ما تيجوا نتكـلم انهاردة عن Challenge لطيف كـدا كنا بننفذه الفـترة اللي فاتت 
بسم الله الرحمن الـرحيم والصلاة والسلام على رسول الله
الـ Challenge ده كـان عبـارة Process Automation من دخـول الاوردر الموقع او الشيت بتاعنا لـ وصوله للـ ERP System
وخليني أقولك ان الـ Challenge هنا مكـنش صعب في التنفيذ قد ما كان صعب إنك تعمله Logic عشـان تقـدر تنفذه لـوجود متغيرات كتـير وعـوامل بتأثر على كـل خطوة كان لازم نحطها في الحسـبان
تعالى نشوف الأول المطلوب إيه في الـ Task ده
عـندنا مكـانين بيدخل منهم الأوردرات الـ Leads, Website
الجـزء بتاع الـ Leads بيسمع معانا في Google Sheet والجـزء بتاع الـ Website إحنا شـغالين على Landing على Light Funnel فـ الأوردرز بتسمع جوا Light Funnel
مطلوب إيه :
نـدخل الأوردرات من Light Funnel ومن الـ Google Sheet للـ ERP System
ومن هـنا تبدأ رحـلة البحث وتعالى أخدك معانا في رحـلة مش صغـيرة قـدرنا ننفذ بيها الـ Automation والـ Campaigns موقفتش دقيقة
قـبل ما نشتغل على الـ Automation كـان لازم نفرد ورقنا كـله ونشوف إيه الـ Tools اللي ممكن نستخدمها عشان نوصل لـ إننا بندخل الأوردرات بدون أي مشـاكل جوا الـ ERP
كانت عندي مشكله اني عايز ادخل الاوردرات دايركت من ال Source ل ال ERP ولقيت ان الموضوع هيحتاج وقت ومجهود واحنا كنا بندور على حلول سريعة بسيطة
وعشـان احنا شغـالين بـ Light Funnel انا كـان عندي مشكـلة كبيرة اني أخرج الأوردرات منهم في Google Sheet
وده لسـبب واحد ان الـ Order لو في Google Sheet وجي بأكتر من قطعة بيعمله على أكتر من Line
وكان الحـل الصـعب ” اللي الحمدلله منفذنهوش ” اننا نعمل معادلة تسمع في شيت تالت بالـ Unique Orders
كـان في حـل تاني خلانا ندور شوية وهو إننا نـدخل الأوردرات دي كـلها في WooCommerce ومنه نـقدر نسحبها على الـ ERP System
ومن هنـا بدأ الحـل يلا نبدأ نـ Create الـ Store على WordPress وسطب عليه WooCommerce وابدأ أربطه بـ Light Funnel عن طـريق الـ App في Light Funnel
طب الـ App ده بيعمل إيه
بيطلع API ل WooCommerce بيخلي Light Funnel يبعت الـ Orders لـ WooCommerce
وجربنا الـ Connection والـ Connection زي الفـل بس لقيـنا ان الـمنتجات بتدخل Text مش Products
وكـان لازم هنا نبدأ نرفع الـ Products على WooCommerce وعلى Light Funnel بنفس الـ SKU عشان المنتج لما يروح Woo يبقا متعرف ويظهر بإنه منتج
جـرب بقا وأعمل الـ Test بتاعك وكـدا تمام الـ Test ظبط والأوردرات بتدخل من Light Funnel لـ Woo من غيـر أي مشـاكل
طب الجـزء التاني بقا فين
عـايزين نودي الأوردرات دي من Woo لـ ERP ودي كـانت معـادلة سهلة بالنسبة لينا الوقت ده لأننا مظبطين الـ Module بتاع الـ Woo جوا الـ ERP System عندنا من كذا سنة فـ محصلش عليه أي تغييرات
