14 سبتمبر، 2025

شركة واحدة من أصل 100 شركة هي اللي بتكمل الكـلام ده متقالش ومش هتسمعه كتير بداية وقبل اي حاجة صل على النبي وركز معايا شوية الفـترة اللي فاتت ناس كتير جدا كـانت عايزة تخش مجـال الـ E-Commerce اي حد فعليا عنده منتج او حتى مش عنده ولسا هيصنع بقا كل تفكيره انه هيعمل بيدج اونلاين ويبدأ يبيع عليها خليني اقولك ان 99% من النـاس اللي بتبدأ في مجال الـ E-Commerce بتقفل ومش بتكمل شغل بعد اول 3 شهور ( ده في حال انهم كملوا الـ 3 شهور من الأساس ) طيب ايه الأسباب اللي بتخلي الشركة تقفل ؟ أولا : سوء التخطيط أغلب الناس اللي بتتجه للـ E-Commerce بتروحله عشان فاكره ان ده اللي هيجيبلهم مكسب سريع وكمان هيقدروا يبيعوا كتير وبمصاريف قليلة وده طبعا مفهوم غلط فـ بيبدأ يحسبها انا هصنع المنتج ده بـ 10ج وابيعه بـ 20ج وابقا كدا كسـبان 10ج في كل قطعة واتفق مع شركة شحن توصلي الأوردرات وأحط مصاريف الشحن على الأوردر اللي هبيعه وشكرا ولو بيعت 100 أوردر ف انا كدا هكسب 1000ج وشكرا ولما بيبأ يتصدم بالواقع وان كل الحسابات اللي حاسبها دي ملهاش علاقة باللي موجود في السوق والوضع بيحتاج منه تخطيط كتير وعمالة شغالة وناس فاهمة الحته دي وبتعرف تشتغل فيها بيبدأ يعيد هيكلة الدنيا تاني ف بيكتشف انه مش هيكسب غير 10ج مثلا اول فترة او احتمال حتى ميكسبهاش فـ بالتالي بيقول لأ شكرا انا مش هكمل ويوقف شغل ثانيا : الأعتماد على الـ Direct Selling بس واحدة من الأخطاء الشائعة اللي ممكن تحصل وبتبقا سبب أساسي في ان الشركة متكملش هي انها تكون معتمدة على الـ Direct sales بس ومش مهتمة بالعميل ولا هو عايز ايه ولا عندها نيه من الأساس ان العميل ده يرجعلها يشتري منها تاني المـوضوع ده بيخلي الـ Project قائم بس على الأعلانات اللي بتتعمل ولو في يوم حصل والأعلانات دي وقفت مش بيكون فيه مبيعة واحدة بتتعمل فـ بالتالي ده بيخسر البيزنس كتير جدا ثالثا : عـدم التأقلم مع ظروف السوق ويمكن دي من أكتر الحاجات اللي باينة الفترة دي وبنشوفها بعنينا وهي ان الشخص لما يفتح بيزنس ويلاقي الخامات بتغلى عليه والمبيعات في ايام بتريح وايام تانية بتبقا كويسة هو مش بيعرف يتأقلم معاها ولو معندوش أفكار تطلعه من الظروف اللي بيمر بيها السوق ده مش بيعرف يكمل رابعا : عدم وجود كفاءات يعتمد عليها لو لسا بتفتح بيزنس وفاكر انك هتقدر تعمل كل حاجة من غير ما تستعين بحد خبرة في كل حته في الشغل فـ اعرف انك مش هتكمل اسبوع واحد في السوق وده ليه بقا لأن مفيش حد فاهم كل حاجة انت كدا كدا هتحتاج ناس تشتغل معاك وهتحتاج كفاءات قادرة انها تطلع بالشغل بتاعك لقدام فـ فكرة انك تعمل كل حاجة وتقول انك هتعمل اعلانات وتصنع المنتجات وتصور وتكتب والخ الخ هتلاقي نفسك بتقع من غير ما تحس ومش هتلاقي اي تقدم في اي حاجة انت بتعملها خامسا : منتجات سيئة بص بقا يا سيدي انا معنديش مشكلة انك تجيب منك او تصنعه او غيرها بس الغلطة اللي هتعملها فعلا وتأثر في البيزنس بتاعك هي ان المنتج بتاعك ميكونش كويس ويكون فيه مشاكل والعملاء كلهم بيشتكوا منهم اولا ده حرام خصوصا لو بتبيع حاجة انها خامة معينة او مواصفات معينة وبتروح للعميل انها حاجة تانية لأن ده غش تجاري صريح وثانيا عمر العملاء دي ما هتكمل معاك ولا هتشتري منك تاني وهيبوظللك صفحتك بقا ريفيوهات وغيرها…. دي ملخص لأغلب المشاكل اللي هتحصلك وانت بتفتح بيزنس جديد وبنسبة كبيرة ده اللي موجود في الواقع وبيحصل كل يوم وحلولها هي انك تعرفها وتفهمها كويس وتعمل عكسها وأخيرا وليس أخرا ف البوست ده بناءا على تجارب شخصية بحته مش أكتر من كدا والمعلومات اللي هنا كلها خالصة لوجه الله فـ لو وصلت هنا ومحتاج مساعدة في اي حاجة وانا أقدر أقدمهالك ممكن تكلمني اي وقت ومتنساش دعوة حلوة لو استفدت مني بأي حاجة

لو بفـكر اشتغل في الـ E-Commerce افكر ازاي ؟! كالعادة وقبل اي حاجة صل على النبي وتعالى ندردش شوية لو انا بفكر أبتدي في ال E-Commerce المفروض اعمل ايه !؟ خليني اوضحلك كام نقطة وبعدين نكمل لو بادئ عشان مكسب سريع ف ده مش مكانك لو فاكر انك مش هتتعب ومش هتخسر ف ده مش مكانك لو مش عامل خطة واضحة وعندك أهداف تمشي عليها ف ده برضوا مش مكانك لو انت مش اي حاجة من اللي فوق بقا دول ف تعالى نتكلم في الغالب لو جالك تفكير انك عايز تشتغل ف ال E-Commerce ف انت اما شوفت حد ناجح في الحته دي وعايز تعمل زييه او انت عندك منتج كويس وفاكر انك ال Social media المكان الأفضل ليه او عندك محل بتبيع فيه منتجات وعايز تزود مبيعاتك في كل الحالات انت متجهه للحته دي عشان تبيع كتير بس قبل ما تبيع كتير تعالى أقولك ايه المفروض اول حاجة تفكر فيها هو انا هبيع ايه ؟ هبيع ل مين ؟ هبيع على ايه ؟ هبيع ازاي ؟ هبيع ايه ده المنتج بتاع حضرتك اللي بتفكر تبيعه وده اما هو منتج فعليا عندك او منتج انت لسا هتصنعه او هتشتريه من مورد وتدفع فلوسه طيب التفكير في المنتج بتاعك اصلا لازم يكون قائم على أسس وفاهم يعني ايه منتج وايه العوامل اللي بتنجحه وأول خطوة في التفكير في المنتج بتاعك انك تبدأ تعمل Search عليه تشوف هل في حد بيقدم نفس المنتج ده او منتج شبيه ليه طب بيقدمه ازاي والخ والجميل هنا انك عشان تعرف المنافس بتاعك اوي ممكن تعمل منه أوردر وتتابع كل الـ Process بتاعته من اول ما عملت الأوردر وحتى لما وصلك ” انصحك في الجزئية دي تقرأ أكتر عن الـ Product Research هتفيدك جدا “ هبيع ل مين السؤال ده معناه اني المفروض اكون محدد الفئة اللي انا هتكلم معاها دي عاملة ازاي وبتشتري ايه وامتى وازاي خليني اقولك ان اي حد بيعمل الجزئية دي وهو مش واخد باله خليني اديك مثال لو انت هتفتح مطعم كرشة وممبار ف مش هتروح تفتحه في حته Class A كل اللي بيمشوا فيها بيطلبوا Seafood لا هتشوف حتة متوسطة عشان الناس اللي في الطبقة