14 سبتمبر، 2025

وهم نسبة التسليمات.. اول ما بدأت E-Commerce كنت مبسوط جدا ان نسبة التسليمات عندي أكتر من ٩٠% وقد ايه انا جامد جدا على النسبة الفشيخة دي مع العلم اني كنت بطلع ١٠٠ – ٣٠٠ اوردر ف الشهر كله تقريبا ولكن بعد ما الدنيا بدأت تكبر واشتغلت على حجم اكبر من ال STORES اكتشفت ان نسبة ٩٠% صعبة جدا مع عدد الأوردرات الكبير وخليني امشي معاك خطوة ب خطوة وقولي أنت بتحسب نسب تسليماتك ازاي.. عندي ليك كذا سؤال في الأول ١- عامل كام أوردر ب Aov قد ايه ؟ ٢- نسبة التسليمات دي صافي بعد التأكيدات ولا لأ ؟ ٣- نسبة التسليمات دي حسبت معاها ال Exchange ولا لأ ؟ جاوب على الكام سؤال دول في دماغك وتعالى نفصصهم واحدة واحدة مبدأيا اللي بيعمل ٢٠٠٠ اوردر في اليوم نسبة تسليماته اقل من اللي بيعمل ٢٠ اوردر في اليوم وده بسبب عوامل كتير اوي منهم انك لو عندك ف ال ٢٠ اوردر عميل واحد بيقولك اصلي سافرت سفرية مفاجأة ف في ال ٢٠٠٠ اوردر هتلاقي ١٠٠ عميل بيقول كدا ده غير انك لو بتعمل عدد اوردرات كبير وارد جدا ان عميل يطلب منك اكتر من مرة في نفس الوقت ويستلم اول مرة بس ال AOV متحكم فرعي في نسب التسليمات لذلك جرب تشتغل على منتجين واحد ب ١٠٠ج وواحد ب ١٠٠٠ج وطلع نفس عدد الأوردرات وشوف نسب تسليمات مين فيهم هتكون أعلى وهتلاقي ال ١٠٠ج أعلى تاني حاجة انت بيدخلك من الاعلانات عدد اوردرات وليكن ١٠٠ اوردر بيتأكد منهم ٦٠ اوردر وبيتسلم منهم ٤٥ مثلا ف نسبة التسليمات اللي هي ٤٥ دي المفروض انها الصافي من ال ١٠٠ اللي دخلولك اصلا من الاعلانات ونسبة حاجة و٨٠% من المتأكد في الأساس ف اصبح انت كدا عندك نسبتين الأولى توتال تسليمات من اوردرات والتانية توتال تسليمات من تأكيدات ” ولفي بينا يا دنيا دوخينا يا دنيا “ تالت حاجة حضرتك سلمت اوردراتك وكله تمام وطلعت شغال على منتج كحيان ونسبة استرجعاته ٥٠% ف نسبة التسليمات اللي حضرتك كنت مطلعها ٩٠% نزلت ٥٠% بسبب ان المنتج معفن اصلا تعالى بقا نقوم نتطمن على فلوسك اللي راحت مع نسب التسليمات دي انت عارف لو ال CPO عندك 50L.E وانت نسبة تسليماتك ٥٠% ف ده معناه انك كدا ال COST PER ORDER = 100L.E طب هل تعلم انك لو مش حاطط PROFIT +100 L.E في ال PRODUCT بتاعك ف حضرتك هتطلع Break-even اذا مطلعتش خسران طبعا طب ده معناه اننا كدا عندنا حتة التسعير دي بتتعمل على نسب التسليمات ؟ لا ده معناه انك محتاج تذاكر E-Commerce تاني عشان تعرف هتعمل ايه ف الحتة دي وركز اوي على كل المعطيات اللي حوالين البيزنس غير الأعلانات.

بداية وقبل اي حاجة شكرا لكل الكومنتات الحلوة بتاعتكم على بوست نسبة التسليمات واسف لو مقدرتش ارد على حد سواء في رسايل او كومنتات هحطلكم شيت اكسيل يسهل عليك البوست كله في اول كومنت خليني ابدأ الموضوع بالسؤال اللي بيتسأل على طول أسعر المنتجات ازاي ؟! بس قبل ما اجاوب على السؤال ده خلينا نتكلم شوية عن الـ E-commerce Process Cycle تعالى نجيب بقا الموضوع من الأول منتج – ويب سايت – كول سنتر – مخزن – شحن – عميل – استرجاعات – خدمة عملاء – حسابات دي الـ Cycle بكل بساطة ومن غير تعقيدات وتقريبا ده اصغر شكل هتشوفه في الـ E-Commerce وبتختلف شكل الـ Cycle دي على حسب حجم البيزنس بتاعك المهم تخلي في دماغك ان كل خطوة من دول انت بتصرف عليها حتى لو مش حاسس بمثال بسيط : الويب سايت اللي حضرتك عامله بتصرف عليه هوست ودومين وبلاجنز وغيرها وكل دي فلوس انت اصلا ممكن متكونش حاططها من ضمن الـ Cost وبتخسرها كل شهر برضوا وانت مش في دماغك طيب الـ simple process شكلها عامل ازاي المنتج بيجيي يشتغل عليه تيم الماركتينج ويجيبلك Leads تتحول مع الـكول سنتر لـ مبيعات وتروح بعد كدا المبيعات دي تطلع من المخازن لـشركة الشحن وشركة الشحن تسلمها للعميل ” ومتفكرش ان كدا انت خلصت “ انت لسا عندك يا معلم ما خدمة ما بعد البيع ومتابعة شركة الشحن واللي راح ايه واللي رجع ايه وبعدين تشوف حساباتك طالعة بالموجب ولا بالسالب. انت حسيت دلوقتي انك طلعت عن الموضوع كله ومش عارف ايه اللي دخلك في الحوارات دي وكل اللي انت عايز تعرفه اسعر ازاي وخلاص بس خليك مكمل معايا للأخر تعالى الأول نتكلم عن انواع المصاريف اللي انت هتقابلها وانت شغال هتبقا عاملة ازاي احنا عندنا 3 انواع من المصاريف بس خليني اختصرهملك واخليهم اتنين عشان متتوهش مني اكتر ما انت تايهه 1- مصاريف ثابتة 2- مصاريف متغيرة المصاريف الثابتة هي المصاريف اللي مش هتتغير مهما زودت الأوردرات او قللتها هي كدا كدا ثابتة وبتكلفك فلوس كل يوم المصاريف الثابتة زي الأيجارات – المرتبات – التأمينات – الضرايب اما المصاريف المتغيرة ف هي المصاريف اللي بتزيد او بتقل عليك على حسب حجم الأوردرات بتاعك وأهمها طبعا هي مصاريف الأعلانات اللي بتتصرف كل يوم بين المصاريف الثابتة والمتغيرة في حاجات بتندرج تحت مصطلح ” مصاريف شبه متغيرة ” يعني ساعات تلاقيها ثابتة وساعات تلاقيها زي ما هي ومتخلنيش اخش فيها دلوقتي عشان البوست ميطولش مني لو عايز تعرف عنها اكتر ممكن تسيرش على جوجل هتفهم كل حاجة. طيب بعد ما قسمنا المصاريف وعرفنا هنطلع مصاريفنا ازاي انت دلوقتي بيدور في دماغك سؤال واحد ” ايوة انا اعمل ايه برضوا ؟ “ أولا : هتبدأ تحسب مصاريفك اللي قولتها فوق دي سواء ثابتة او متغيرة ثانيا : هتطلع حجم المصاريف دي قد ايه وتبدأ تقسمها على مجموع الأوردرات المتوقع انك هتطلعها كل شهر ثالثا : هتقسم النسبتين على بعض هيطلعلك النسبة اللي المفروض تزودها على الأوردر الواحد من مصاريف رابعا : هتاخد النسبة دي وتحط عليها الـربح المتوقع هيطلعلك التمن اللي المفروض تبيع بيه المنتج من الأساس بس خد بــالك انت لسا محسبتش نسب تسليماتك وتأكيداتك ومرتجعاتك يا حبيب قلبي طب ودي هحسبها ازاي يا قنديل ؟ بص يا سيدي من وجهة نظري التي لا قيمة لها على الأطلاق انا دايما بحب احسب على الـ worst case scenario يعني من الأخر بحسب دايما أقل حاجة ف بخلي في دماغي ان نسبة التسليمات عندي بعد التأكيدات 45% هتيجيي تقولي ازاي وده قليل جدا ومستحيل طبعا ده انا شركة الشحن متفقة معايا على 90% تسليمات ولو قلت عن كدا هغيرها – حماس البدايات ده هو اللي مودينا في داهية خدوا بالكم – المهم يا سيدي شركة الشحن تحسب زي ما تحسب وانت برضوا احسب زي ما تحسب انا بكلمك على النسبة اللي انا بحب احسب عليها الا وهي الـ 45% طب انا جبت النسبة دي من عندي ؟ اكيد لأ ما انا شغال في السوق وعارف اللي بيحصل ف عشان كدا بقولك خدها من بدري واحسب التسليمات على النسبة دي وراجع برضوا بوست نسب التسليمات لو مش فاهم عشان يوضحلك اكتر قصدي ايه بالذات في النقطة دي.. المهم يا سيدي بعد ما هتحط النسبة دي انا متأكد بنسبة 99% انك هتبقى في الـ safe side ومش هتلاقي خساير غير لو انت اصلا عندك مشاكل تانية غير التسعير بس مش التسعير المشكلة الأساسية طب أكمل كلامي بقا واقولك بعد ما تطلع نسبة التسليمات دي هتروح تضربها في الـ Profit اللي طلعته بعد ما حطيت مصاريفك هيطلعلك حاجة اسمها Net profit او بالعربي صافي الربح ودي النسبة المتوقع حضرتك تكسبها بعد نسبة التسليمات القليلة وبعد حساب المصاريف كلها طب انا هستفيد بالنسبة دي ايه ما انا كدا كدا حاطط مكسب ٥٠ج على القطعة مثلا ف انا عارف انا هكسب ايه بص يا سيدي انا عايزك تبص على شيت الاكسيل اللي انا عامله وتبدأ تحط فيه أرقامك واحدة واحدة وشوف في الأخر الرقم اللي انت كنت حاطه في دماغك طلع صح ولا غلط.. شيت الأكسيل انا حاطط فيه معادلات بسيطة للحاجات دي مجرد ما هتحط الأرقام هتلاقي كل حاجة بتظهرلك مظبوطة انا تقريبا كدا خلصت مقولتش للأسف كل الكلام اللي كنت عايز اقوله بس لقيت البوست هيطول مني جامد جدا ف هنكمل بإذن الله لو عندكم اي اسئلة في بوست تاني ملحوظة : كل اللي انا كاتبه ده بناء على تجربة حصلت معايا وبعملها من ساعة ما كان عندي جروب ببيع عليه منتجات واخدها من محلات ومكنش بيشتري مني غير اصحابي وقرايبي ولحد دلوقتي الحمدلله

بوست قصير لطيف عن الـأعلانات على الفيس بوك في سؤال بيسأله على طول اي حد شغال في الـميديا باينج أحسن نتايج اعلاناتي ازاي ؟ الحقيقة انا لما حد بيسألني السؤال ده مبعرفش ارد وده لأن انت اللي عارف بتبيع ايه وشغال ازاي فـ انت مستحيل تسألني السؤال ده من غير ما تحكيلي Case حصلت واقولك الحل بص يا سيدي صلي ع النبي وركز معايا في الـبوست ده هو مش طويل بس ممكن يفيدك.. الاعلانات في العموم سواء على الفيس بوك او غيره عمرها ما بيبقى ليها عامل واحد بيأثر عليها ف انت عندك شوية عوامل بتأثر على نتايج الأعلان بتاعك كـل عامل منهم لو فهمته وعدلته على حسب نتايجه هتوصل لأحسن نتيجة دايما خلينا نبدأ : 1- الـ ad copy من أهم الحاجات اللي لازم تبص عليها قبل اي حاجة هي الـ ad copy بتاعك وتعرف هل هو فعلا ناجح وبيـ Engage الناس لإنها تكمله من الأساس أو لأ الـ ad copy ليـه Metrics بيتقاس بيها جوا الأعلان بتاعك زي الـ Engagement, Clicks ,Post save وغيرها.. لو قدرت انك تقيس الـ Metrics بتاعتك وتعرف متوسطها كام للمجال اللي انت شغال فيه على البوستات او الأعلانات اللي انت بتعملها هتعرف اذا كان المشكلة من الـ ad copy او لأ وتعالجها كمان 2- الـ Media في مثل قديم بيقولك ” العين بتاكل ” يعني انت لو متقدملك طبق أكل حلو اوي بس شكله مش حلو هتلاقي نفسك مش هتحب تاكله لكن لو نفس الطبق ده شكله حلو جداا بنسبة كبيرة اوي هتلاقي الطعم حلو برضوا لأن عينك حبت شكله قبل ما تدوقه اصلا الـ Media بتاعتك في الـ ad بيتطبق عليها نفس الكلام لو بصيت على الأعلان ومعجبنيش الفيديو او الصورة ف انا مش هضطر اني افتح اللينك اوكمل الـ Purchase من الأساس وتقدر تقيس الـ Media بتاعتك برضوا من الـ Metrics زي الـ Video view , Thruplays وغيرها 3- الـ website هما كلمتين ونص في الحتة دي بالذات عشان هحتاج موسوعة اكتب فيها لو رغينها فيها اهتم بالـ Product page و خلي الـ Funnel سهلة وسرعه الموقع مهمة عشان تعلي معاك الـ CR 4- الـ Product انت مستغرب دلوقتي… هل الـ Product فعلا ليه أثر على اعلاناتي عزيزي المشاهد احب اقولك اه ليه أثر فعلا وهنتكلم عن الموضوع ده في بوست تاني بس خليك مقتنع ان مش كل الـ Products او الـ Services اللي هتشتغل عليها ليها نفس النتايج 5- الـ adset كل اللي اتكلمت فيهم فوق حاجات ليها علاقة بالـ ad او الـ Creative لكن اللعب في الـ adsests من اجمل الحاجات اللي ممكن تقابلها سواء هتلعب في Target او Budget او حتى Conversion window طب انت بعد كل ده هتحسن نتايجك ازاي ؟ بص يا سيدي شايف كل الحاجات اللي فوق دي انت مش هتسيب حاجة مش هتجربها بس على اساس صح.. يعني متغيرش Creative وانت عندك مشكلة في الـ Target متعملش كل يوم target مختلف وانت اصلا المشكلة عندك في الـ Creative متشتغلش على Product مصر كلها شغالة عليه وانت كمان مطلع سعره غالي وتستنى نتايج كويسة الحلو والمميز في الأعلانات انها دايما مفيهاش صح وغلط ولكن فيها حاجة واحدة وهي ادوات قياس طول ما انت متابع نتايجك كويس وبتعرف تلاقي المشكلة فين هتقدر تحلها كل اللي عليك تفهم و تجرب وتحلل نتايجك غير كدا هتفضل تلف في Loop مش هتطلع منها