حاجات بسيطة ظهرت بس في الـ Test زي إني أعمل Update للـ Product Sync هنا وهنا بحيث الأوردرات تدخل بس و نشـغل الـ Crone job عشان مش كـل شوية هنروح نقول للسيستم أسحبلنا الأوردرات لا الأوردرات متحددلها وقت بتدخل فيه
وكـدا بقا عندنا Integration كـاملة قادرة انها تدخلنا الأوردرات من Light Funnel لـ ERP System في خطـوات بسيطة
طيب اللعب فين بقا ؟
لو انا دلوقتي عندي منـتج مثلا عايز أعمله Up sale لـ منتج أصلي والـمنتج ده سعره مختلف هعمله إزاي ؟
الطريقة التقليدية هتقول ارفع المنتج عادي بـ SKU جديد وخليه يدخل على السيستم بسعر مختلف
ولكـن في غلطة زي دي إنت ممكن تدمر مخزون في الـ ERP System وتعمل لخبطة للـ Agent اللي قاعد بيأكد الأوردرات
طب الحـل إيه بقا عشان يدخل المنتج بـ SKU الطبيعي بس بسعـر مختلف ؟
اللعبة اللي لعبناها هنا كـانت كالأتي
إحنا هنعمل لـكل Upsale Offer SKU مختلف ونرفع نفس الـ SKU ده على Woo عشان يقدر انه يسحب الأوردر من Light Funnel
بس هقول للـ Woo إنك لما تشوف الـ SKU المختلف ده حولي الـ SKU ده للـمنتج الأصلي وسيبلي السـعر اللي هو داخل بيه
ده هيعملنا إيه بقا ؟
ده هيخلينا نشتغل على المـنتج بتاعنا بـنفس الـ SKU عادي ومش هيحصل اي مشكلة في المخزون لكـن الشخص اللي داخله الأوردر هيلاقيه بسـعر مختلف ” سعر الـ Upsale ” فـ مش هيلاقي فيها مشكلة في الاوردر ولا هيحصل مشكله في ال، ERP System
طب حلو اوي يا قنديل ادينا مثال بقا عشان احنا كدا اتلخبطنا
لو عندك منتج ال SKU بتاعه SKU001 وهتعمل Upsale ل نفس المنتج ده ف هتعمله SKU مختلف بسعر مختلف وليكن SKU002
وتروح للمنصة اللي هتعرف تظبط برمجتها ” WOO ” وتقولها لما يتبعتلك اوردر ال SKU بتاعه SKU002 غيري المنتج للمنتج SKU001 وخلي السعر اللي داخلك زي م هو
وبكدا لما ال ERP يروح يسحب الاوردر هيلاقي 2 Lines ل نفس المنتج بس كل واحد بسعر
ف هتعرف ان ده Upsale
اقولك على مفاجأة بقا في Light Funnel بيديك إمكانيه انك ترفع ٢ SKU متشابهين ب اسماء واسعار مختلفة
وعلى الرغم ان ده موضوع سئ الا انه كان هيسهل علينا جامد
ولكن مع التجربة لقينا ان Woo لما بيسحب الاوردر بيسحبه منتج واحد وبيجمع السعرين ف دي كانت المشكله في الجزئية دي
طيب انت عندك دلوقتي منتج المنتج ده ليه SKU معين موجود عندك على ال ERP عايز تدخله بس متضاف عليه قيمة الشحن للقطعة الواحدة
يعني مثال المنتج ” س ” عايز تخلي القطعه ب ١٠٠ + الشحن و القطعتين والتلاته من غير شحن
دي تعملها ازاي ؟
عايز اقولكم ان الموضوع ده ارهقني في التفكير عشان كل سيناريو كان ليه عامل مختلف يحكم ب فشله ولكن الحمدلله أخيرا وصلت ل حل صغير كدا
احنا هنعمل منتج جديد على Light Funnel ب SKU جديد خالص ونخليه وهو داخل ال Woo يتمسك ويتقسم ل 2 Lines
اول Line هو اللي فيه المنتج الأصلي ل سعره
