الـ Culture بتاعت الشركة مسئول عنها الـ CEO 
بسم الله الرحمن الـرحيم والصلاة والسلام على رسول الله
الـ Session المتلخصة انهاردة هنـتكلم فيها عن الـناس جوا شركتك وازاي تحطلهم Structure وتبني ليهم Culture يشتغلوا بيها لغـايت ما تحط خطة للـناس اللي عنـدك وازاي لما يمشي حد يكـون فيه حد مكانه.
تعالى نتكلم في الأول عن الـ Structure
ونقول أنها البناية الأساسية لأي Team لأنك مش هتـقدر تبني بيت من غـير أساس وده الأساس بتاع الشغل بتاعنا
في مفهوم غلط عند الناس.. انك تبني تيم التيم ده بيتخانق مع بعضه عشان يحقق مكسب هو ده الصح
we want to let the kpi’s overlaping people get maximum with this kpi’s —- This Wrong
لازم تخليهم One team ويتعاملوا ازاي يشتغلوا مع بعض عشان يحققوا التارجت مش يتخانقوا مع بعض عليه
وانت بترسم ال Structure لازم ترسم مين بيسلم مين وكل واحد مسئول عن الجزء بتاعه ملهوش علاقة ببعض
عشان ميضيعوش ال Energy انهم يثبتوا انهم صح
وميحصلش Over lapping in decision making
أفتكر المثال ده :
المركب لو كله لؤات كلهم هيختلفوا في الطرق كلهم هيوصلوا اه
لكن لازم واحد بس اللي يتنفذ
ف مينفعش ال Decision Making يبقا في ايد ناس كتير
نيجي بقا للسؤال اللي هتلاقي نفسك بتسأله طول الوقت
هي الـ Structure دي بتتنى Long ولا Short term
أجابة السؤال ده معتمدة على نوع الـ Business بتاعك في أي مرحلة
هل في مرحلة بدائية لسا في مرحلة الفكرة او التأسيس او مش بقالك سنة
ف هنا بنبص على ال Short term عشان بعد السنة دي ممكن تتغير بنسبه كبيرة… ممكن يتغير المنتج كله اللي انت شغال عليه
غير لما تبقا شغالك بقالك ٧ ولا ٨ سنين عشان انت عارف كل حاجة ف تقدر تحط ال Structure عشان يعيش معاك سنة ولا سنتين قدام
الحاجة التانية لازم نعرف الكاش معانا يجيب ناس ولا لأ
ده عشان تعرف انت محتاج تجيب مديرين عاملين ازاي ف لو معاك كاش هتجيب عدد معين او بوزيشنز معينين
ولو معكش ف هتجيب اقل من كدا عشان انت معندكش اتاحه انك تضحي بفلوس
شوية Tips في الـ Structure
– الاستراكشر بنخلي فيه المدير بيريبورت ليه من ٤ ل ٦ موظفين
– ابني الاستراكشر ل ٦ شهور مش ل ٦ سنين
– عين مديرين لما تحتاج ومتجيش المدير قبل التيم
– لازم تبقا عارف انك ممكن تغير الاستراكشر اي وقت انت عندك شركة جديدة كل كوارتر
خـلاص حطينا الـ Structure وعرفنا هنبني الـ Team ازاي
تعالى بقا نقول هنعمل Hiring إزاي للـ Head of level
– افصل بين انك كنت تيم ليدر ل انك CEO
1- اول حاجة لما بتيجي تعين ك تيم ليدر بتعين ناس ممكن يبقوا شاطرين زيكHe will turn to be good than you
لكن حاليا لو بتعين Director ف انت بتعين حد احسن منك في الحته اللي انت بتعينه فيها مينفعش يبقا زيك
2- تاني حاجة انك لما تيجي تعين ك مدير بتعين حاجات انت عايزها تتعمل
لكن لما بتعين مديرين بتعين ناس يقولولك تعمل ايه مش العكس
3- تالت حاجة انت ك مدير بتعين ناس عندها تكنكال سكيلز معينة
لكن لما بتعين Head of انت بتدور على ال Leadership skills و ال Technical Skills
4- اخر حاجة لما الناس بتيجي تعين الناس كلها بتدور على ال Skills
بس اكتر غلطة،Common الناس بتعملها انك تعين كدا
لكن انت بت Hire Character
يا فرحتي لو عينت اشطر واحد وسرقك
– الشطارة،تاني حاجة بعد ال Character –
كـدا احنا بنينا الـ Structure وعـرفنا هنعمل Hiring إزاي ولمـين
تعـالى نشوف الناس دي هتشتغل إزاي مع بعض
الـ Culture
طب يعني ايه اصلا Culture
Culture : Behaviors and the reactions towards things
يعني الناس هتتعامل ازاي مع بعض وانت موجود او وانت مش موجود
وهنا هنرجع لأول جملة في البـوست
الـ Culture بتاعت الشركة مسئول عنها الـ CEO
مفتـاح الـ Culture هو الـ Trust
لازم تخلق جو من الـ Trust لمـوظفين الشـركة وهتتفاجئ من النتايج
وده مش معناه انك متعملش Audit ” المال السايب بيعلم السرقه “
طيب انت عشان تعمل Culture محترمة
1- لازم يـكون عندك Mission – Vision
وهنا مش معناه انك لازم تعمل حاجة كبيرة وتكتبها في لينكد ان وتكتبها في الشركة على ورق
لكـن هي كفـاية انها ممكن تكـون Inspiring
2- دايما ابدأ بنفسك
الـ Culture اللي انت هتعمله ابدأه انت بنفسك وهتلاقي الناس ماشية وراك فيه
3- ركز على هـدف الشركة
لازم طول الوقت تكـون عـارف ومعرف الناس بالـ Values بتاعت الشـركة
لأنها طول ما هي موجودة وطول ما الناس عارفه انها موجودة هتفكر دايما الناس هما لازم يتعاملوا مع بعض ازاي
كـدا احنا خلصنا الـ Structure وعملنا Hiring وعرفنا الـ Culture بتاعت الناس
ندخل في أهم جـزء بالنسبة ليا
الـ Management Style
هتـدير الناس بأي أسلوب !
