بسم الله الرحمن الرحيم والصلاه والسلام على رسول الله اللهم افتح علينا فتوح العارفين، وعلّمنا ما ينفعنا، وانفعنا بما علّمتنا، وزدنا علماً مشكلة الـ MediaBuyers الفترة دي او يمكن بقالها فترة طويلة انهم دايما بيكونوا فاكرين الموضوع سهل… ايه يعني هنروح نجيب منتج ونشتغل عليه ونجيب حد يرد ع المسدجات ونعمل موقع ونبيع ونعمل فلوس كتير! في الحقيقة انت هتعمل.. بس مش فلوس هتعمل خيبة كبيرة. من السهل اوي ان اي حد يقول انا هفتح بيزنس الصبح ما انا كدا كدا معايا كل حاجة وكل حاجة سهله هي مش سهله ولا حاجة والناس اللي انت شغال معاها مش عاملينها بالساهل ولا جت معاهم بالحظ وهنا انا مش جي اقولك اعمل دراسة للسوق الأول وافهم الجمهور وكل الكلام ده… انا جي أتكلم عن ظاهره بعيشها واشوفها كل يوم خصوصا في مجال زي مجال الملابس… لكلام والفيديوهات اللي زي ” افتح البراند بتاعك بـ 5000ج “ ” ابدأ دلوقتي من غير فلوس “ هو اللي خلى الناس تفكر ان ايه ده ما هي سهلة ويلا نعملها وقتها انت كل اللي بتفكر فيه الأتي : هجيب منتج بـ 150ج هبيع المنتج بـ 350ج كدا يبقا انا كسبان 200ج كوست الأعلانات بتاعي بعد التسليمات 100ج يبقا انا كدا عندي صافي ربح 100ج هسلم بقا 1000 اوردر ويكون معايا كدا 100 الف ج اخر الشهر ربح الحسبه حلوة صح ؟ أغرتك ؟ ده كدا كدا لكـن عارف اللي انت مش حاسبه هو ايه! هي لما هي سهله كدا الناس كلها معملتهاش ليه ؟ خليني أقولك سببين السبب الأول : ان مش كل الناس عندها الخبرة او المعرفة اللي تخليها تعمل كدا السبب التاني : انها حسبتها عمرها ما كانت انت كسبت كام بس! لكن انت صرفت ايه؟ وضحيت بأيه عشان تعمل كدا! اقولك حاجة كمان على هامش الكلام لو انت ميديا باير وشاطر اوي وعايز تعمل كل حاجة بيرفكت هتروح فعلا تعملها كدا ومش هتلاقي مبيعات وهتحبط ومش هتكمل. انت معملتش مبيعات ليه؟ مش عشان انت مش شاطر او عشان انت وحش بس عشان انت قصاد نفسك عملت كل حاجة وبصيت قولت ايه ده هي صعبة كدا ؟ طب ما انا شغلي اسهل وبعمل فلوس اكتر من كل المواضيع اللي انا بعملها دي هتبقا عامل زي اللي معاه المفتاح والعربية بس هو متعلمش سواقة! ما انت لو كنت بتعرف تسوق كان زمانك دورت العربية ومشيت.. لكـن انت اصلا كل اللي معاه العربية.. الخبرة مش معاك! التجربة مش معاك! وخد بقا النصيحة مني… انت بتعمل كل ده عشان بس اتخلل جواك احساس الطمع! في شعره صغيرة بين الطمع والطموح… الطموح هو الرغبة في التطور والنمو وتحقيق الأهداف الطموح مبني على العمل والصبر والتخطيط دايما طموحك تبقى عايز تكبر من غير ما تأذي حد او تاخد حق مش حقك الطموح في رضا نسبي حتى لو نفسك في اكتر اما الطمع فـ هو انك عايز كل حاجة لـنفسك حتى لو على حساب غيرك ممكن يكون انانية او استعجال للنتايج بأي طريقة الطماع عمره ما بيشبع حتى لو حقق كتير الطموح دايما بيسعى للنجاح اما الطماع بيسعى للسيطرة فـ لو انت فعلا نويت ك ميديا باير انك تكبر وتعمل البيزنس بتاعك اسأل نفسك دلوقتي هل انت جاهز تتعلم قبل ما تكب ؟ هل مستعد تغلط وتتعب وتخسر وتقوم تاني ؟ هل انت فعلا طموح ولا طماع مستعجل ؟ لأن السهل مش اللي بيكسب اللي بيكسب هو اللي بيستمر حتى لما الدنيا تمطر عليه تحديات ادرس نفسك قبل ما تدرس السوق اطمح قبل ما تطمح وفي الأخر… الطموح هو اللي بيحركك التجربة اللي هتعلمك الصبر اللي هيكسبك ومتنساش انت حتى لو معاك العربية… اتعلم سواقة وبعدين خبط براحتك بس كدا