و ال Line التاني فيه منتج اسمه Shipping ومحطوطله قيمة وبيدخل الERP بنفس القيمة دي
كدا بقا WOO هيشوف ال Sku ده لو لقاه قطعة واحدة هيقسمه ويضيف الشحن
وبكدا يكون عندنا Full Integration بين ال Light Funnel وال ERP System بتاعنا وطبعا ال Connector هنا هو Woo ومربوط من الجهتين ب API’s
هل كدا خلصنا ؟
فاضل جزء واحد بس اللي هو ال Google Sheets تدخل لل Erp System ودي كانت اسهل شوية في التفكير بس خليني أقولك مشاكلها ايه وعملناها ازاي
احنا عندنا ال Leads بترمي في Google sheet عن طريق Connector زي Zapier
ال Sheet بيسمع فيه الآتي :
بيانات العميل + SKU لكل منتج
المشكله الوحيدة اللي كانت في الموضوع كانت ان العميل لو داخل ب قطعتين مثلا ف هتلاقي ال Sheet مسمع معاك SKU-1
ف انت عايز تقول لل Erp انك كدا داخلك نفس المنتج بس ب قطعتين
ولقيت اني عشان اعمل Connect Direct من ال Sheet ل Erp هاخد وقت ومجهود اكبر من اني لو ربطت ال Sheet ب Woo زي ما عملت ف Light Funnel بالظبط
وده اللي حصل فعلا بدأت أعمل Connect لل داتا من Google Sheet ل Woo عن طريق Zapier والحمدلله كان ناجح بنسبة ١٠٠%
وبدأنا نظبط بال Coding موضوع ان لو داخل ال Sku جنبه -١ يغير ال Quantity ويحط سعر ال Offer اللي معمول على اكتر من قطعة
Golden Tip
في رحلتك لأنك تعمـل Automate لأي حاجة في الـدنيا هتلاقي Tools كتير جدا وهتلاقي أكتر من حـل لكل مشكلة قـدامك
شطـارتك في إنك تختار الحـل اللي يسهل عليك وعلى الناس اللي شغالة معاك لأنك طالما اختارت انك تعمل Automation فـ لازم تحط في دماغك كـل أجزاء الشـركة بتاعتك وتعرفهم كمـان اللي انت عامله عشان لو حد عنده مشكلة او انت عندك مشكلة وحلها في إيديكم تقدروا تنفذوه
الـ Automation مش طـريقة ولا حاجة ثابته انت بتمشي عليها عشان تسرع العمليات بتاعتك جوا البيزنس بس
لأ ده طريقة تفكير كاملة بتنفذها خطوة خطوة عشان توصل في الأخر لأن الحاجة بتحصل بدون أخطاء
وبس كدا تمت بحمد الله 
عايز اقول حاجتين قبل ما اقفل ال Post
المجهود ده مش مجهود فردي لا كان مشترك فيه اكتر من شخص في التنفيذ عشان نقدر مع بعض نوصل لأحسن نتيجة ممكنة
وانا بشكرهم فعلا على شغلهم معايا على الجزئية دي وعلى فهمهم للحاجات اللي كنت عايز اعملها على طول من غير ما اشرح كتير 
الحاجة التانية ان مهم أوي يكـون في حد بيراجع ورا الـ Process دي لأن كـل ما زاد تعقيدها والأكواد فيها كل ما حصـل مشاكل واحنا مش واخدين بالنا منها
لأن المـوضوع انا شرحته هنا في البـوست يبان قدامك سهـل شوية لكـن هو في الخلفية اصعب من كدا شويتين
اتمنى يكون البـوست أفادكم في أي حاجة أو قـدرت اني أوضحلك حاجة مكنتش ظاهرة ليك
وأخيرًا وليس آخرًا
اللهم لك الفضل والحمد على ما علمتني وسبحانك اللهم وبحمدك، أشهد أن لا إله إلا أنت، أستغفرك وأتوب إليك