فكـر في الـ Personal قـبل الـ Personal Branding
بسم الله الرحمن الـرحيم والصلاة والسلام على رسول الله
الـ Session المتلخصة انهاردة هنـتكلم فيها عن الـ Personal Branding واهمية تطويرك قـبل عمل الـ Personal Branding بتاعك عشـان تقدر تشوف الناس بتبص على ايه ومبتبصش على ايه..
قـبل ما ابدأ خلينا نحط شوية اساسيات كدا قصادنا عشان نعـرف احنا هنمشي في البـوست ازاي..
إيه هو الـ Brand ؟
Your brand is everything that your customers
prospective customers, colleagues, teams, and
followers think, feel, say, hear, read, watch,
imagine, suspect, and even hope about your
product, service, or organization
يعني الحاجات اللي الناس بتتمناها وبتشوفها وبتسمعها من الخدمات اللي انت بتقدمها ليهم في الـ Brand بتاعك
طيب وايه هو الـ Personal Branding وبنعمله
الـ Personal Branding هي بناء صورة لـ شخصك الصـورة دي انت صادق فيها قدام نفسك وقدام الناس عشـان توصل بيهم لـ مرحلة الـثقة
بنعمله ليه ؟
– get noticed
– present attractive image
– get more talent, Investments, etc..
ملخصا احنا بنعمل الـ Personal Branding عشـان نتشاف من اللي حوالينا او نجذب ناس بخبرات معينة انهم يشتغلوا معانا او نخلي الـ Investors يشوفونا
عشـان تعمل Personal Branding محتاج تعمل إيه ؟
محتاج تفهم نفسك اكتر وتعرف انت قادر تعمل ايه او مميز فيه
وبالتالي تقدر تـ Present ده للناس بطريقة مستمرة
فـ الـ Branding دي حاجة ماشية معاك في البيزنس وفي حياتك الشخصية
تعالوا بقا ندخل في الموضوع واحدة واحدة مع بعض
والـبوست طويل فـ لو مش فاضي اعمله شير وبعدين أرجعله وقت تاني
هل الـ Personal Branding أهم ولا الـ Business Branding أهم ؟
الاتنين مهمين ؟ اه الاتنين مهمين
بس لازم تحط في دماغك حاجة مهمة اوي ان البيزنس ده ممكن يقفل لكن البيرسونال براند عايش معاك طول عمرك
لو سمعت عن ال Reputation management ف هو ادارة السمعة ده الاستثمار ده بيكون مستمر معاك سواء سافرت او فتحت بيزنس تاني انت اسمك لسـا موجود والناس عارفاه
هل ده معناه اني انزل محتوى كـل يوم ؟
انت ذات نفسك مبتنزلش الجيم كل يوم بس فكرة انك تسكت شوية وتتكلم شوية وتحاول على قد ما تقدر في الجزئية دي ف دي في حد ذاتها استمرارية
الاهم بقا من انك تبقا بتعمل حاجة بتفرقع وتطلع Varial هي انك تكون مستمر
وأفتكر دايما ان ” الإستمرارية تحقق السمعة “
اهم جزئين في ال Personal Branding هما ال Likeability و ال Trust
الناس بتثتمر في حد بيحبوه وواثقين فيه.
يبقا انت محتاج تبني الاتنين
لما بيكون فيه قبول ده بيخلي الناس تشوفك وتسمعك ولما يسمعك وتبدأ تحلله مشكله او تساعده في حاجة هنا هيبدأ يثق فيك
وطبعا كـل ده مش هيحصل غير وانت Focus على الحاجة اللي انت عايز تعملها وبتقدمها
ومش بس كـدا لأ ده انت Focus على نفـسك وتطويرها
في quote بحبها اوي في الجزئية دي بتقول ” Where Focus goes Energy flows “
لازم تكون عامل Focus على ان الناس عايزه ايه وانت تحاول تحققهولهم
انا بركز على اني أخدم المتابع بتاعي او العميل بتاعي
لو التركيز بتاعي على اني انجح بس ف انا هيبقا مش في بالي الناس التانية..