دي هي اللي ممكن تكون بتحب الأكل الشعبي أكتر ومش بيقدروا يستغنوا عنه فـ أختيارك ومعرفتك بالناس اللي هتخش ليك المطعم هي اللي هتخليك تحدد كل حاجة هبيع على ايه وقت م تعرف ال Segment اللي انت هتتعامل معاها هتعرف انت هتبيع على منصة ايه بالظبط يعني هتعرف الناس دي بتسيرش ع المنتج اللي انا هبيعه ده على Google اكتر ولا بتبص على اعلانات ال Facebook وبالتالي انا محتاج اشتغل على الحته دي او الناس دي كلها موجودة على TikTok ودي المنصة اللي هبدأ عليها وزي ما قولنا في المثـال اللي فوق انت كل ما بتحدد الفئة اللي هتشتري منك كل ما بيكون انك تجاوب على الأسئلة دي سهلة خصوصا انك بتكون خلصت الجزء الأكبر من المعادلة وهي العميل اللي بيشتري منك هبيع ازاي هبيع ازاي دي هتكون من اصعب المراحل اللي هتفكر فيها يعني لو هنتكلم في جزء زي الماركتينج ف احنا بيبقا لينا ستراتيجي ماشيين بيها ف هل الناس بتتفاعل اكتر مع الصور ولا الفيديوهات طب هل انا البيزنس بتاعي محتاج حد بتاع موديريشن يبقا بيتكلم مع الناس عشان يعرف يحجزلهم اوردر ولا هيكون اسهل للناس انها تطلب من الموقع دايركت هل انت محتاج بس تكون موجود اونلاين على سوشيال ميديا بلاتفورم ولا محتاج كمان يكون عندك Website و Mobile app وقت ما تعرف أجابه السؤال ده هتكون عارف انت هتبيع ازاي ونصيحة مني لو مش عارف هات حد عارف واسأله المفروض تعمل ايه.. ال ٣ اسئلة دي على الرغم انها بسيطة الا انها جواها شغل ووقت ومجهود كتير جدا ولو طلعت صح هتلاقي الدنيا بدأت تمشي معاك بشكل اوضح واسهل.. وعايز اقولك ان مش دي الأسئلة بس اللي هتسألها وانت بتبدأ ولكن دي حاجات لازم متفارقش تفكيرك وتكون من الأساسيات قدامك البوست ده قصير مش طويل بس كان مهم نبدأ بيه قبل اي حاجة عشان اي بيزنس من غير شوية الحاجات دي بيبقا ماشي في ملكوت الله مش محدد اي حاجة ولا عارف هيبدأ ازاي وأخيرا البوست ده المعلومات اللي فيه بناءا على التجربة وليس الا ولو وصلت ل هنا ومحتاج اساعدك ف اي حاجة ف تقدر تبعتلي اي وقت ومتنساش تدعيلي دعوة حلوة بظهر الغيب.

شـريان نجاح الـ E-Commerce قبل اي حاجة صل ع النبي واعذروني لو البوست ده مفيهوش كلام كتير بس ادعولي دور البرد يخف بسرعة وارجع أرغي معاكم تاني لو سألت اي حد شغال في الـ E-Commerce ايه أكتر العوائق اللي بتقابله في الشغل هيقولك والله انا عندي مشكلة في تأكيدات الأوردرات مع العميل متابعة شركات الشحن خدمة العملاء بعد البيع سرعة التوصيل للعميل نسبة التسليمات وغيرها من الحاجات اللي بتظهر بعد مرحلة ما العميل يسجل بياناته عندك شوية الحاجات دي بنسميها في الـ E-Commerce الـ Operation Cycle ودي بتبقا عبارة عن سلسلة متصلة ببعضها بتبدي بتأكيد الأوردر مع العميل ومش بتنتهي لأ هي بتفضل مكملة معاك وهقولك ازاي كمان شوية خليني اقولك ان الـ Operation Cycle دي بتكبر او بتصغر على حسب الـ Business Model بتاعك يعني مش كل الـ E-Commerce Stores عندها نفس الـ Cycle في ناس عندها الـ Cycle دي 4 خطوات مثلا 1- تأكيد الأوردر 2- الباكدجنج 3- تسليم ل شركة الشحن 4- متابعة الأوردر لحين وصوله للعميل وفي ناس تانية الـ Cycle عندها أطول بكتير وبيبقا جواها عمليات تانية صغيرة ممكن متبانش لو الـ Model بتاعك لسا في البداية خصوصا لو بتطلع عدد أوردرات كبير ملحوظه : لما عدد أوردراتك يكبر جدا هتلاقي نفسك بتضيف للـ Process دي حاجات تخليك تشوف كل الأخطاء من كل الناس اللي شغالة معاك بحيث لما حلقة واحدة تسقط تكون عارف الغلطة فين بالظبط الـ Operation بحر كبير جدا ومليان متاهات وفيه Systems كبيرة بتتعمل مخصوص عشان تعرف كل حاجة بتتم جوا الـ Operation Cycle بتاعتك طيب احنا عرفنا دلوقتي يعني ايه Operation Cycle عايزين بقا نعرف لو انا لسا ببتدي المفروض اكون منظم الجزء ده ازاي ؟ لو لسا بتبدي E-Commerce الدنيا عندك هتكون بسيطة بشكل كبير يعني انت عندك منتج – بتصنعه او بتشتريه من مورد – وبتخزنه عندك في قوضة او في مخزن ايا كان وبتبدأ تشوف شركة شحن كويسة تتعامل معاها وتتفق على عدد أوردرات تطلعه كل شهر وتبدأ تأكد اوردراتك وبتتابع نسب تسليمات شركة الشحن وتستسلم مرتجعاتك وبس اولا : جهز Excel Sheet للأوردرات بتاعتك كلها ” ده في حال انك مش عندك ويب سايت “ الشيـت ده هيكون عليه الشخص اللي بيسجل الأوردرات اللي بتجيلك لو انت مشغل حد معاك موديريشن واعمل في الشيت ده Check box لما الأوردر يتأكد علم عليه عشان تعرف انت بتأكد أوردرات قد ايه من الأوردرات اللي بتدخلك ثانيا : هتبدأ تجهز أوردراتك ( المتأكدة ) وتحطها في فلايرات شركة الشحن وترفعها على السيستم بتاع الشركة وتطبع البوليصة بتاعتك وتحطها في الفلاير ثالثا : هتطلع الأوردرات كلها مع المندوب اللي هيستلم منك الأوردرات دي وتبدأ تتابع المحاولات اللي بتتم عليها من سيستم شركة الشحن يوميا وتكلم العملاء اللي بيحصلها محاولات تسليم ومش بتستلم ” والموضوع ده ضروري جدا عشان في مناديب بتعمل ابديتس انها حاولت تسلم وتكلم العميل يقولك محدش كلمني “ رابعا : هتنزل شيت كل 3 ايام من شركة الشحن تشوف فيه الأوردرات اللي اتسلمت واللي متسلمتش وتقارنه دايما بالشيت بتاعك خامسا : تعمل شيت صغير تتابع فيه الحسابات بتاعتك وده هيكون من أهم الشيتات لأنك لو محسبتش كل حاجة وعرفت انت سلمت ب كام ومكسبك فيهم كام ممكن تطلع أخر الشهر خسران وانت مش حاسس الخطوات دي أبسط خطوات ممكن تتخيلها كـ Operation Cycle واعتقد انها مش صعبه خالص كـ تجهيز وكـ متابعة ولو في حاجة مش فاهمها او حاجة محتاج تفهمها اكتر ممكن تسألني وبإذن الله اجاوب عليك بكل اللي انت محتاجه وأخيرا البوست ده المعلومات اللي فيه بناءا على التجربة وليس الا ولو وصلت ل هنا ومحتاج اساعدك ف اي حاجة ف تقدر تبعتلي اي وقت ومتنساش تدعيلي دعوة حلوة بظهر الغيب.

من الـتعليقات.. ” التجارة الالكترونية مش تسويق بس ده eco system كامل “ بسم الله الرحمن الرحيم وبه نستعين.. صل ع النبي وتعالى نتكلم كلمتين صغيرين انهاردة الـ Comment ده من أكتر الـ Comments اللي علقت في دماغي خصوصا اني اول حاجة كنت ناوي ابدأ بيها هي الكلام عن الـ Eco System جوا الـ E-Commerce وبعدين أخد كل جزء اتكلم عليه لوحده وده عشـان أغلب الناس مش عارفه ايه هو الـ E-Commerce Eco system وممكن تكون عندها Eco system بس مش عارفه هو ايه او تتعامل معاه وتطوره ازاي.. خليني ابدأ الأول ب ايه هو الـ Eco System : ترجمته ” النظام البيئي ” ولو هنتكلم في الـبيزنس ف خلينا نقول ان الـ Eco System هو شبكة معقدة من الانظمة التكنولجية التي تعمل معا لخدمة البيزنس. – طيب ده كلام كبير جدا وانظمه معقدة وتكنولوجيا وقصص طويلة ايه التبسيط بتاعه بقا ! كل التكنولجيا اللي بتسخدمها للبيزنس بتاعك وبتخدمه وبتشتغل مع بعضها ممكن نقول عليها Eco System حجم الـ System ده بيختلف من شركة لـ شركة على حسب حجمها والمعاملات اللي بتتم خلالها والحاجة اللي هي بتقدمها من الأساس سواء خدمة او منتج بس خلينا نقول ان عندنا شوية نقط اساسية جوا الـ System زي.. E-Commerce Platforms Online Marketing Tools Accounting Software Shipping Software Inventory Management الـ 5 حاجات تعتبر من الحاجات الأساسية جوا الـ Eco System وزي م قولنا فوق بتزيد او تقل مع حجم البيزنس بتاعك تعالوا نشرح الـ 5 حاجات دول بسرعة من غير تفاصيل كتير 1- الـ E-Commerce Platforms ودي المنصات اللي انت هتبدأ عليها واللي بيتم عليها بناء الـ Website بتاعك زي Woocommerce – Magento – OpenCart وغيرها.. 2- الـ Online Marketing Tools ودي الـ Social Media Channels اللي هتستخدمها عشان تسوق المنتج بتاعك والـ Tools اللي هتستخدمها كمان. 3- الـ Accounting Software ده برنامج المحاسبة اللي هيبقا بالنسبة ليك اهم من اي حاجة في حياتك عشان تعرف انت بتخسر او بتكسب وكل حاجة بتكلفك كام بالجنيه 4- الـ Shipping software ده System شركة الشحن اللي بتتابع من عليه الأوردرات بتاعتك ولو السيستم ده مربوط بـالسيستم بتاعك والـ Updates بتحصل عندك الموضوع هيبقا بالنسبة ليك اسهل بكتير 5- الـ Inventory Managment وده الجزء اللي بتتابع فيه المخزون بتاعك وايه اللي فاضل عندك وايه اللي طلع والخ تخيل بقا ان الـ 5 حاجات دول مربوطين ببعضهم ربط كلي وجزئي وبينهم حاجات كتير جدا وبيتكون على اساسها الـ Eco System اللي احنا بنرغي فيه من الصبح ده وعايز اقولك ان الموضوع ملوش علاقة بس بالـ Software بس ولكن انت لو عندك نظام مبني على شيتات على الدرايف وسيستم شركة الشحن والموقع بتاعك فـ انت قادر تعمل Eco System كامل ل نفسك طيب السؤال هنا بقا لو انا بيزنس صغير المفروض اجيب سيستم يعمل كل حاجة ؟ الأجابة هنا ” لأ ” طول ما البيزنس صغير وقادر تسيطر عليه بـ شيت اكسيل او سيستم بسيط فيه الحسابات والمخازن وغيرها مش محتاج تجيب كل الـ Software’s دي خصوصا انها بتكون مكلفة وممكن متستحملش التكلفة دي في البداية لكن لما الدنيا تكبر منك شوية اعرف انك بنسبة 100% هتحتاج تعمل System يلم كل الحاجات دي في حته واحدة طيب انا هستفيد ايه لما اعرف قصة الـ Eco Systems الـ Eco System مش بس نظام فيه شوية أرقام وشوية أوردرات الـ Eco System نظام متكامل تقدر تشوف وتتابع بيه شغلك وكل حاجة فيه تعرف ايه اللي بيحصل في المخازن واللي بيعملوه الحسابات وتتابع العملاء اللي بتدخلك وكل حاجة الـتجارة الألكترونية معتمدة اعتماد كلي على الجزء ده ومفيش واحد البيزنس بتاعه كبير معندوش Eco System مبني عليه شغله كله طيب تفتكر الناس اللي حجم البيزنس بتاعها كبير بتعمل سيستم لكل حاجة !؟ لا مش بتعمل سيستم لكل جزء ولكن بتعمل System واحد بيضم كل حاجة الـ System اللي بيلم الحاجات دي كلها بنسميه ERP اختصار لـ 3 كلمات ” enterprise resource planning ” وخلينا نقول ان الـ ERP بيلم جزء كبير جدا من الـ System بتاعك.. وعشان اتكلم في حته الـ ERP دي انا عايز كتاب الفين صفحة وخمس استشاريين عشان اتكلم واشرح الجزء ده بكل تفاصيله بس الملخص بتاعه انه System بيضم كل حاجة ليها علاقة بالبيزنس بتاعك في حته واحدة بداية من الـ Marketing وحتى الـ Inventory والـ Accounting ولما توصل لمرحلة الـ ERP مش هتحتاج تقرأ البوست ده وهنخش في اسئلة اكبر من كدا بكتير ان شاء الله وأخيرا البوست ده المعلومات اللي فيه بناءا على التجربة وليس الا

ازاي تحول مبيعات منتج Low ticket من 78 الف ف اليوم ل 800 الف في اليوم انا من النـاس اللي مبتبحش تتكلم بالأرقام عشان انا دايما متقن ان الأرقام دي توفيق من ربنا قبل اي حاجة بس بما ان التجربة دي عدى عليها سنة ف كان لازم تطلع للنور شويه بحيث الناس تستفيد. التجربة دي جميله جدا وبجد من امتع تجـارب الـ Scaling وال Optimization اللي دخلناها وطلعنا منها بـ Stock خلصان في 3 ايام تقريبا.. خليني اكلمكم انهارده عن جزء ال Performance بس من غير ما أخش في تفاصيل ال Operation وال Product research وال Viral content وكل ده نخليه في بوستات تانيه.. Country : Egypt Platform : Facebook – Instagram – TikTok Duration: 3 – 4 Days Budget : 150k – 250k L.E AOV : 400 L.E Day 1 : 9/8/2021 Phase1 : Testing and Optimization خليني بس قبل ما أتكلم عن الـ Testing والـ Optimization أقولك ان عامل أساسي في أن المنـتج اللي انت جايبه يكون كويس انك تكون عـامل Product Research كويس جدا عليه ولو انت حتى مكنتش جاهز ب ده ف قـبل مرحله الـ Testing لازم تقف قدام الـ Dashboard وتبص انت هتطلع الشغل وانت عامل Planning للـ Campaign من الأساس ولا لأ فـ قبل مرحله الـ Testing كـان في مرحله الـ Planning ودي برضوا ممكن اتكلم عنها في بوست تاني عشان البوست ده ميطولش مني خليني أقولك كمان أننا قبل ما ندخل في مرحله الـ Campaign Testing كان في مرحله تجهـيز الـ Landing page اللي هنشتغل عليها والـ Funnel اللي هنطلع بيها وهتمشي بأي شكـل وتقريبا دي كانت أصعب مرحله لأنك عشان تجهز Landing و Funnel ليها مظبوطه لازم تقيس تفاعل الناس عليها عامل ازاي وتبدأ تقيس الـ Performance بتاعها على حسب الـ Interact بتاع الـ Customer بدأنا في التجهيز وكـانت Simple Landing Page بس قعدنا اشتغلنا على كل تفصيله فيها بحيث العميل لما يكون شايفها قدامه مياخدش وقت ويبدأ يـ Interact معاها بـ اي Action احنا حاطينه وكـانت الـ Funnel قصيره الى حد ما برضوا بحيث ان العـميل ميلفش كتيرويلاقي كـل حاجه قصاده مره واحده ونقدر نعلي الـ Conversion Rate على قد ما نقدر. ندخـل في الجزء المحبب للجميع واللي بيحبوا يسمعوه الـ Campaigns بدأنا الـ Testing phase على Facebook & Instagram وكنـا مجهزين أكتر من نـوع للـ Campaign وأكتر من نوع للـ Creative وأكتر من نوع للـ Targeting ده طبعا عشان نوصل في النهايه للـ Best في كـل حاجه ونعرف نـ Optimize كـل الـ Variables وطبعا منسيناش الـ UTM الجميل بتاعنا جوا الـ Campaigns * متنساش * الـ Landing تكون مربوطه بـ Session Recorder عشان نـقدر نعمل Optimize لكل حاجه لما العميل يدخل عليها طلعنا الـكامبينز بتاعتنا وبدأنا نـعمل Optimize لـكل حاجه في الـكامبين على مدار اليوم عشان نوصل لأقل Cost ممكن نوصله ونـعرف نطلع الـ Creative الكويس ونوع الـ Campaign اللي هنكمل عليه تاني يوم وصلنا ف اليوم ده ل 200 اوردر وحققنا كل اللي احنا عايزينه في اليوم ودخلنا في مرحله التعديلات في الـ Landing والـ Creative والـ Placements في الـ Ads ملخص اول يوم : – Total Sales : 78000 – Orders : 204 – CR : 1.7 – AOV : 450 – Average CPP : 30 – 35 L.E ————————————————————————————————————————- Day 2 : 10/8/2021 اليـوم التاني : كـ ميديا بايرز فـ اليوم اللطيف بتاعنا بيبدأ غير أيام الناس الطبيعيه ف أحنا بادئين يومنا من السـاعه 12 بليل 12 بليل كنا خلصنا كل تعديلات اليـوم الأولاني وبدأنا في الـ Scaling تعالى أوضحلك الأول حاجه صغيره عزيزي المستمع عشان تبقا فاهمني في باقي البوست ده ان الـ Scaling هنا معناه اننا بنستخدم كـل الطرق المتاحه قدامنا عشان نجيب عدد أوردرات ونحافظ على الـ Cost زي ما هو أو لو هيزيد ميكونش مأثر على الـ Gross Profit كـان قدامنا شوية تحديات في اليوم التاني أولها الـ Page Creative Limit وده طبعا محددلك عدد اعلانات لكل بيدج وكـان الحل بتاعها اننا نشتغل على أكتر من بيدج فـ نطلع عدد اعلانات كبير جدا ميهمناش تاني حاجه الـ Ad accounts اللي هنشتغل عليها والـ Restriction كنا محتاجين عدد كبير من الـ Ad accounts عشان نوزع عليه الشغل بحيث لو لقدر الله حصل حاجه لأي ad account او اي Page نقدر نـ Cover الموضوع بسرعه جدا وميأثرش على اليوم فضلنـا شغـالين على جزئين جزء بيـ Scale وجزء بيـ Optimize كـان لازم في اليوم الأول يكون معانا الـ Peak time بتاع الـ Orders عشان نعرف أي وقت أحسن للـ Scaling في وسط اليـوم التاني حسينا ان الـ Creatives اللي معانا بدأت تبقا مش أحسن حاجه وأن في Creatives تانيه UGC جايبه نتايج أحسن بكتير في نفس الوقت ده كنا بعتنا لل Micro Influencers المنتج عشان يعملولنا فيديوهات نشتغل بيها وقد كان فعلا التفاعل معانا كان جميل جدا والفيديوهات بتاعتهم أخدناها طلعنا بيها الكامبينز لليوم التالت كملنا اليوم ده واحنا عاملين Growth في ال Revenue وعدد الأوردرات بنسبه ٥ اضعاف اول يوم تقريبا الحمدلله ملخص تاني يوم – Total Sales : 449050 – Orders : 1158 – CR : 2.08 – AOV : 432 – Checkout users : 3200 – Average CPP : 35 – 42 L.E —————————————————————————————————————— Day 3 : 11/8/2021 اليوم الـتالت : أحنا كان بقالنا كدا حوالي 48 ساعة مش نايمين وبنحارب في نفسنا وقاعدين قدام 5 شاشات عشان نعرف نتابع كـل حاجه ممكنه ونطلع Value من كـل جنيه بيتصرف اليوم ده كنا ممكن نكسر فيه عدد مبيعات واوردرات كبير جدا جدا ولكن للأسف كان في مشاكل في ال Server اللي عليه ال Website ف مكنش مستحمل عدد ال Visitors اللي موجودين في الثانيه الواحده جوا الويب سايت وال CPU كان استهلاكه 100% اليوم التالت كان ال Target بتاعنا نجيب 2x العدد اللي جايبينه ف Day2 والحمدلله بفضل ربنا قدرنا نحقق الرقم ده انك تكون عـامل Optimization لـيومين كـاملين فيهم كـل المتغيرات اللي ممكن تتخيلها في الـ Campaigns ده هيخليك مستريح بعد كدا في الـ Scaling لأن انت هتبقا عامل الـ Plan بتاعتك وعارف هتمشي ازاي بدأنا Scaling للـيوم التالت وأحنا بنحاول نلم كـل الـ Auction من كـل الـ Platforms المتاحه قصادنا فـ اشتغلنا على TikTok كمـان ومكنش عندنا وقـت للأسف نطلع Google ads الـ Campaigns في اليوم التالت كان محطوط ليها 700K Budget احنا كنا عارفين انها مش هتصرف الرقم ده ولكن كان اساسي ان يحصل كدا عشان ال Campaigns تصرف كتير