ايه هو الـ CR هو conversion rate او معدل التحويل بكل بساطة من غير مصطلحات صعبة انت بيدخلك كام واحد الويب سايت وبيشتري منهم كام واحد والنسبة بينهم دي اسمها الـ CR طيب ده هيفيدنا في ايه ؟ احنا في الأعلانات بنتحاسب على حاجة لطيفة اوي الا وهي الـ ” Reach “ والسؤال المنطقي هنا : يعني انا بتحاسب على عدد الناس مش على الـ Objective بتاع الكامبين ؟ الجواب بقا : اه يا حبيب قلبي انت بتتحاسب على الـ REACH بس خد بالك الـ objective بتاع الكامبين ذات نفسها بيفرق في الـ Audiences وده معناه انك لو عـامل كـامبين الـ Objective بتاعها رسايل هتوصل لناس غير لما تكون عامل كامبين الـ Objective بتاعها Awareness وطبعا سعر الـ Reach هنا غير سعر الـ Reach هنا تعالى اديلك مثال انت دخلت عملت اعلانك الجميل بـ Messages objective والأعلان لقيته صرف 1000ج ومجبش وحتى رسالة هل الفيس مش هياخد الـ 1000ج عشان حضرتك مجبتش رسايل ؟ لأ طبعا. الفيس حاسبك على الناس اللي انت وصلتلها بالـ 1000ج دي ومش هامهه بقا هما عملوا Action على الـ ad بتاعك اصلا او لأ طب احنا كدا عرفنا الفيس بيحاسبنا على ايه الـ CR ماله بقا تعالى نكمل المثال انت بالـ 1000ج دول وصلت لـ 10الاف واحد الـ 10 الاف دول منهم 1000 دخلوا الموقع والـ 1000 دول في منهم بس 100 اشتروا ف حضرتك كدا لو جيت بصيت هتلاقي المحصلة انك عندك 100 اشتروا وتكلفة المبيعة واقف عليك بـ 100ج اللي هي من الأخر حاصل قسمة اللي انت صرفته على عدد الناس اللي اشتروا كلام جميل فين برضوا الـ Conversion rate في القصة دي بص يا سيدي الـ 100 اللي اشتروا دول انت هتقسمهم على الـ 1000 اللي دخلوا الموقع في الأساس هيديك نسبة تانية اللي هي الـ CR ومعدل التحويل عندك هتلاقيه 10% يعني نسبة الـ CR 10% يعني لو داخلك 2000 واحد 200 واحد هيشتروا هتلاقي النسبة برضوا 10% لأنها حاصل قسمة الـلي دخل على اللي اشترى حلو اوي اوي خليني اوضحلك الموضوع بقا الـ CR مش حاجة ثابتة ومش محطوطله قواعد معينة بيمشي عليها او اقدر اقول اني هعمل 1 و 2 و 3 صح وهجيب CR أعلى وكدا ولكن في حاجات كتير بتأثر عليه ولازم عشان اعرف اوصل للـ Max CR للـ Product اللي بشتغل عليه اعمل ( CRO ) او بالعربي لازم اشوف الحاجات اللي بتأثر على الـ CR وابدأ اعدلها عشان اوصل ل نسبة كويسة ايه اللي بيأثر بقا على الـ CR ده 1- المنتج طبعا انا بالنسبة ليك دلوقتي حاشر المنتج في كل حاجة في الحياة واي بوست بكتبه بجيب سيرته بس كدا كدا لازم اول حاجة تفكر فيها في حياتك هي المنتج ده لأن هو اصلا لو كويس هتلاقي الـ CR بتاعك عالي لوحده من غير ما تحاول تعمله Optimization حتى 2- الـسعر السعر بيأثر ؟ ده مش بيأثر بس ده عامل اساسي في الـ CR وكالعادة خليني اقولك جرب انت وهات منتجين واحد سعره 100ج والتاني سعره 1000 ج وشوف مين اللي الـ CR هيكون أعلى وهتلاقي ان اللي بـ 100 ج أعلى بكتير جداا طب ده معناه اني اقلل الأسعار عشان ابيع كتير ؟ لا ده معناه انك تروح تبص على بوست التسعير اللي انا كنت كاتبه 3- الـ Product page يعني العميل اول ما بيخش موقعك الجميل بيبص على صفحة المنتج ويقرأ مواصفاته لو عجبته هيكمل معجبتوش هيطلع المفروض بقا انك متسيبوش يطلع من صفحة المنتج اصلا اللعب في الـ Product page ليه مدارس كتير وعشان تفهم اكتر ابحث في اليوتيوب ب ” product page optimization “ وشوف كمية الفيديوهات على الموضوع ده عاملة ازاي وابقى ادعيلي 4- الـ Funnel يعني انت دلوقتي لو دخلت اي موقع ولقيته بعد ما دوست add to cart دخلك على صفحة بتضيف فيها اسمك وايميلك وبعدين تدوس Next ف يدخلك على صفحة تانية تضيف فيها عنوانك ورقمك وبعدين صفحة تالتة تحدد فيها لون المنتج وصفحة رابعة فيها مواعيد التوصيل انت اصلا هتزهق وتطلع ومش هتكمل فـ كل ما كان العميل رحلته في انه يعمل Checkout اسرع كل ما ده انعكس على الـ CR بتاعك 5- سرعة الموقع من اهم الحاجات اللي بتأثر على الـ CR هي سرعة الموقع بتاعك وقيس الموضوع على نفسك انت لو داخل موقع ولقيته بيحمل ببطئ هتزهق وهتقوم جي طالع ومريح دماغك لكن لو داخل اي موقع ولقيته سريع وسهل في التعامل هتكمل عليه وممكن تقضي عليه وقت طويل عادي مش هتفرق معاك خلاص كدا هو للأسف مش خلاص بس دول تقريبا من أهم الحاجات اللي ممكن تفيدك ولو تابعتها هتقدر تظبط موضوع الـ CR البوست الجي ان شاء الله هيبقا تجربة حصلت معانا في الشغل والحمدلله طريقة اتجربت وظبطت الـ CR بشكل كبير جدا

الـ CR الجزء التاني كنت أتكلمت قبل كدا عن الـ Conversion rate وشرحت يعني ايه اصلا Conversion rate وشرحت فيه عوامل اساسية بتأثر عليه وقولت هنزل بوست تاني فيه Case عن الموضوع كله بس قولت أكمل شرح شوية بحيث الناس تبقا فاهمة أكتر ايه اللي ممكن تعمله عشان تحسن الـ CR وبعدين أنزل الـ Case كاملة أي موقع E-Commerce هتشتغل عليه او حد هيعمله لازم يراعي فيه حتت الـ User لأن هو في النهاية اللي هي هيشتري مش انا ولا انت البوست ده فيه شوية حاجات هتخليك تحسن الـ CR عندك ولكن قبل ما تقرأ لازم تعرف ان الحاجات دي مش هتزودلك الـ CR الضعف ولا حاجة ولكن هيتحسن اكيد عن الأول خصوصا لو في حاجات انت مش واخد بالك منها ايه هي بقا الحاجات اللي هعملها ف تخلي الـ CR حلو ؟ ” ومبدأيا الكلام ده مش ثابت ومش انا اللي قايله ولكن بيختلف من موقع ل موقع ومن مكان لـمكان “ اول حاجة بتلاقيها في الـ Home page بتاعت اي موقع هي الـ Menu ودي مش معمولة عشان المبرمج عايز يعملها لأ دي معمولة عشان الـ User لما يدخل عندك ميلفش حوالين نفسه ويبقا مش عارف فين الـمنتج اللي بيدور عليه او صفحة الـ Polices او صفحة الـ Contact او الـ New product والـ Top rated تاني حاجة هي الـ Filter او الـ Sorting tools والـ Filter مش اساسي في اي موقع خصوصا لو الموقع 1 web product ولكن مهم لو حضرتك عايز تحسن الـ CR يعني انت لو دخلت موقع في منتج واحد ولكن انواعه مختلفة وانت حاطط لنفسك سعر معين عايز تشتري بيه ف الطبيعي انك تعمل Filter بالسعر اللي انت عايزه ويظهرلك وده هيسهل على الـ User جدا انه يوصل للي هو عايزه تالت حاجة هي حجم الصفحة والقصد هنا انها متبقاش طويلة والـ User يفضل يـ Scroll down ساعة عشان يوصل للـ Footer ولكن تبقا معقولة وتراعي اختلاف الـ Devices اللي الـ user بيستخدمها رابع حاجة هي الـ Breadcrumbs ولو انت مش عارف ايه هي الـ Breadcrumbs ممكن تعمل عليها سيرش بسيط جدا قبل م تكمل قراية الـ Breadcrumbs هتسهل على الـ user انه يرجع للصفحة اللي كانت قبل الـ Product page او يدخل الـ Category بتاع المنتج ده يعني مش هيتوه من الأخر وهيعرف هو مكانه فين خـامس حاجة هي الـصور راعي دايما ان الـصور تبقا HQ في الموقع بتاعك وتبقا Responsive لأي جهاز وخليك دايما محافظ على الـحجم بتاع الصور ميبقاش كبير عشان ميخليش الـموقع تقيل او صغير ف الكوالتي ميبقاش كويس سادس حاجة هي الـ Text طبعا حضرتك هتيجي تسألني هو الـ Text كمان بيأثر في الـ CR اه طبعا بيأثر حتى لو انت مش واخد بالك حجم الـ Font مينفعش يبقا اقل من 16px والا الـ User مش هيبقا شايف حضرتك كاتب ايه من الأساس وهنشوفله عدسة مكبرة عشان يشوف الـ product اللي انت عايز تبيعهوله سابع حاجة الـ website speed ودي من أهم الحاجات في الـ CR لو انت الموقع بتاعك ميت وبيفتح في وقت طويل هتلاقي الناس بتطلع قبل ما يحمل أصلا ف الحته دي بالذات مهمة جدا ولو انت مش عارف تعملها نصيحة استعين ب مبرمج شاطر يعملهالك عشان مش دايما العيب هيبقا في صور حجمها كبير واوقات بيبقا الـ Code محتاج يتعمله Optimize عشان موقعك يبقا اسرع تامن حاجة هي الـ Internal search خلوا دايما Search bar في المواقع عندكم عشان لو في حد بيدور على حاجة يقدر يلاقيها وميلفش كتير بشوف ناس عاملة الـ Internal search بيوديك على جوجل انا مش عارف دماغهم بتبقا فين وهما بيعملوا كدا بس Internal معناها ” داخلي ” ف الـ Search بيكون جوا الموقع مش برة تاسع حاجة الـ Cart خلي الـ Cart بتاعتك سهل التعامل معاها والتعديل عليها عشان لو عميل اختار حاجة غلط يقدر انه فعلا يعدل فيها قبل ما يشتري او يشيلها ويحط حاجة تانية ووضح فيها زرار الـ Checkout عشان أغلب الـ User بيتوهوا في الـ Cart ومش بيعرفوا يعملوا ايه ونصيحة صغيرة عن تجربة في الحتة دي بالذات متخليش الـ Cart تظهر كل ما يعمل قطعه زيادة في الأوردر وخليها مكانها واضح في الـ website عشان الـ User يوصلها بسهولة عاشر حاجة الـ Checkout بص بقا يا سيدي لو عندك دفع الكتروني نصيحة حط الـ Button بتاعت الدفع نفس طريقة الدفع يعني لو PayPal على سبيل المثال حط اللوجو بتاع PayPal او الـ Button بتاعت الدفع بتاعته لو Visa اعمل نفس الكلام ولو قدرت تبرمج الدفع يبقا شبه الـ Card بتاع الـ Credit عشان يعرف ايه الأرقام اللي المفروض يكتبها بالظبط ياحبذاا لو Cash on delivery اكتبها صريحة عشان الـ User يبقا فاهم هو هيدفع ازاي في حته كمان في الـ Checkout وهي انك متضفش بيانات اضافية ملهاش لازمة يعني انت لو الـ E-mail مش مهم بالنسبة ليك او بتتعامل مع فئة معندهاش الثقافة دي ف مش لازم تحط الخانة بتاعت الـ Mail وممكن تحط البيانات الرئيسية بس عشان العميل يملاها الحداشر هي الـ Badges والـ Badges هنا قصدي عليها بالـ Icons زي Pay Safe و Fast shipping وكدا وممكن تعمل برضوا سيرش عليها هتفهمها اكتر اتناشر الـ Metrics tool ودي من الحاجات الأساسية في اي موقع عشان تقدر تسجل الـ Sessions بتاعت الـ user وتشوف الـ Heat maps وده عشان تعرف الـ User بيتحرك فين في الموقع وايه الحاجات اللي ممكن تخليه مش عارف يكمل الـ Purchase والخ.. ولو انت مش فاهم رقم اتناشر دي قولي وهبقا اشرحها في بوست تاني كاملة او اعمل فيديو حتى من Metrics tool بستخدمها اخر حاجة البوست ده مكتوب فيه شوية حاجات قادرة انها تحسنلك الـ CR ولو محتاج حاجة ممكن تبعتلي برايفت وانا هفيدك لو اعرف بإذن الله

المفروض أعمل كام اوردر في اليوم ؟ أحط التسعير للمنتجات ازاي ؟ أشتغل على انهي بلاتفورم ؟ أشتغل على منتجات ايه ؟ انا بالنسبة ليا دي اسئلة وجودية… يعني ايه بقا اسئلة وجودية دي ؟ يعني مينفعش تتسـأل الـ 4 اسئلة اللي فوق دول بيسألهم اي حد بيبتدي E-Commerce او Affiliate او Drop shipping أو بيشتغل اونلاين بشكل عـام ايا كان نوع الشغل اللي شغاله ليه بقا دي اسئلة وجودية ؟ لأن محدش ينفع يقولك اجابة المفروض تعمل كام أوردر في اليوم دي حط الجملة دي في دماغك “و بالأنجليزي عشان تترجمها وتحفظها “ ” It depended on a lot of factors “ انا مش هقدر اقولك اشتغل بـ Budget قد ايه ومش هقدر اقولك انت المفروض تكسب كـام عشان اجاوبك على السؤال اللي بعده وهو أحط التسعير ازاي ؟ بس دايما كل حاجة بيكون ليـها Range بنتحرك فيه مثال 1 : انا عايز اعمل 5000ج أخر الشهر عشان اعرف أكبر البروجكت فـ بالتالي انا محتاج أطلع تقريبا 3 اوردر في اليوم ويكون فيهم Net profit = 55 L.E عشان أجي اخر الشهر الاقي معايا الـ 5000ج دول او اقل منهم ب شوية لو انا مش حاطط تسعير صح مثال 2 : نفس الـ 5000ج اللي فوق دول طلع محتاج اطلع بيهم Net profit = 55 فـ معنى كدا اني لازم احط في المنتج +100ج Profit عشان بعد التأكيدات والتسليمات والتعويضات والمرتجعات والخ.. نيجي بقا للسؤال التالت اشتغل على بلاتفورم ايه ؟ في الحقيقة السؤال ده بيغلط فيه ناس كبار في المجال مش حد لسا بيبتدي وبتلاقي أقوال زي ” لو هتشتغل الخليج اشتغل على تويتر وسناب وغيرهم.. “ وعشـان احنا ناس بتوع Performance فـ احب اقولك انك مش محتاج تسأل اشتغل على انهي بلاتفورم ولكـن ممكن تجرب وتشوف النتايج.. والنتايج دي مش هتكون مقتصرة على الـ CPP بس ولكـن هتكون معتمدة على نسب التسليمات والتأكيدات وسعر المنتج ونوعه وده هينقلنا على السؤال الرابع والأخير أشتغل على منتجات ايه ؟ فكرة انك تخصص نفسك تشتغل على حاجة معينة او منتج واحد ده مش حاجة وحشة لكن انا من مدرسة الشغل على المنتج الكسبان يعني انا بجرب منتجات كتير والمنتج اللي بيبقا كويس ببدأ اشتغل عليه وخد مني النصيحة دي ” هتوصل لمرحلة انك بتعرف المنتج الكسبان ده اول ما تشوفه بس من غير ما تعمله تيست حتى “ بس دايما ركز في جزئية ان مش كل المنتجات بتنفع لكل الأسواق يعني ايه بقا ؟ يعني متروحش تجيب منتج زي ” المروحة ” وتبيعه في بلد شتاء طول السنة اصلا it’s not make sense مثال 3 : لو انت قاعد بتختار منتجات ووقع قدامك منتج ” مكواة فرد الشعر “ ف حضرتك أخترته وقولت هو ده المنتج التمام اللي هشتغل عليه ولقيت نفسك هتشتغل في السعودية * اول حاجة هتعملها هتغير اسم المنتج عشان لو كتبت مكواة فرد الشعر هتتفهم غلط * تاني حاجة هتروح تدور على البلاتفورم اللي هتشتغل عليها ف قولت انا هختار انستجرام مثلا على اعتبار انها بلاتفورم عليها بنات كتير ودول اكتر فئة هتشتري المنتج وبعد الـتيست لقيت ان النتايج حلوة اوي بس التسليمات وحشة وهنا بقا هتروح لمرحلة تالتة وهي انك تبدأ تحلل الأسباب بتاعت التسليمات الوحشة دي وتشوف العيب فين ولو في الـبلاتفورم تبدأ تشوف غيرها.. وبس كدا يا سيدي دي اجابات الأسئلة اللي ” مينفعش تتسأل “ وفي الختام انا بكتب البوست ده وانا مش في احسن حالاتي النفسية ف لو وصلت لغايت هنا أدعيلي دعوة حلوة بضهر الغيب

بعد بوست الـأسئلة الوجودية اتسألت في حاجات كتير اوي اهمها ان انا ازاي تعامل مع المتغيرات بمعنى ايه بقا الكلام الجميل ده لو انا دلوقتي أخترت المنتج اللي هشتغل عليه.. المفروض اعمل ايه ؟ تعـالى ناخد بقـا الموضوع من الأول والبوست ده طويل فـ لو وراك حاجة دلوقتي اعمله Save وابقا قابلني لو فتحته تاني ازاي اختار المنتج اللي هشتغل عليه ؟ اتكلمت قبل كدا على اني من مدرسة الـ Winner Products تعــالى بقا نحط شوية اسئلة ونجاوب عليها مع بعض 1- ايه هو الـ Winner Product ؟ 2- ازاي اعرف انه Winner ؟ 3- ليـه اختار الـ Winner ؟ 4- أمتى المنتج ده بيموت ؟ 5- الاقي المنتج فين ؟ 1- الـ Winner Product Winning products are products that your target audience loves and sell like” crazy “ بالعربي هو المنتج اللي العملاء بتوعك بيحبوه ويشتروه مهما كـان سعره وبيبيع معـاك بسرعـة طيب مفهمناش برضوا ايه هو الـ Winner Product ده ؟ بص يا سيدي الـ Winner هو اي منتج بيحل common problem بشكـل Smart وممكن نقول ان هو نفسه المنتج اللي بيطلـع Trend ومش بيكون مخصص لفئة محددة من النـاس يعني اي حد ممكن يشتريه كـمثال بسيـط للـ Trend ” الصبـارة الراقصة “ كـانت Trend بشـكل كبير جدا ومكـنش مخصص لفئة محددة من النـاس لأن كله كان بيشتريه كبير وصغير ولو جيت تحلل الـ consumer’s behaviour ف هتلاقي ان في نـاس كانت بتشتري المنتج عشان تلاقي حد تكلمه ويرد عليه ويضحك ويهزر وينبسط مثــال تاني للـ Common Problem ” ممسحة البخار “ والممسحة دي طلعت بشكـل كبير جدا ايام الـ Covid-19 وكانت بتتباع بشـكل خرافي على الرغم انها مكنتش شغالة قبلها ولكن لما حلت مشكلة الـ sterilization النـاس بدأت تجيبها وبتتباع على الأساس ده يبقا احنا عرفنا كدا ان الـ Winner ده بيحل مشكلة وبيطلع ترند ايهما اقرب بقا.. 2- هتعرف الـ Winner Product بشوية طرق حلوة الطريقة الأولى انك تبقا متوقع المشكلة اللي هتحصل وتبدأ تجهز منتجاتها وتبقا عـارف هتشتغل عليها ازاي عشان تطلع Winner او تبقا مدرك المشكلة على الأقل اللي الـ Target aud عندك بيواجهها والمنتج اللي قصادك بيحلها انا سامعك بتقول في دماغك ما كل المنتجات بتحل مشـاكل ايه المختلف بقا ؟ خليني أقولك ان انت كدا محتاج تراجع الـ Consumer’s بتوعك تاني وتعرف ايه المشاكل اللي فعلا بتواجههم وتشوف المنتجات اللي قـادرة تحل المشـاكل دي وتشتغل عليها بنـفس الـ Angle بتاعت المشكلة طيب الطريقة التانية كـان في واحد قالي في بـداية شغلي في الـ E-Commerce ان المنتج الـ Winner بيتحس مش بيتعرف انا مكنتش عـارف معنى الكلـمة لسـا او مش فاهمها بشـكل كـامل وكنت بستغرب ازاي الشخص ده بيبعتلي المنتج ويقولي ده Winner اشتغل عليه بالطريقة الفلانية وهيطلع كله ولكن بعد فترة مش طويلة في الشغلانة دي لقيت نفسي بعرف الـ Winner بمجرد م اشوفه وحرفيا بمجرد ما بشوف المنتج دلوقتي بـعرف اذا كان هيشتغل او لأ وده مش بناءا على اي حاجة الا الخبرة اللي انت كونتها في الحتة دي ف لو انت شغال في مجــال الـ Cosmetics مثـلا فترة هتلاقي بعد الفترة دي انك اي منتج بتشوفه بتقول اه ده ممكن يجيب نتايج كويسة او مش هيجيب نتايج طيب عشـان احنا نـاس بتوع Performance وعايزين نعرف المنتجات الـ Winner دي المفروض نعمل ايه ؟ بص يا سيدي انت بتبدأ تعمل الـ Test بتاعك على المنتج وتشوف اول 3 ايام الـ Cost فيه عامل ازاي ونسبة التسليمات كمان بعد اول محاولة تسليم الـ Test ده هيخليك عـارف المنتج كويس ولا لأ واراء الناس فيه ايه المنـتج الـ Winner الـ CPP بيبقا قليل والـ ROAS عالي ونسبة التسليمات فيه كويسة عن باقي منتجاتك اللي شغال عليها 3- في إحدى زياراتي لمـوقع Oberlo كنـت بقرأ مقالة عن الـ 8 ways to find winning products every time أول سؤال مكتوب في المـقالة هو : How do some stores end up making six and seven figures while others have a big, fat zero ؟ والأجابة كانت كلمتين ” Winner Products ” – انا سايبلكم اسم الموقع و اسم المقالة ممكن تقرأوها وهتستفيدوا جدا – الـ Winner هو اللي هيخليك تعمل فـلوس كتـير بصرف قليل يعني بمعنى اصح هيبقا الـ Margin profit فيه عالي + الـ Basket size فيه بتكون عالية 4- المنتج بيموت لما السـوق يبدأ يتشبع بيه بشـكل كبير وبيموت دي مش معناها انه مش بيبيع لأ ده معناها ان الكوست بتاعه بدأ يعلى بشكـل مبالغ فيه او معتش بيجب نفس عدد الـ Purchases اللي بيجيبها في اليـوم او النـاس بدأت متستلموش والـ Trend بتاعه بدأ يخلص ويتركن فترة المنتج اللي بياخدها من اول ما يبقا Winner لغـايت لما يموت معاك دي ممكن نسميها الـ Product Cycle ولو ان الـ Product Cycle دي اكبر من اننا نحطها على Winner Product بس خلينا نقول كدا عشان تبقا مفهومة 5- هتـلاقي المنتج ازاي دي قصة طويلة اوي فيها جزء كبير من الرزق وجزء تاني من الـ Search أول حاجة لو انت عندك منافسين كتير في السـوق ف ممكن تـ Spy عليهم وتشـوف الـمنتجات اللي شغالين عليها بشـكل كبير وتبدأ تشتغل عليه والـ Spy في الـ E-Commerce مشـروع مش حاجة وحشة يعني متقلقش ولو عـايزتعـمل Spy بشـكل سهل وسريع فـ فيه ادوات كتير زي adspy وشغالة في اكتر من دولة وفي كمـان Tools تقدر تستخدمها لو عايز تعرف المنتجات الكويسة واللي شغالة والكريتيفز بتاعتها كمان الحلوة ونتايج كامبينز عليها في الحقيقة انا كنت ناوي اكمل البوست ده بس لقيته طول مني سيكا وانا لسا في اول جزء هقسم الـ Variables على بوستات مختلفة وبإذن الله انزلها كلها ورا بعض بحيث تقدر تستفيد منهم أكتر استفادة وفي الختام لو وصلت لغايت هنا أدعيلي دعوة حلوة بضهر الغيب

ازاي تعامل مع المتغيرات الجزء التاني من السلسلة الجميلة اللي يارب أعرف أكملها أتكلمنا البوست اللي فات عن الـ Products والـ Winner Product بشـكل خاص لو مشوفتش البـوست ده ارجع تاني شوفه عشان تقدر تستفيد من البوست ده كامل الإستفادة وكـالعادة البوست ده طويل فـ لو وراك حاجة دلوقتي اعمله Save وابقا قابلني لو فتحته تاني بعد ما اخترت المنتج هتدخل معايا الرحلة دي من أولها كدا بعد اختيارك للمنتج هتبدأ تفكر هو انا هشتغل على انهي Platform اختيار الـ Platform من اهم الحاجات اللي هتعملها هنتكلم انهاردة على اول 2 platforms بنفكر فيهم واحنا بنشتغل في مصر 1- فيس بوك وانستجرام ” وهنتكلم عليهم على انهم واحد هنا بما ان ممكن تعملهم اعلانات من نفس المكان “ 2- تيك توك خلينا نبدأ بأول بلاتفورم الا وهي الـ Facebook لو هتبدأ تشتغل على الفيس بوك ف اول حاجة هتفكر فيها ايه نوع الأعلانات اللي هشغلها من وجهة نظري المتواضعة اكتر نوعين اعلانات بينفعوا ” الرسايل – الكونفرجن “ انا سامع صوت الناس اللي بتقول ان الرسايل مش معمولة عشان نـ Lead sales وان الـكونفرجن هي اللي على اساسها نقدر نحدد كل حاجة واحب اقولك اني مش مختلف معاك في الكلام ولكن على صعيد أخر اعلانات الرسايل شغالة كويس جدا جدا في المبيعات وبتعمل نتايج كويسة سواء على مستوى الـ Cost او الـ Delivering حد هيججي ويقولي ليـه نسبة التسليمات اعلى في الـرسايل ؟ خليها وهقولكم عليها في الأخر بس نكمل الحتة دي خلونا نحط اساسيات قبل اي حاجة سواء هتشتغل رسايل او كونفرجن الأساسيات دي هتبقا عبارة عن – الـ Creative – الـ Content لو قولنا ان الأعلان 100% فـ الأتنين اللي فوق دول 50% وباقي الأعلان بالأستهداف بتاعك بالأستراتيجي بـكل حاجة 50% تانية الـ Creative بتاعك ليه اختيارات كتير اوي وانت شغـال سواء صورة او فيديو أو Carousel او Collection كـل اختيار من دول ليـه استخدام مختلف عن الـتاني وكل واحد هتستخدمه في جزء من الـ Funnel بتاعتك بس خلينا نقول انك لو بتشتغل لسـا على المنتج جرب عليه الـصورة والفيديو وشوف ايه بيجيب احسن معـاك الـ Content بتاعك لو مخلاش الشخص يكمل البوست او يتفرج على الفيديو او حتى يعمل لايك فـ اعرف ان فيه مشكلة الحتة دي بالذات في الـفيس بوك هتلاقيلها Metrics كتـير جدا زي الـ Post like والـ CTR والـ Post comment والـ Video views والخ الخ المنطقي والطبيعي انك لما تشوف الحـاجات دي كلها كويسة يبقا الـ Creative والـ Content مفيهومش مشاكل لكن لو الـ Metrics بتاعتك فيها مشاكل فـ اعرف ان في مشكلة فيهم نكمل كلامنا ونبدأ بأعلانات الرسـايل اعلانات الرسـايل من أكتر انواع الأعلانات اللي شغـالة ” في مصر ” وبتجيب اوردرات ب كوست قليل. طيب ليه النـاس بتلجأ للـ Conversion وبتسيب الـ Messages ؟ أولا : الرسـايل فيها ضغط كبير جدا وعـاملة زي الحلقة اللي لو في حتة فيها اتفقدت هتلاقي الـباقي كله باظ وفي رسايل ومفيش اوردرات ثانيا : لو بتكسيل على منتج وعايز تطلع عدد اوردرات كبير في اليوم ف بنسبة 90% مش هتعرف تعمله بالرسايل وده عشان انت هتبقا محتاج Moderation team جبار و Moderation system مش بس الـ Inbox ثالثا : ان الأعلانات بتاعت الرسايل مش كـل وقت بتشتغل وده لأن الغرض الأساسي بتاعها مش بيكون الـ Sales زي م قولنا فوق ولكن هي بتندرج تحت بند الـ Engagement رابعا : الـ Tracking وخليني أقولك ان دي من أهم الأجزاء في موضوع انك يكون عندك website لأن انت هيبقا عندك داتا كتير لكل العملاء سواء دخلوا الموقع او اشتروا او دخلوا الـ Checkout بتاعتك طيب يا عم قنديل انت قولتلنا عيوب كتير في اعلانات الرسايل قولنا بقا احنا ليه نشتغل رسـايل بقا ؟ ببساطة لو مش معاك بادجت كبيرة ومش هتعرف تعمل ويب سايت او سعر الـكونفرجن عليك هيبقا كتير فـ اشتغل رسـايل ولو مش فاهم الـ Sales Funnel ماشية ازاي والـ Testing في الـ Conversion campaigns عامل ازاي ف بلاش تدخل في المفرمة دي ” اتعلمها وسيبلها وقت لما يبقا معاك البادجت المناسبة وابدأ “ طيب انا مش معايا بادجت وبدأت اشتغل على منتج رسـايل بس مفيش اوردرات اعمل ايه ؟ في الحالة دي هتبدأ تبص على كل الـعوامل بتاعتك من أول الـ Product والـ Campaign target والـ Message scenario يمـكن من أهم الحاجات هي الـ Message scenario وهي ببساطة من اول ما العميل يخش يقولك ” السعر كام ” ولغايت ما تقفل معاه بأنه ” تمام عايز احجز ” او ” شكرا مش عايز احجز “ ولو عايزين نتكلم عليها في بوست تاني قولولي نتكلم فيها عشان منطولش البوست ده اكتر ما هو طويل اشتغلت رسـايل يا سيدي وبدأت الدنيا مـعاك تبقا كويسة والمنتج اللي كـنت بتطلع منه قطعتين بقيت بتطلع منه 50 و 100 وواقف على الأسكيل ده ومش عـارف تطلع أكتر من كدا هتعمل ايه ؟ هتاخد جزء من الفلوس كسبتها دي وتروح تعمل ويب سايت طيب اعمل الويب سايت ازاي ؟ أسهل طريقة دلوقتي ممكن تعمل بيها ويب سايت هي المنصات الجاهزة زي shopify و youcan ولو اني مبحبش المنصات دي وماشي بمبدأ متزرعش في أرض غيرك ولكن ك بداية ليك هتبقا كويسة جدا ومش هتكلفك كتير عملت الموقع اللطيف بتاعك وحطيت عليه منتج او اتنين هتبدأ شغل عليهم ” وبالمناسبة مش لازم يبقا عندك 100 منتج عشان تعمل ويب سايت “ ابدأ ظبط البرودكت بيدج بتاعتك والـ Checkout page والـ Pixel والـ Verify domain وكل حاجة ” ولو مش فاهم الحتة دي قولي نتكلم عليها في بوست تاني برضوا “ وادخل اعمل أول اعلان كونفرجن بقا يا معلم طيب انا كلمتك على عيوب الرسايل تعالى نتكلم على عيوب الـكونفرجن وايه اللي ممكن يكرهك في حياتك في نوع الأعلانات دي مبدأيا قبل ما تشغل اعلانات كونفرجن اتأكد انك مظبط البيكسل ومظبط الـأنالتكس بتاعك ويا سلام لو مظبط داتا ستوديو كمان عشان متلفش حوالين نفسك وتسهل على نفسك تحليل الداتا الكونفرجن من احسن انواع الأعلانات اللي هتشتغل عليها اللي بتـ Lead sales ولكن اول حاجة هتقابلك ان حضرتك عامل بيكسل جديد ومفيهوش داتا ولسـا هتعمل ليه Warm up ف حضرتك متستعجلش النتايج تاني حاجة اعلانات الكونفرجن احنا مش بنبص عليها كل دقيقتين ونقول اصلها مجبتش اوردرات وحضرتك هتبص على كل الـ Metrics وحرفيا كل الـ Metrics عشان تعرف هي فيها امل اصلا انها تحقق نتايج او لأ تالت حاجة الـ Users بص يا سيدي الشعب المصري بيتميز ب خاصية ” انا حجزت

مفيش منتج بيموت.. من ساعة ما بدأت E-Commerce ودي كـانت من اول الحاجات اللي اتقالتلي انا في البداية مكنتش مصدق الموضوع واللي هو يعني اي منتج مش بيموت واكيد يعني في منتجات مش بترضى تطلع والخ الخ.. لكـن في وسط التجربة العملية لقيت ان كـل منتج ليـه وقت هيطلع فيه انت ممكن اصلا متكونش متخيل الوقت ده ولا عامل حسابك بس طول م انت بتعمل Testing وبتبص على الـ Data صح هتلاقي الموضوع ده حقيقي لـو عايز تعرف ازاي المنتجات هي اللي بتفرق في النتايج وازاي ممكن الـ Broad Targeting ينفع معاك طول ما انت شغال فـ ” Ahmed Omar ” عمل بوست كافي ووافي بالموضوع ده ممكن تبص عليه عنده تعالى بقا ناخد حتة تانية وهي ان لو المنتج اصلا مش راضي يطلع معايا المفروض أعمل ايه !؟ وحتت المنتج مش عايز يطلع معاك دي تاخد بالك منها عشان في ناس بتلبس في منتجات كتير اوي خصوصا لو جايب حاجة بتاعت Seasons او حاجة فيها مقاسات كتير في شوية حاجات هتدور عليها قبل ما تبدأ شغل اصلا على المنتج اللي مش عايز يطلع ده اول حاجة هي ” المنتج ” اصلا لو عرفت خصائص المنتج كويس هتقدر تطلع ليه أكتر من استخدام وكـل استخدام بيلبي Need مختلفة عند العميل وواحدة من الخصـائص دي هي اللي هتظبط معاك وهيطلع بيها.. طيب خصائص المنتج دي بتتمثل في ايه ؟ خلينا ندي مثال ب حاجة زي ” الموبايل “ الموبايل ده ممكن تشتريه عشان تعمل مكالمة تليفون فـ لو هتبيعه عشان يلبي الـ Need دي هتقول ان الميكرفون فيه كويس والسماعة فيه حلوة وممكن ناس تشتريه عشان بيصور حلو فـ هتغير وتقول ان الكاميرا فيه احسن من اي كاميرة احترافيه وفي الحالتين بالخاصية دي هيتباع وبالتانية دي هيتباع بس انت بتحط أكتر من خاصية ل منتج واحد عشان تعرف تـ Expand الـ Target Audience بتاعك وتشوف انهي فئة هي اللي ممكن يأثر فيها الموضوع اكتر وتشتريه. تاني حاجة هي ” الـ Creatives “ انت كدا كدا طول النهار بتبقا قاعد تحرق في قتك وجايب Video Editor معاك وقاعدين تشوفوا كل حتة في الفيديو اللي بتعملوه وفي الغالب مش هيجيب نتايج طيب انت سألت نفسك هو مجبش نتايج ليه ؟ او ليه ممكن يكون العيب في الـفيديو ذات نفسه ؟ الفيديو مش هيجيب نتايج لو الناس شايفاه ممل او مش ظاهرلهم فيه هما هيستفيدوا ايه من المنتج في اول 10 ثواني طيب انت قبل ما تفكر تعمل فيديو جديد او تجيب فيديو من حد وتفضل تقصه عشان يطلع حلو لازم تكون عارف ايه انواع الـ Creatives اللي موجودة وممكن تشتغل عليها وهل اصلا انت جربت الـ Photos بدل الـ Videos ومنفعتش معاك ؟ طب لو قولتلك ان في نوع من الصـور بيعمل Convert اكتر من الفيديوهات هتصدق ؟ حتت الـ Creatives دي من اكتر الحاجات اللي محتاج تدرسها صح وتعرف تتعامل معاها ازاي ومش بس كدا انت محتاج تكون بتعرف تقسيها ومحددها بـ KPI’s سليمة تحدد فيها المفروض تعدل ايه وحط في دماغك ان الـ Creative الوينر بيبان من اول ما الأعلان يشتغل ولو معرفتش الموضوع ده بالخبرة ف قيسها بالمعطيات اللي قدامك في الداش بورد تالت حاجة ” Landing Page “ ” اعذروني هتلاقوا الجزء ده طويل شوية عن البوست كله “ يمكن دي من الحاجات اللي بقيت بستمتع وانا بعملها.. ف حوار الـ Landing Page هيحتاج منك تفهم CRO بكل معاني الكلمة ولازم تكون عارف كل الـ KPi’s اللي بتأثر على الموضوع ده من أول حجم الـ Font وحتى لون الـ Action Button الـ Landing Page في معناها البسيط هي الصفحة اللي العميل بيخش يتفرج فيها على المنتج بتاعك ويخلصها وتعجبه ف يعمل حاجتين اما انه يكمل للـ Checkout ويشتري المنتج او انه يقفلها وينفضلك خالص طيب كـ قنديل فـ انا بذاكر CRO بقالي فترة طويلة عشان متعبش في الحتة دي ويمكن فترة المذاكرة بتاعتها اصعب من تفيذها لأنك ممكن تذاكر 10 ساعات وتطبق الحاجة دي في ربع ساعة ولكن هل الحاجة دي بقا بتفرق ؟ اه بتفرق جدا ولكن خد بالك انها بتفرق من سوق للتاني يعني الحاجات اللي بتطبق في امريكا مش نفسها اللي بتطبق في مصر الأختلاف مش بيكون جذري ولا حاجة بس متحاولش تاخد الحاجة تطبقها بحذافيرها وافهم انت المفروض تطبق ازاي طب نقيس الـ Landing Page بتاعتنا على اساس ايه ؟ اول حاجة : السرعة السرعة بتاعت الموقع بتاعك ممكن تقيسها بـ page speed insights وانت اول م تحط الـموقع بتاعك في الـ Insights هيجيلك كل المشاكل اللي فيه من اول حجم الصور واللينكات الداخلية والخ تاني حاجة : Page Tracking tools ومن اشهر الـ Tools دي دلوقتي هي Clarity تبع شركة Microsoft طب بنبص على ايه في الـ Tool دي اول حاجة هي الـ Heatmaps و جواها 3 حاجات اساسية الـ Click – Scroll – Area كل واحدة من دول بتعرف فيها الناس بتروح فين جوا الصفحة بتاعتك وبتضغط على زراير ايه وبتنزل لغايت فين وتاني حاجة هي الـ Recording Session وهي Sessions متسجلة للناس اللي بتخش الموقع وبتشوف كل حاجة منها والعميل عمل ايه بالظبط وايه الحاجات اللي وقفته وهو بيطلب الأوردر وهل مثلا الكوبي اللي جوا البيدج مش عاجبه وسابه وطلع ولا هو طلع في انهو مرحلة محتاجين نقيس حاجات تانية ؟ اكيد ايوة بس دول كافيين لغايت دلوقتي رابع حاجة ” Analytics “ واحدة من اهم المهارات اللي تقريبا مش عند 90% من الـ Media Buyers هي انهم يعرفوا يقروا الـ Data ويظبطوا Analytics بشكل يناسب الشغل بتاعهم وانت بتبص على Analytics ركز اوي انك تعرف اوقات الـ Peak بتاعت الـناس امتى على الويب سايت بتاعك وأحسن وقت يكون فيه الـ Transaction والـ CR عاليين فيه ضيف على كدا انك محتاج تعمل Breakdown لطيف بكـل حاجة وطبعا الـ UTM Link اساسي في كل كامبين بتعملها عشان تعرف ايه احسن حاجة فيهم خامس حاجة ” ADS “ طبعا انا محتاج كتاب كمان عشان اعرف اتكلم في الحتة دي والبوست المرة دي طول مني سيكا ف هخلي موضوع الأعلانات ده في بوست تاني قبل ما اقفل البوست لازم تكون عارف حاجة ان الحاجات اللي انا قولت عليها دي مش محتاج تعملها وانت معاك منتج شغال لأن البروسيس دي كلها بتاخد وقت ومجهود جامد وممكن تجهز اسبوع كامل ل منتج واحد انا متكلمتش عن حاجات كتير اوي جوا التفاصيل اللي انا قولتها دي لأن كل حاجة جواها تفصيلة مختلفة بس حط في دماغك ان

اشتغل افيليت ولا لأ ؟! الفتـرة اللي فاتت وطبعا على البوستات اللي كنت بكتبها كان بيكلمني ناس كتير شغالين افيليت على منصات كتير جوا مصر وبرة مصر منهم اللي الدنيا معاه كويسة الى حد ما وناس تانية بتصرف كتير ومش عارفة هي بتكسب ولا مبتكسبش ولا حالتها ايه وكان في سؤال بيتسأل في كل مكالمة الا وهو ” انزل اجيب المنتجات انا واشتغل واحدة واحدة بالسايكل كاملة ولا اكمل افيليت بس ؟ “ إجابة السؤال ده مش سهلة وعليها شوية اسئلة لازم تتسأل – هل عارف المفروض السايكل بتاعت الأيكوميرس بتمشي ازاي ولا هتبدأ وتقعد تقع في الحاجات اللي الناس بتقع فيها اول ما تبدأ ؟ – انت اصلا اشتغلت السايكل كلها بإيدك قبل كدا ؟ – معـاك ميزانية كويسة تمشيك 3 شهور على الأقل من غير ما تكسب ؟ – عارف هتجيب المنتجات منين ؟ – بتعرف تتفق مع شركات الشحن وعـارف هتتابع اوردراتك معاهم ازاي ؟ – عارف هتسعر المنتجات ازاي وانت عندك مصاريف تانية هتظهر مش موجودة في الأفيليت ؟ – واسئلة كتير من نوعية هتيست على المنتج الأول ولا هتجيبه الأول وعـارف هتسايكل المنتجات ازاي لو في حاجة باقية عندك ومش عارف تطلعها ومحتاج تجيب منتجات زيادة والخ.. إجابتك للأسئلة دي هي اللي هتحدد اذا كنت قادر اصلا تبدأ لوحدك وتسيب الأفيليت ولا لأ طب تعالى نوضح الأسئلة دي شوية لعلك تستفيد – اول حاجة السـايكل بتاعت الأيكوميرس معناها العمليات اللي بتتم من اول ما بتشتري المنتج من المورد الى انك تطلع المنتج ده مع شركة الشحن وتستلم فلوسه السايكل دي محتاجة حد اشتغل بإيده عشان ميقعش في غلطات اي حد بيبدأ وقع فيها وقدامك حلين عشان تعرف الغلطات دي أغلبها ايه – انك تسأل حد اشتغل ودايس في الموضوع بإيده – انك تشتغل انت بإيدك مع حد شغال فترة وتتعلم انت وفي بوست كــامل انا شارح في السايكل كلها From A TO Z ممكن تبص عليه ” هحط اللينك بتاعه في الكومنتات “ – تاني حاجة هي الميزانية طول ما انت شغال افيليت ف انت عندك حاجتين اولهم فلوس الأعلانات بتاعتك وتاني حاجة المصاريف اللي انت بتصرفها ولازم تفضل تصرف منها الى ان يتصرفلك العمولة بتاعتك وتقدر بيها تعمل كاش فلو عشان تعرف الفلوس اللي داخلة واللي طالعة بتدخل وتطلع امتى وتبقا عامل حسابك على كل الظروف وحط في دماغك انك لازم تكون حاطط فلوس على جنب متمدش ايدك عليهم غير لما تكون في اشد احتياج ليهم. – تالت حاجة هتجيب المنتجات منين ويمكن دي من اسهل واصعب الحاجات لأنك لو مش عارف هتجيب المنتجات اللي انت عايزها منين فـ هتقعد تلف كتير وهتجيب المنتجات بسعر غالي برضوا ولو حد تاني جايبها بسعر أقل هتلاقيه بيبيع بسعر أقل منك وانت مش عارف تشتغل و Ayop Abdelrahman كـان كاتب بوست لطيف اوي متقسم فيه المنتجات اللي انت عايز تجيبها والأماكن اللي ممكن تجيبها منها كمان – رابع حاجة الا وهي شركات الشحن ولاحظ ان دي البعبع اللي موقع ناس كتير اوي خصوصا لو بتبدي شركات الشحن كتير لكن فكرة الأتفاق مع شركة الشحن ذات نفسها ده اللي ممكن يكون بالنسبة ليك قصة طويل للأسف انا مقدرش ارشح شركة معينة في مصر لحد ولكن انت جرب اكتر من شركة واتفق على سعر كويس مناسب لعدد الأوردرات اللي انت بتطلعها وشوف الشركة الكويسة معاك ك نسب تسليمات وكاش فلو وتعويضات وكل الحاجات دي – خامس حاجة وعامل لا يقل اهمية عن كل العوامل اللي انا قولتها فوق دي وهو الـتسعير وانا من الناس اللي اتنبح صوتها في الموضوع ده وكتبت عنه اكتر من بوست وممكن اسيبلكم لينكاتهم في الكومنتات كمان ولكن خد النصيحة دي ” لو مش حاسب تسعير صح مستحيل تكسب جنيه “ الأسئلة التانية بقا كتير وانا بصراحة مقدرش اخلص كل الأسئلة في بوست واحد ولكن لو عندك اي سؤال في الموضوع ده ممكن تبعتلي وانا اجاوبك ان شاء الله انا في البوست ده مش بقولك متشتغلش افيليت لأ خالص في ناس شغالة افيليت ومقومة شركة كاملة على الموضوع ده ولكن انت اختار المناسب ليك وبس