-هو انا لازم اعمل براند ؟! = لأ بسم الله الرحمن الرحيم والصلاه والسلام على رسول الله اللهم افتح علينا فتوح العارفين، وعلّمنا ما ينفعنا، وانفعنا بما علّمتنا، وزدنا علماً في الحقيقة ده إجابة لـنقاش بيتفتح معايا الفترة اللي فاتت كتير اوي ويمكـن انا واحد من الناس اللي غلطوا فيه واتعلمت بفلوس وجي اقولكم على الخلاصة. عشان نعرف اجابة السؤال ده لازم الأول نعـرف الأتي : يعني إيه براند؟! البراند مش هوية بصرية الوان ولوجو وخطوط وباكينج وسوشيال ميديا ولا هو شوية كلام وستوري تيلنج البراند هو ” معنى ” المنتج في دماغ الناس البراند هو ” الأنطباع ” اللي لما بيتسمع اسمك بتتعرف بيه البراند هو ” الصورة و الأحساس ” اللي بتتربط ب اسمك نوصل هنا لـ سؤال بقا تاني – هو انا لو مش معايا ميزانيه كبيرة ينفع اعمل براند؟ = اه ولأ نسبة النجاح الحقيقي لـ ناس بدأت من غير راس مال من 1 لـ 5% على الأكثر واللي بيكملوا ويبنوا براند فعلا اقل كمان طيب ليه! 1- لأن الناس بيستعجلوا النتيجة ومعندهمش نفس طويل 2- بيفكروا في الشكل مش الجوهر ” لوجو جامد – ديزينز تخطف العين ” والمضمون صفر 3- مفيش استمرارية ” يوم – التاني – التالت ” ويختفوا 5- مفيش فلوس 6- مفيش فهم للسوق او العميل وخليني أوضحلك أكتر النقط دي لـو انت دلوقتي بتفتح براند وبتصرف على كل حاجة – التصوير – الباكينج – الكونتنت – الديزينز – الأدز وغيرها من الأشياء فـ انت محتاج مبلغ مش صغير عشان تعمل كدا.. في حال اصلا انك فاتح البراند ده عشان انت تكسب وتاكل عيش من الأخر فـ بتبقا مستعجل جدا النتيجة بتبقا عايز كاش فلو يدور انهاردة قبل بكرة فـ بالتالي استعجالك ده بيخلي العجلة تقف ومتكملش ليه ؟ انت فاتح براند عشان يبقا معاك فلوس… مش فاتحه عشان تستثمر فيه ويمكن دي واحدة من الغلطات اللي بيخسر عشانها ناس كتير اوي الحاجات اللي بيفتحوها طب يا قنديل ما الـ Hit and Run ده الناس بتقول عليه وحش = عندهم حق وتعالى اقولك ليه… الناس بتبص للـ Hit and Run من منظور واحد بس اللي هو ” انت هتجيب اي منتج وتبيعه ومتردش على العميل لو اتصل بيك او قالك المنتج وحش او عنده مشكلة في اي حاجة المهم انت فلوسك دخلت وخلاص ” الـ Hit and Run بقا مبني على المبالغة والضحك على الناس في صور المنتجات وفي التغليف الـ Fake وفي الخامات الوحشة وهنا انا مش بتكلم على جزئية الـ Fashion انا بتكلم في العموم على المصطلح ده.. طيب هل الـ Hit and Run وحش فعلا ؟ في الحقيقة هو مش هيبقا وحش لو اشتغلته ” بضمير ” لو فعلا اخترت منتجات كويسة عملت بيدج محترمة فيها خدمة عملاء موعدتش العميل ب حاجة وبيعتله حاجة تانية طب هل هو مناسب ليا ؟ هو مناسب لو معكش فلوس كتير تبدأ براند مناسب لو حجم الأنتاج بتاعك كبير وعايز تشتغل بسرعه مناسب لو عايز تتعلم السوق مناسب لو معاك فعلا منتجات كويسة اقل مخاطرة من الصرف على الباكينج والتصوير وغيرها وخليني اقولك ان في ناس شغالة Hit and Run وبتكسب كويس ماشاء الله وكل ما منتج يموت منهم يجيبوا غيره والعجله ماشية بس شغالين على نضافة والعميل مبسوط من المنتج في الختام الـ Hit and Run مش هو المشكلة المشكلة انك متبقاش عارف انت عايز تروح فين. ابدأ بأي حاجة حتى لو مش مثاليه والسوق كدا كدا هيفرمك.