في اساليب كتـير جدا للإدارة ولكـن عشان تقدر تدير الناس صح لازم تبص على ايه اللي هينفع معاك ومع الشركة بتاعتك في كل مرحلة
تعالى نتكلم بقا عن شوية اساليب مع بعض ونـعرف عيوب ومميزات كل واحدة ونشوف احنا هنستخدم ايه كمان
اول طريقة هي الـ Autocratic
ودي طريقة بيكون القرار لـ شخص واحد وبنضرب هنا مثـال ” بالجيـش ” هو شخص واحد والنـاس كلها بـتسأله وترجعله في كـل حاجة
والطريقة دي زي ما ليها مميزات ليها عيـوب أكبر فـ هتلاقي الـ Environment بتاعت الشغل مثلا مش أحسن حاجة لأن الناس مش فاهمة هي بتعمل ايه
هسـيبك تقرأ عنها شوية عشان تعرف ايه ممكن تاخده منها وايه ممكن تسيـبه
تاني طريقة هي الـ Democratic
ودي طريقة بيكون القرار فيها شورى بين النـاس فـ بنطرح الموضوع ونسأل ونفكر وناخد القرار مع بعض
ودي طريقة بتنفع لأي بيزنس لأن كله بيشارك وكله بيتعلم والـ Environment بتاعت الشـركة بتبقى كويسة
أكبر عيب في الـطريقة دي هي البطئ… لأنك هتاخد وقت في كل قرار بيتاخد
تالت طريقة الـ Laissez Fair
يعني انت بتدي القرار للناس اللي معاك هما اللي بيقرروه مش لازم انت تدخل فيه
” شوف انت ايه الصـح واعمله “
انت هتدي الـ Direction ومش هتاخد القرار معاهم
ده مميزاته انه هينمي الـ Skill Set للناس اللي معاك لأن هما دايما بيفكروا ازاي ياخدوا القرار
احسن وقت تستخدم ده لما يكـون الناس اللي معاك شاطرة
عيوب الموضوع ده الـ Lack of role awareness
الناس دايما في الجزء ده بتحس انها ملهاش Leader وملهاش حد يعلمها
رابع واخر مدرسة هي الـ Visionary Management
انا هقول للناس ايه الـ Results ومحتاج ايه والأهداف
والناس تبدأ تاخد الـقرار Based على الـ Direction ده
طريقة زي دي مميزاتها انها بتـ Inspire الناس وبتدي Motivation عشان تدي أكتر للشركة
بيخلق Commitment معينة عشان الناس بتبص هي هتوصل لأيه لأنها عندها حافز
مشاكلها انك لو بتبص للـ Long Term على طول هتقع في الـ Short term
متخليش التركيز على الـ Long term ينسيك اللي بيتعمل دلوقتي
طب بعد كل ده هو ايه الـ Right Management
انت بتدمج كـل اللي فوق وتـقدر تعرف امتى هتستخدم اي Style في اي جـزء من الـ Operation في الشـركة عندك
أخر مرحلة هنتكلم فيها إنهاردة هي الـ Succession Planning
يعني دلوقتي لما حد يمشـي مين البـديل بتاعه وهل فيه بديل اصلا انت مجهزه ولا لأ
اول حاجة لازم تفكر فيها في الجزء ده انك متفكرش اصلا في ان الناس تمشي
حاول تخلق بيئة كويسة تخلي النـاس تقعد متمشيش وتحافظ على الـ Talents اللي موجودة في الشركة
تاني حاجة هي الـ Business Review
وده هتناقش فيه حاجتين
– المرحلة اللي احنا فيها
الموضوع ده مهم طول الوقت عشان تكـون عـارف الناس في اي مرحلة ومحتاجين كفاءات عاملة ازاي.
– التوسعات اللي هنعملها
هل انت هتعمل توسع لـ بلد تانية ولا هتعمل توسع لـ منتج تاني فـ ده هيحدد الناس اليل انت محتاجها
وبناء عليه هتحدد الـ Talents اللي انت محتاجها في المرحلة دي
تالت حاجة Talents Inventory
هنا هتبدأ تدور هل انت عندك حد هينفع في الـتوسعات او المرحلة اللي جايالك بعد كدا…
مين عندك هيقدر يـ Fit في الـ Position اللي انت محتاجه
أخر حاجة محتاج دايما تـ Monitor and Review
محتاج تعمل كدا كل شهر او تلاته او ست شهور وده طبعا على حسـب حجم الشركة لأنك لو عندك 10 – 20 موظف غير لو الشركة فيها 1000 موظف
احنا كدا خلصنا الـ Cycle كلـها تقـريبا من اول الـ Structure لـ الـ Succession planning
فاضل شوية General Tips هكتبها في بـوست منفصل عشـان مطول البـوست ده عن كدا
وأخيرًا وليس آخرًا
اللهم لك الفضل والحمد على ما علمتني وسبحانك اللهم وبحمدك، أشهد أن لا إله إلا أنت، أستغفرك وأتوب إليك 