في كتـابين حلوين اوي ممكن نرشحهم في الجزئية دي وهو كتاب – العودة للجوهر – وكتاب – Fast and slow –
طيـب تعالوا نمسك الـ Personal Branding Pyramid ونشوف هو جواه ايه ممكـن نركز عليه سواء أجزاء متشافة للناس او أجزاء جوانا احنا محتاجين نطور فيها
أول حاجة هي الـ VALUES
القيم هي اداة لتحسين ال Focus هي حاجة لما بتكون موجودة وبتظهر في الشغل بتاعي هي اللي بتديني Passion
الـ Values هي اللي بتقول انا مين وايه الحاجات اللي ههتم بيها وهي اللي بتبين انا موجود فين بين الأخرين
وهنا متلخبطش بين القيـمة والكفاءة
القيمة مرتبطة بالسلوكيات ودي حاجة مرتبطه ب عادتنا وسلوكياتنا
الكفاءة مرتبطة بالمعرفة والمهارة ف بتقدر انك تقيسها
القيم مش ثابته لكن القيم المهمة في حياتك بتفضل مهمة
ليه مهمة لانها مرتبطة ب كل حاجة بتعملها وليها علاقة بكل قرار بتاخده
وقت ما تعرف قيمك كل حاجة في حياتك هتختلف قراراتك هتختلف
ف لو انت اهم قيمة عندك مثلا هي ال Growth ف هتلاقي نفسك في اي شغل بتشتغله او اي عميل بتقبله لو مش بيحقق القيمة دي مش هتاخده من الاساس
ف هنا عرفنا قد ايه القيمة بتأثر عليك وعلى قراراتك حتى لو في معطيات كتير مش واضحة
لـو عـايز تقـرأ اكتر عن الموضوع ده أرشحلك كتـاب ” Everything I have learned about values “
ولو عـايز موقع تقـدر تعمل عليه Value test فـ فيه موقع https://personalvalu.es/
كـدا عـرفنا تقريبا كل حاجة عن الـ Value ندخل بقا في تاني حاجة في الـ Personal Branding Pyramid
الا وهي الـ Strength
عشان تبني Personal Brand قوي مهم اوي يكون ليه علاقة بال Strength او نقط القوة بتاعتك
لو انا مركز على ال Weakness عندي ف انا محتاج مجهود كبير عشان اوصل ل نقطة الصفر ومجهود اكبر عشان تعدي نقطة الصفر ده
لكن لو فهمت ال Strength وقدرت تشتغل عليها فرصتك انك تكون Star ف الحته دي اكبر بكتير
ومهم اوي تبص على الـ Weakness اللي هتأثر بشكل مباشر على الـ Strengths دي وتبدأ تطورها
مش لازم تبقا عندك نقطة قوة لكـن متكونش بتأثر على نقط القوة عندك
ولما نتكلم عن الـ Strength يبقا لازم نذكر Gallup
ودي شـركة بتعمل Research كبيرة في مجال التطوير الشخصي وبيعملوا Consulting لشـركات كتير اوي في الجزئية دي للـ Teams عشان يقدروا يشتغلوا على الـ Strengths points الخاصة بيهم
لو حطينا الـ Strength Equation هتلاقيها كالأتي
Talent * Investment = Strength
والـ Talent هي الـ Natural way of thinking or behavior
ولما بتبدأ تعمل فيها Investment ده بيوصل معاك للـ Strength وده معناه انك بتعمل الحاجة بشكل مستمر وبتحسن فيها وفي الحاجات اللي بتعملها
لما الناس بتستخدم الـ Strength بتاعها كل يوم احتمالية ان يكون فيه انغماس بـ 6 مرات وبتزيد انتجايتهم لـ 12.5 % وكمان ممكن تزود ربحيتها لـ 8.9 درجة
طيب تعالوا ناخد الـ Talent الأول نفصصها مع بعض كدا ونقول انها متقسمة جوا 4 شخصيات