لو بصيت على اللي في الصـورة ده هتلاقي فلوس كتير واوردرات وبالريال السعودي بس ده اللي قدامك بس تعالى نتفرج المـرة دي على اللي ورا الصورة بسم الله الرحمن الرحيم وبه نستعين والصلاة والسلام على رسول الله المرة دي هنتكلم عن سوق الخليج شوية ونشوف المشاكل او الحاجات اللي بنبص عليها قبل ما نبدأ في أي شغل وازاي الحاجات دي قدرنا نعدلها وتطلع نتايج أحسن الحمدلله تعالى بقا نشوف احنا عملنا ايه في الجزء اللي ورا الصورة واللي ناس كتير مش بتبقا شايفاه كـان لازم نبص على 4 او 5 عوامل قبل ما نبدأ أي شغل 1- الـ E-Commerce Cycle ومشاكلها 2- هنشتغل على اي Platform 3- الـ Campaign Objectives اللي هنشتغل بيها 4- تسعير المنتج مظبوط ولا لأ 5- الـ Stock ممكن يتوفر منه كل قد ايه اولا : الـ E-Commerce Cycle ودي اللي ظهر فيها مشاكل من أول ما بدأنا والمشاكل مكنتش قليلة ومخدتش وقت قليل في انها تتحل كانت المشاكل عبارة عن الأتي : 1- نسبة التأكيدات مش كويسة 2- الأوردر بياخد وقت طويل عشان يوصل للعميل 3- الشغل كله COD ومفيش Payment Method 4- الـ Follow up مع العـميل وشركة الشحن كل مشكلة من دول كان ليها سبب وكان ليها حل الحمدلله 1- نسبة التأكيدات اتحسنت عـملنا System للـ Calls مظبوط والأوردرات اتعملها أوقات تتأكد فيها مع الإعتبار ان في أوقات للدوام وفي أوقات تانية العـميل مش بيكون صـاحي فيها وعدم أعتمادنا على الـ What’s app كـ مصدر اساسي للـ Confirmation خلانا على تواصل اكبر مع العميل في الـ Calls وبنعرف نـ Upsale كمان زي ما احنا عايزين وده طبعا أثر على الـ Cart Size 2- مشكلة ان الأوردر بياخد وقت عشان يروح للعميل دي كـان السبب فيها ان الأوردر بياخد وقت عشان يتأكد وكمان بياخد مشكلة الـشحن والتخزين دي كانت عاملة أزمة خصوصا ان الموضوع كان بيتم عن طريق Third part مش احنـا اللي بنعمل الحاجات بإيدينا سرعة تأكيد الأوردر مع العميل وجزئية الـ Logistics دي لما اتهندلت مع الـ Third part وبدأنا ننقل كمان جزء منها عندنا واحدة واحدة نسبة التسليمات بدأت تتحسن بشـكل كبير وبعد ما كانت أقل من 50% الحمدلله وصلت في وقت قصير لـ 56% وبدأنا نزيد بالنسبة دي كمـان واحدة واحدة ونحل باقي المشاكل اللي تحسنها 3- من أصعب التحديات اللي ممكن تواجهها هي انك تشتغل COD بس كـ حاجة اساسية للـ Payment في بلد الـ Customer Behavior فيها بيستعمل الـ Credit بشكل أكبر وخليني أقولك بقا الأحسن من الـ Credit كمان هي الـ Apple pay ” وابقا ادعيلي ” ف بدأنا ندخل في الجزء ده بشكل كبير بأننا نوفر أكتر من Payment Method جوا الـ Website بتاعنا والعميل يختار اللي يحبه ويسدد بيه وده طبعا أثر بشكل كبير في الـتسليمات 4- لو فاكر انك هتروح بلد تانية فـ تلاقي سلوك شركات الشحن متغير ولا حاجة فـ احب أقولك انك لازم تلغي الفكرة دي من دماغك تماما المشـاكل اللي بتشوفها في مصر في شركات الشحن هتقابلها برة عادي خصوصا لو الـشركة اصلا Multinational وكنت شغال في مصر معاها وروحت اتعاملت معاها برة برضوا اكيد مش هتبقا نفس المشاكل بكل تفاصيلها لكن السيستم مش هيختلف كتير خصوصا لو شغال COD طب تعالى أقولك المشاكل دي قدرنا نحل جزء منها ازاي عملنا Shipping Team يتابع كل الأوردرات اللي بتطلع من المخازن عندنا وتروح شركة الشحن يوم ب يوم ومحاولات التسليم اللي بتتم عليها وضيفنا عليهم تيم كمان بيتتابع مع العميل محاولات التسليم اللي حصلت معاه وهل في حد اتواصل معاه من شركة الشحن او لأ بس خليني اقولك نقطة ايجابية في سلوك المستهلك هناك برضوا انهم بيحطوا العنوان كامل بكل تفصيلة فيه يعني ” المنطقة – الشارع – رقم البنايه – البلوك – الشقة “ ف ده بيسهل كتير على شركة الشحن انها توصل للعميل ومترجعش الأوردر ثانيا : شغال على اي Platform هل تعلم عزيزي المستمع ان في ناس كتير بتصرف مصاريف مهولة في Platforms وممكن ميكونش بيجلهم منها Leads وساعات جودة الـ Leads اللي بتيجي دي مش بتكون أحسن حاجة فـ كان أختيارنا للـ Platform اللي هنشغتل عليها عامل اساسي في ان البيزنس ده يقوم بشكل كبير جدا وفي نفس الوقت احنا مينفعش نصحى الصبح نلاقي نفسنا شغالين على كـل الـ Platforms في الحياة كـان لازم نحط Strategy واضحة لكــل بلاتفورم ونقدر نربط بينهم كمان بحيث تكـون كـل الـ Platforms ماشية مع بعضها وأكيد مش هننسى دور Google analytics في الموضوع ده بدأنا نظبط 3 platforms ” تيك توك – سناب شات – فيس بوك وانستجرام “ مرحلة الـ Testing ادتنا Indicators بأي واحدة أفضل وكوست أقل وهي دي اللي بدأنا نحط فيها الـ Budget قسمنا البادجت على الـ 3 وطلعنا بالأدز بتاعتنا على الـ 3 وهنا جه السؤال اللي بعد كدا ثالثا : الـ Campaign Objective بعد مرحلة الـ Test لقينا ان الـ Objectives اللي ممكن نشتغل عليها في الكـامبين ” Leads – Conversion “ كل Objective اتحطله Plan مختلفة عن التاني عشان نوصل في الأخر لأقل كوست واحسن Leads وكــان التركيز الأكبر على الـ Conversion Campaigns كـ مصدر أساسي للـ Leads في الـ Top Funnel الـ Creatives اللي كانت محطوطة كان انواعها مختلفة بس ركزنا أكتر على الـ ” How to use “ وده نوع من الـ Content موضحين فيه أكتر طريقة أستعمال المنتج وفي الـ Bottom of Funnel ركزنا على الـ ” UGC – OFFERS “ ده طبعا خلى الـ CTR يزيد والـ CPC يقل رابعا : تسعير المنتج ” خد بالك لو داخل سوق جديد ومش فاهم تسعير او مش عارف الأسعار ماشية ازاي في السوق هتخسر اللي وراك واللي قدامك “ عشان نقدر نحط إستراتيجية مظبوطة كان لازم نعرف الـ Gross Margin قد ايه ونحط على أساسه Max CPP نقدر نتحرك عليه وعملنا Test على أكتر من نوع تسعير مختلف وحطينا Max CPP نقدر نسيكل بيه التسعير اللي كان محطوط كان على أعتبار الـ Over head – Marketing Cost – Market Price وزودنا في الـ Profit على قد ما قدرنا بحيث ناخد راحتنا لو حاجة ضربت مننا خامسا واخيرا : الـ Stock جزئية توفير الأستوك دي اللي كـانت أزمة بالنسبة لينا خصوصا ان المنتجات مش دايما موجودة في السوق والإستراد بياخد حوالي 20 – 40 يوم عشان يكون عندك المنتج في المخازن بتاعتك فـ كان لازم يبقا محطوط Plan للـ Stock اللي موجود وعاملين حسابنا في الـ Scaling على عدد الأيام اللي هياخدها المنتج

بسم الله الرحمن الرحيم وبه نستعين والصلاة والسلام على رسول الله اتكلمنا في الجزء الأول من الأسئلة الوجودية عن اسئلة بيسألها الناس اللي لسا بتبدي في المجال او اللي ابتدى قريب وللأسف ملهاش إجابة واضحة خليني اوضحلك أكتر قصدي ايه لازم اي سؤال تسأله يكون ليه عوامل أخرى وحاجات بيترتب عليها السؤال بتاعك ده وعلى أساسه هتلاقي الإجابة اللي انت عايزها فـ لو سألت سؤال مجرد من غير ما تقول العوامل اللي حوالين السؤال ده مش هتلاقي إجابة واضحة وقولنا جزء من الأسئلة دي في الجزء الأول تعالى بقا نكمل هنا اول سؤال : ايه أفضل منصة دروب شيبينج اشتغل عليها خليني اجاوبك على السؤال ده بعد تجربة مش قليلة على منصات كتير في السوق الأجنبي منها والعربي وأقولك ان الموضوع ده بيعتمد عليك انت مش على المنصة ذات نفسها أغلب المنصات الموجودة بيكون عندها منتجات متشابهه كتير بس الـ Rules بتاعت كل منصة مختلفة سواء بقا في الشحن والتسليم او فترة العمولات او حتى مكالماتهم اللي بيأكدوا بيها للعميل فـ لو انت بتفكر في منصة معينة أحب أقولك شوف أراء الناس فيها الأول ومشكلاتهم اللي بيواجهوها واعرف انت هتقابل التحديات دي ازاي وهل في حاجات سهل تعديها وحاجات تانية مش هتعرف تعديها ولا لأ فـ السؤال ده ليه عوامل كتير جدا ممكن تسألهم ل نفسك الأول وبعدين تبدأ تتوكل على الله وتاخد الخطوة في انك تبدأ تاني سؤال : شوبيفاي ولا ووكومرس ولا ماجينتو ولا اوبن كارت ولا يوكان بص يا صديقي أختيارك للـبلاتفورم اللي هيقوم عليها شغلك كله ده حاجة الناس متقدرش تحددها يعني انا مقدرش اقولك انا بستخدم ووكومرس مثلا ف انت تروح تستخدمه لأن ممكن يكون شغلك بسيط ويوكان يسهل عليك الدنيا من غير ما تحتاج مبرمج او بلاجنز زيادة متشوفش حد بيستخدم شوبيفاي وتقول حلو ده انا هروح استخدمه عشان سهل من غير ما تعرف ايه الحاجات اللي ممكن تعطلك فيه ف الإجابة على السؤال ده واقفة عليك برضوا ومدى المامك بالحاجات اللي انت محتاجها للبيزنس بتاعك والموارد المادية اللي هتستخدمها للسيستم اللي هتعمله حط الأول البيزنس بتاعك قدامك وشوف انت محتاج ايه وبعدين ابدأ اتحرك على الأساس ده ولو أحتجت حاجة معينة جوا اي بلاتفورم تقدر تسأل عليها حد شغال على نفس البلاتفورم لكن متستخدمش حاجة حد بيستخدمها عشان شايفه بيستخدمها وخلاص تالت سؤال : اذاكر ايه عشان اتعلم المجال السـؤال ده تقريبا أكتر سؤال بتسأله وانا معنديش لوم على الناس اللي بتسأله لأ عادي جدا انك تسأله بس اعرف الأول ان السؤال بدايته كدا غلط قبل ما تسأل تتعلم ايه لازم تعرف انت واقف فين الأول وذاكرت لحد فين وبعدين تسأل المفروض تذاكر منين او تتعلم ايه يمكن دايما بقولها لنفسي قبل اي حد لازم تحط Roadmap للمذاكرة بتاعتك وتعرف انت عايز توصل ل فين عشان تبقا عارف خطواتك الجاية هتبقا عاملة ازاي ولو داخل تسأل حد اذاكر ايه حاول دايما تقوله انت واصل ل فين بشغلك او بالمذاكرة بتاعتك وهو يقولك ممكن تذاكر ايه بعدها رابع واخر سؤال : هي نسبة تسلمياتي المفروض تبقا كام ؟ ده السؤال اللي حرفيا ملوش إجابة نسبة التسليمات بتاعتك مينفعش تسأل عليها حد لأن هي ليها عوامل كتير جدا زي – نوع المنتج – الفئة المستهدفة – السوق اللي شغال فيه – الـ Quality بتاع المنتج – طريقة التأكيدات عارف بقا لما تلم كل الحاجات دي وتشتغل عليها ايا كان نسبة التسليمات عندك كام انت هتعرف تعدلها للأحسن ان شاء الله فـ متسألش المفروض نسبة تسليماتي تكون كام اسأل أحسن نسبة تسليماتي ازاي وأخيرا وليس اخرا فـ البوست ده بناءا على التجربة ومش أكتر من كدا

لـو بتفكر تدخل Market جديد فـ البوست ده ليـك ( الجزء الأول ) بسم الله الرحمن الرحيم والصلاة والسلام على رسول الله الحمدلله من كـرم ربنا علينا اننا الـفترة اللي فاتت كنا بنعمل Expand للشـركة عندنا في أكتر من بلد والحقيقة الوضع مكنش سهل اطلاقا انك تقدر تحافظ على مكـانك في الـ Market بتاعك وتدخل Markets جديدة وتثبت نفسك فيها وتبقا فيها Leader كمـان أول حاجة كانت لازم تتعمل هي تصحيح الأوضاع القـانونية للشركات دي في الدول المختلفة ومع أختلاف قانون كل بلد وشروطها الموضوع كـان بالنسبة لينا في الأول حاجة جديدة ومش واضحة لينا كـان الحل هنا انك تحفر بأيدك في الصخر عشان تعرف معلومات عن البلد اللي انت داخلها وكل القوانين اللي ممكن تبقا بتلمس البيزنس اللي انت بتعمله وتسأل اهل الخبرة في البلد دي واي حد عنده تجارب سابقة عشان توصل في النهاية انك فعلا قادر تفتح وتشتغل من غير ما يحصلك اي مشاكل وكمان لازم تـكون عـارف قوانين التجارة وحماية المستهلك عشان تقدر تتعامل مع العميل بتاعك من غير ما يكون فيه مشاكل بينك وبينه وانت عارف حقك فين وهو عارفه حقه فين ضيف على كـدا موضوع البنوك والحسابات البنكية اللي لازم تكون عارف فيها راسك من رجلك خصوصا لو هيبقا حجم التعاملات بتاعك كبير وهتتسأل لو عامل حساب شخصي الفلوس دي رايحة ل مين وجت ازاي فـ ركز اوي اوي في التفاصيل دي عشان مترجعش تدخل نفسك في مواضيع أكبر منها. تاني حاجة بنعملها هي الـ Market Test ودي اللي بنقدر نحدد فيها الـ Niche اللي هنشتغل فيه وهنبدأ بأيه خصوصا لو شـغال Hit and Run وبتحاول تدور على Winner Products تشتغل فيها وفي الحته دي بالذات فـ هتلاقي حاجات كتير جدا مشتركة بين الـ Markets المختلفة يعني هي نفس المنتجات اللي شغالة في الـ Market ده شغالة في التاني وده حاجة طبيعية لو بصينا هنلاقي اغلب الـ Needs اللي بتكون عند العملاء بتبقا مشتركة تعالى اديك مثال صغير منتج زي ” ماكينة حلاقة الدقن “ هو كدا كدا شغال في اي Market هتشتغل عليه لأنه Need لأي راجل فـ بالتالي هتلاقي منتجات كتير مشتركة فـ الـ Market Test اللي هتعمله ده هيتحدد عليه حاجات كتير اوي خصوصا لو الـ Market جديد عليك ومتنساش انك زي ما بتعمل Test للـ Niche اللي هتشتغل فيه انت لازم تكون عامل Test للـ Platforms اللي شغالة في الـ Market ده أبسط مثال لو بنتكلم على السـوق المصـري ف هتـلاقي ان Facebook رقم 1 كـ Traffic Source لكـن لو رحت للسوق السعودي فـ هتلاقي SnapChat قبل اي حاجة فـ الـ Market Test العوامل بتاعته كـتير مش بس الحاجات اللي قولتها دي وهتعرف تفاصيلها لما تدوس بأيدك في كل حاجة دول اول حاجتين هتعملهم وانت داخل سوق جديد وهنـكمل في الجزء الـتاني ايه الحاجات اللي محتاجينها وازاي يكـون في Cycle كـاملة دايرة من غير ما تتدخل فيها بأيدك في كل تفاصيلها اتمنى تكون العودة المرة دي للكتابة مفيدة للجميع وادعولي بضهر الغيب اقدر اكمل واكتب أكتر لعل الناس تستفيد ولو بكلمة