1- الـ Excuting : ودي ناس بتركز على ازاي بتعمل الحاجة
2- الـ Influencing : ودي الناس اللي بتركز على التأثير في الأخرين وتوصيل المعلومة ليهم
3- الـ Relationship Building : ودي ناس بتركز على بناء علاقات فيها عمق
4- الـ Strategic Thinking : دي الناس اللي بتفكر في الحاجات بشكل أكبر والصورة الكبيرة عشان يحللوا قدر من المعلومات كبير عشان يوصلوا ل صورة اكبر
كلنا عندنا الـ 4 نطاقات وكل نطاق من دول بيتقسم بعد كدا لـ مجموعة من المواهب
نسبة قليلة اوي انك تلاقي حد عنده نفس الـ Profile بتاعك
طب النسبة دي قد ايه 1 وسط كل 3 مليون
لكن كلنا عندنا الـ 4
وفهمك لـ ايه اللي عندك اكتر هو ده اللي هيحسنلك انتاجيتك وربحيتك بشكل احسن
طب انا عـرفت الـ Strength بتاعي ايه الخطوة اللي بعد كدا ؟
الخطـوة اللي بعد كدا هي إزاي نحسـن منها وده في 7 خطوات
1- Create open Communication Channels
تبني مع مديرك او الناس اللي معاك مساحة عشان يتواصلوا معاك بشكل او بأخر
ليه ؟
لأن فيه حاجة اسمها Strength Lens
ودي بتخليك متشوفش نقاط القوة بتاعتك لأنك بتتوقع ان ده الطبيعي والناس التانية بتعرف تعملها عادي دي حاجة انا مش مميز فيها
انا مش بشوف الزيادة اللي عندي انا بشوف الناقص اللي عندي والحلو اللي عند الأخرين
فـ الـ Channels دي بتخليك انت متشوفش لكـن الناس اللي حواليك بتشوف هي ايه
2- Intentionally use your strengths
انك تكون مستحضر النية وانت بتستخدم نقاط قوتك ده بيفرق انك تكون واعي انت بتعمل ايه وده بيخليك تستخدم الـ Strengths بقوة
3- Find Support Systems
يكون ناس حواليك فاهمين انت بتعمل ايه او تكنولجي زي app بيكون بيساعدك تعمل حاجة فيها نقاط القوة بتاعتك
4- Build Complementary Partnerships
كـ مثال انك تختار حد في الـ Team بتاعك يكملك او يركز على النقط اللي انت مش قوي فيها
وكشركة برضوا لو انا شركة مش أقوى حاجة في الـ Packing مثلا فـ بروح اشوف شركة تانية تشيل الجزء ده عشان أعرف أظهر المنتج بتاعي
5- Get the right Education
النقطة دي مهمة جدا
انك تكون بتتعلم الـ Knowledge او الـ Coach اللي هيساعدك تعمل كدا
وفي حاجة مهمة اوي ممكن تعملها هنا هي انك تـ Learn From the best
ده هيعملك تسريع لكـل البروسيس لأنك جايب حد هو فاهم في الجزء ده ومر بكل تجاربك دي قبل كدا
6- Manage Unpleasant tasks by Focusing on the outcomes
لو فيه Task عندك مش بتحب تشتغل عليها ومعندكش Team Member يقدر يشيلها ركز على اللي بيطلع في الأخر من الـ Task دي
7- Make an Action Plan
وهنا ان يكون عندك Action plan انك مش هتركز على كل حاجة لكن هتركز على اول Strength وبعدين تركز على واحدة واحدة
طيب كـدا احنا عرفنا الـ Values والـ Strengths وانهم جزء من الـ Personal Branding pyramid
نيجي لـ تالت وأهم حاجة وهي الـ Behaviors