البوست ده مهم لو ناوي تفتح في سوق جديد ( الجزء التاني ) بسم الله الرحمن الرحيم والصلاة والسلام على رسول الله أتكلمنا البوست اللي فات عن الأوضاع القانونية اللي لازم تعرفها وانت داخل بلد جديدة والـ Market Test ودي تقريبا كانوا اول حاجتين لازم تعرفهم وانت داخل سوق جديد أول حاجة هتفكر فيها لما تدخل بلد جديدة هي انك هتظبط الـ E-Commerce Eco System ازاي ! – هتشحن مع مناديب ولا مع شركة شحن هتكلم العملاء فون ولا واتس اب هتتصرف ازاي في الـ Stock لو فضل عندك فترة كل دي اسئلة لازم تسألها ل نفسك وتدورلها على حلول قبل ما تبدأ اي حاجة وخليني افكر معاك شوية فيهم بقا في البوست ده البوست ده هنتكلم عن عامل من العـوامل الأساسية في الـ E-Commerce Eco System الا وهو الـ Operation مصطلح Operation ممكن يتحط لـ حاجات كتير اوي جوا الـ Cycle ولكن خلينا نتكلم عن اول جزء وهو الـ Customer Services انت داخل بلد جديدة فـ هتتكلم مع أهلها بالطريقة الـصح خليني اديلك مثال لو داخل بلد أهلها مش بيحبوا يتكلموا في الموبايلات وشغالين على الواتس اب بس فـ طبيعي انت مش هتروح تأكد اوردراتك بالتليفون والا كدا هتكون بترخم على العميل وهو اصلا مش هيديلك مساحة انك ترد عليه فـ لازم تكون عـارف البلد اللي انت داخلها دي بيستعملوا ايه كـ وسيلة تواصل وهما بيفضلوا يأكدوا أوردراتهم ازاي كمـان الوقت اللي بتكلم فيه العميل ده مهم جدا واهم حاجة هنا انك تراعي فروق التوقيت يعني انت لو شغال في مصر والسوق اللي شغال فيه سعودي ف لازم تعرف ان فيه فرق توقيت ف مش هتتصل بالعميل بليل خالص يكون هو اصلا نايم او تتصل بيه قبل م هو يصحى طيب انت لو شغال في بلد أغلبها بيتكلموا لغات مختلفة مش عربي بس فـ هضطر يكون عندك ناس لغات بيقدروا يتواصلوا مع العـملاء ( ومش بيستخدموا جوجل ترانسليشن ) طيب انت ظبطت كل ده المـفروض تعمل ايه بعد كدا وازاي هتطلع مكالمات لو انت معندكش Call Center System تقدر تطلع بيه مكالمات برة مصر ممكـن تدور على شركة بتقدم الـ Services دي ودول موجودين كتير بس خد بالك انت مش هتقدر تقيس الـ Quality بتاعهم قد ما يكون عندك Internal Team معاك عشان تقيس الـ Quality بتاعه وتحاسبه عليه وكدا نبقا اتكلمنا في اول جزء في الـ Operation Cycle بشكل مبسط ومن غير ما ندخل في كـل التفاصيل ولو محتاج برضوا اي حاجة ممكن تكلمني وبإذن الله اقدر اساعدك الـ Logistics أو بالعربي الشحن والتحصيل من العملاء بص بقا في شوية حاجات لازم تكون واخد بالك منها في موضوع الشحن ده على أعتبار انك بدأت دلوقتي ف انت قدامك حلين اما انك يكون عندك Warehouse بتاعك وفيه ناس شغالة وشركة الشحـن بتعمل منه Pickup او انك تـكون مشترك في Fulfillment Center وهو بيقوم بأعمال التخزين والشحـن كـل حل من دول زي ما ليه عيوب ليه مميزات كتير خلينا نتكلم عن أول حاجة وهو انك واخد Warehouse بتطلع منه البضاعة الحل ده انت كدا كدا هتعمله حتى لو بدأت مع Fulfillment Center يعني هي خطوة لازم تاخدها ولكن لازم تكون عارف انها هتكلفك حاجات زي الأيجارات وأجور العمال وغيرها وضيف على كدا انك مش ضامن تلاقي مخزن مساحته كويسه تقدر تخزن في البضاعة وكمـان لازم يكون في منطقة قريبة من نقط فرز شركات الشحن عشان الأوردر بتاعك ميتأخرش في انه يوصل ويفضل يتنطط من مكان ل مكان طيب الـ Fulfillment Center بيزنس جميل اوي وبيوفر عليك حاجات كتير وممكـن يشيل من عليك هم الـ Logistics كله ولكن خد بالك لأن اوقات التكلفة بتبقا عليه مقارنة بأنك لو خدت مكـان ليك انت وخد بالك كل ما زاد حجم المنتج بتاعك زادت التكلفة لأن أغلب الـ Fulfillment Centers بيتكلموا بالمساحة اللي هتاخدها الشحنة طول وعرض وارتفاع أوقات بيكونوا متعاقدين مع شركات شحن بيوصلوا من خلالها اوردراتك واوقات تانية بيبقا الـ Fulfillment هو نفسه شركة الشحن اللي بتوصلك الأوردرات طيب تعالى بقا ندخل بقا في جزئية شركة الشحن ذات نفسها اولا : شركات الشحـن بتحب دايما تشوف حجم أوردرات كبير ف لو داخل بعدد أوردرات صغير اعرف انك هتاخد اوفر اوحش من واحد رايح يشحن شحنه وخلاص ثانيا : متاخدش ترشيحات ل شركات الشحن يعني مش اي حد يقولك انا شغال مع ” س ” والشركة دي كويسة تروح تشحن معاهم وانت مسلمهم كل حاجة لأنهم ممكن يكونوا معاه شغالين كويس ومعاك انت مش كويسين فـ انت دايما دور على الأنسب ليك انت واللي هيخدم البيزنس بتاعك متفكرش في انه نفع مع حد تاني ف لازم يبقا كويس معاك ثالثا : خلي عندك دايما Plan B لـ شركة الشحن يعني خد أكتر من Offer عشان لما تحتاج تغير الشركة في اي وقت تعرف تتحرك متستناش تتفق مع شركة شحن تانية رابعا : لازم تكـون متابع انت النسب والـ Updates بتاعت شركة الشحن او عندك حد متابعها عشان متجيش تبص على النسب تلاقيها وحشة وفي الأخر يطلع انهم بيدوك Fake Updates والعملاء عايزة تستلم وب كدا نكون خلصنا البوست بتاع انهاردة واتكلمنا عن عـاملين من العوامل الأساسية في الـ E-Commerce Eco System البوست الجي بإذن الله هنتكلم شوية بقا عن الـ Performance وازاي نقدر نحقق نتايج كويسة ونـ Optimize الـ Campaigns بتاعتنا بشكل صح