الـ Behaviors أهم حاجة لأنك الـ Value الناس مش شايفاها الـ Strengths في جزء منها متشاف
اما الـ Behaviors هي أكتر حاجة متشافة
في موديل شهير اوي في الجزئية دي اسمه الـ Disc Model
وده بيقول ان الناس بتميل نحية 4 حاجات
الـ Dominance – Influence – Conscientiousness – Steadiness
وهسيـبك تدور شوية في الـموديل ده عشان تعرف انت بتميل نحية أي جزئية اكبر وتفهم الـ Behaviors بتاعك أكتر على الـ Model ده
انت كدا كدا هتلاقي عنـدك الـ 4 لكـن لما بتبدأ تركز على نقاط القوة فيهم عندك ده بيأثر على الـ Behaviors بتاعك وده بيفرق برضوا في الـ Personal Branding بتاعنا
رابع وأهم جـزء في الـ Pyramid بتاعنا هو
الـ Network
جامعة Insead سألت سؤال مهم اوي عشـان تعمل عليه بحث
السؤال هو ?What’s The biggest predictor of career success
وقالك ان أهم مؤشر للنجاح في مجال العمل هو الـ Connections
كلنا عندنا 2Cs في الـ Network بتاعتنا
1- Contacts : دي ناس عندك على لينكد ان او فيس بوك او عندك الـ What’sapp بتاعهم
2- Connections : دي ناس انت في بينك وبينهم Connection ناس بتلجألها لما تبقا عايز حاجة في مجال عملك او محتاج استشارة في حاجة
الـ Networking هدفها في الأخر تفاعل مع الأخرين بهدف وجود تبادل ل معلومات وافكار ومشاريع او حتى Resources وفي الأخر بيحصل تطوير للجزئية دي عن طريق Projects او حتى على مستوى اجتماعي
فـ بالتالي Building Network مهم اوي عشـان تبني Personal Branding
ولو بنيت Personal Branding قوي هيخلي عندك Network قوية
انت محتاج في الـ Network بتاعتك يبقا عندك 3Ps
1- peer يعني زميل شخص في نفس مرحلتك في الـ Carrer هو في نفس الـ Stage وده مهم في الـ Network بتاعتك
لأنك هيكون بينكم تبادل منفعه سهل انت هتقدم وهو هيقدم
2- Powers دول الناس اللي جامدين جوا المجال بتاعك ودول وجودهم مهم اوي في الـ Network بتاعتك
دول الناس اللي هتتعلم منها وهيخلوك تعرف ناس متعرفهاش او يحلولك حاجات انت بتواجها او لسا هتواجها
3- Potential دول ناس مهملين في دايرة علاقاتك دول ناس انت سابقهم انت بالنسبة ليه Power الشخص ده وانت بتشاركه معلومة انت بتتعلم الشخص ده بيوصل لـ Power وفي ناس بتعرفك عن طريقه
واهم حاجة ربنا هيرزقك طول ما انت بتساعد حد
كـدا اتبقا عنـدنا 3 حاجات في الـ Personal Branding Pyramid بتاعنا الا وهما
الـ Reputation والـ Image والـ Skills
ولاحظ ان دول حـاجات متشافة بشكـل كبير أوي أوي للـ Audiences بتوعك فـ حافظ عليهم زي عينيك
ولو قعدت اتكلمت عليهم فـ هحتاج بوست تاني جنب البـوست ده فـ احنا هنكتفي بهذا القدر اليـوم ونقفل الـبوست بتاعنا على كدا
اتمنى يكون البـوست أفادكم في أي حاجة أو قـدرت اني أوضحلك حاجة مكنتش ظاهرة ليك
وأخيرًا وليس آخرًا
اللهم لك الفضل والحمد على ما علمتني وسبحانك اللهم وبحمدك، أشهد أن لا إله إلا أنت، أستغفرك وأتوب إليك 