البيرفورمانس في دول الخليج ده الجزء التالت من سلسلة ” إزاي تدخل سوق جديد “ بسم الله الرحمن الرحيم وبه نستعين والصلاة والسلام على رسول الله عشـان كلامنا يبقا منظم في البوست ده وميبقاش بوست طويل خلينا نقسمه 3 أجزاء – الـ Website – الـ Platforms – الـ Ads الـ Website مبـدأيا كدا لازم تبقا عارف انك عـشان تعمل Website يشـتغل في الخليج فـ انت مش هتعمل حاجة مختلفة عن اللي انت بتعملها الـ Website العـادي اللي انت بتشتغل عليه هيكون كـافي كدا يعملك الحاجات اللي انت عايزها ويحققلك مبيعات كويسة كمان طب ابدأ Woocomerce ولا سلة ولا open cart ولا Shopify ولا Youcan نوع المنصة اللي انت هتشتغل عليه مش هيفرق كتير انت كل اللي محتاجه لو البيزنس حجمه مش كبير انك تعمل حاجة تحط عليها منتجاتك وتجيب بيها أوردرات ” خصوصا لو شغال Affiliate “ اما لو البيزنس كبير شوية فـ انت محتاج منصة تقدر تـ Integrate بينها وبين المنصات التانية اللي بتتعامل معاها كـ مثال : لو بتتعامل مع شركة شحن ف هتحتاج API يسمع معـاك على طول على الأوردرات عندك ع الموقع وده هيبقا بالنسبة ليك اسهل انك تتعامل مع الأوردرات وتتابعها بسهولة ” ده في حالة انك معندكش ERP شغال عليه ” بتتابع من عليه كل العمليات في البيزنس بتاعك وده منطقي جدا لو حجم البيزنس بتاعك متوسط او كبير فـ انت اشتغل على المنصة اللي انت حاببها لو حجم البيزنس مديك المساحة انك ميبقاش عندك حاجة خاصة بيك انت ومش هتحتاج تعدل تعديلات كتير ووقتها هيبقا عندك حد فاهم اكيد انت محتاج ايه ومش محتاج ايه اما لو شغال Affiliate كل اللي انت عايزه انك تجيب أوردرات بـ Cost قليل ولو هتسألني على ترشيحي الشخصي ف ممكن أقولك اشتغل على Youcan لأنها من اكتر المنصات اللي حسيت انها Customized للـ E-Commerce بشكل اكبر وكمان مراعيين فيها حتت الـ Up selling وخد بـالك ايا كان اختيارك للمنصة اللي هتشتغل عليها فـ هي لازم تكون بتتعدل بالطريقة اللي تناسب شغلك انت خليني برضوا اقولك حاجة صغيرة انت لو عامل Website تشتغل عليه Hit and Run ف الموضوع هيبقا اسهل من ما تكون بتكون بتبني Branded website وبتركز على كل التفاصيل بحذافيرها الـ Platforms خدعوك فـ قالوا الـفيس بوك مش شغال في الخليج عزيزي القارئ خليني اقولك قاعدة بسيطة تحطها في دماغك واوعى اوعى تنساها ” متحكمش على أي Platform في الدنيا من غير ما تجرب بإيدك “ وده ببساطة لأن كل اللي كنت بسمعه ان مفيش اوردرات بتيجي في فيس بوك في الخليج وان الفيس بوك شغال ب Cost قليل في مصر بس لكن برة هتلاقي الدنيا صعبة ومفيش أوردرات ولكن بعد تجربة مش قليلة اكتشفنا ان كل اللي بيتقالنا ده ما هو الا مجرد وهم وان كـل بلاتفورم ممكن تجيب منها أوردرات بحجم معين دراستك للـ Audiences بتاعك هو اللي هيخليك قادر انت هتتعامل ازاي مع البلاتفورم أو بمعنى أصح هتطلع أوردرات منها ازاي طيب خليني اوضحلك حاجة بسيطة برضوا بحيث تبقا متخيل الوضع معايا المفروض انك عندك منصات بتجبلك أوردرات بشكـل كبير وسريع ومنصات تانية بتجبلك أوردرات برضوا بس بشكـل مش كبير ومش سريع بس هي لسا بتجيب أوردرات ف مينفعش نهملها من المنصات السريعة في انها تجيبلك أوردرات في الخليج هي ” SnapChat ” ودي هتجيبلك أوردرات بسرعة وبـ Cost معقول ومناسب للـي انت عايزه ومن المنصــات اللي بتجيب أوردرات بس بعدد معقول بس بطئ شوية هي الـ ” Facebook “ فـ انت اشتغل على المنصات اللي شايف انها مناسبة وأعمل الـ Test بأيدك وشوف المنصة اللي هتنفع معاك أكتر ولو في منصة هتطلعلك أوردر واحد زيادة بـ Cost كويس أشتغل عليها الـ Ads الجزء ده مش محتاج جزء من بوست نتكلم فيه بس ولكن محتاج لينا مقالة كبيرة نتكلم فيها عن الموضوع ده ولكـن ممكن نحط النقط الأساسية – أولا : انت هتستخدم اي Objective في الـ Ads إختلفت الأراء حوالين انك هتستخدم أي Objective في الـ Ads بتاعتك خصوصا لو في منصة زي منصات الفيس بوك لأن فيها Objective زي الـ Messages الناس بتشوفوا مش بيجيب نتايج وبيحتاج مجهود مش طبيعي ولكـن على العكس في Businesses مش شغالة غير بالـ Objective ده وجايب معاها نتايج كويسة فـ انت كدا كدا هتجرب الـ Objectives المناسبة زي الـ Conversions – Leads – Catalogues والخ وهتشوف اللي جايب معاك نتايج أفضل – خد بالك انت لازم تشوف كمان نسب تأكيدات الأوردرات بتاعت الـ Objectives اللي انت عاملها لأن انت ممكن تكون عامل Lead ad وبيجيلك Trash Traffic وانت مش في دماغك ده – وتبدأ تشتغل ع اللي جايب معاك نتايج كويسة والـ Traffic بتاعه لطيف – ثانيا : أستخدم أي نوع Creative في إعلاناتي أنواع الـ Creatives كـلها ممكن تشتغل ولكن بإختلاف المنتج يعني انت ممكن تستخدم فيديو UGC وميشتغلش على منتج ما وتجربه على منتج تاني وتلاقيه زي الفل والناس بتشتري حلو في Tip بقا لطيفة الـ Voice Over الخليجي بيأثر بشكل كبير على الـنتايج وده مش محتاج منك تـ Hire حد ولكن ممكن تشوف حد Freelance وهتلاقي كتير على ” مستقل و Fiver وغيرها “ – ثالثا واخيرا حاليا : أحط Interests ايه في الـ adset انا مش هقولك غير حاجتين هنا اول حاجة متبصش ع الـ adset من غير ما تبص على الـ ad وسيبه Broad Targeting وجرب وهتشوف انه بيجيب نتايج طول ما الـ ad بتاعك كويس هتلاقي نتايج ايا كان الـ Target بتاعك احنا لسا مخلصناش كلام في جزء الـ Performance احنا لسا بنقول ي هادي بس كان لازم نبدأ بالحاجات دي الأول بحيث الناس تكون فاهمة هنتكلم في ايه اتمنى يكون الجزء ده مفيد للناس برضوا واستفادوا ولو بمعلومة صغيرة…